Bafilipi 2:11 - Indagano Inyaaya mu-Chijita

¹¹ Ka wone bhuri muunu aayike ati Yeesu Kirisito niwe Raatabhugenyi. Nikwo kutyo Raata Nyamuwanga arikusibhwa.

INDAGANO INYA:YA

¹¹ Na jindimi jo:ne jitogore ati, Yesu Kristo niwe Ratabugenyi, kwikusyo rya Nyamuanga Rata.

Bafilipi 2:11 Referans Kwoze

1 Yoana 4:15

Omuunu woonewoone unu keekirisya na okutogora ati Yeesu ni Mwana wa Nyamuwanga, Nyamuwanga ari na obhumwi nage, omwene wone ari na obhumwi na Nyamuwanga.

Barumi 14:11

Rwa kutyo Ebhikaame Ebhyeru ebhyayika ati, “Raatabhugenyi aayika ati, Chimari enirayira, bhuri muunu ariifukama imbere yaani, na bhuri muunu arinkusya kwa orurimi rwaye.”

Yowana 13:13

Emwe omumbirikira ati, ‘Omwiyigisya,’ ka wone omumbirikira ati, ‘Raatabhugenyi.’ Omukora kisi okumbirikira kutyo, kwa okubha nikwo kutyo niri.

1 Yoana 4:2

Injira ya okumenya ati omuunu kaatangasibhwa na Mwoyo wa Nyamuwanga niyo inu, omuunu woonewoone unu keekirisya na okutogora ati Yeesu Kirisito ꞉eejire ˆnaabha na omubhiri rwa omuunu, oyo niwe kaatangasibhwa na Mwoyo wa Nyamuwanga.

Barumi 14:9

Kirisito ꞉aafuuwe na okusuuruka, korereki abhe Raatabhugenyi wa abhaanu bhoone, abhafuuwe na abhaanga.

1 Bakorinto 12:3

Kutyo, enibhabhwira ati omuunu woonewoone unu kaatangasibhwa na Mwoyo wa Nyamuwanga atakutura okwayika ati, “Yeesu eeyiimwe.” Ka wone omuunu woonewoone atakutura okwayika ati, “Yeesu ni Raatabhugenyi,” araabha atakutangasibhwa na Mwoyo Mweru.

Yowana 14:13

Araabha mukasabhwa echiinu choonechoone kw‑isiina ryani, anye enija okubhakorera. Kurwa ejo, rikusyo rya Raata riribhonekana okutura kw‑anye Omwana waaye.

1 Petero 1:21

Okutura ku‑Yeesu Kirisito, woori emwe omwikirisya Nyamuwanga, unu ꞉aamusuuruuye okusooka mu‑bhafuuwe na okumuyaana rikusyo. Ogwo nigwo ogukora eriikirisya na obhwiyikanyo bhwemwe bhubhe ku‑Nyamuwanga.

1 Bakorinto 8:6

Nawe kw‑iswe, ari‑wo Nyamuwanga umwi wenyere, niwe Raata, niwe ꞉aabhumbire ebhiinu bhyone. Eswe chiikaaye inguru yaaye. Ka wone ari‑wo Raatabhugenyi umwi wenyere, niwe Yeesu Kirisito, na ebhiinu bhyone ꞉bhyabhumbirwe okutura ku‑mwene, ka wone eswe chiri bhaanga okutura ku‑mwene.

Obhusweruro 3:5

Omuunu woonewoone unu ariyiga, nirimufwafya emyenda emyeru rwa abho. Nitarisoosya‑mo risiina ryaye kata mu‑chitabho cha obhuwanga, tari nirimwikirisya imbere ya Raata waani na bhamaraayika bhaaye ati unu ni waani.

Matayo 10:32

“Omuunu woonewoone unu kaanyikirisya imbere ya abhaanu, anye wone nirimwikirisya imbere ya Raata waani unu ari mu‑rwire.

Ebikorwa 10:36

Emwe abheene, mumenyere omusango gunu Nyamuwanga ꞉aasiriiye Abhayisirayeeri. Nibharaasibhwa Emisango ja Ekisi korereki bhabhe na omurembe na Nyamuwanga ku‑njira ya Yeesu Kirisito. Yeesu oyo niwe Raatabhugenyi wa abhaanu bhoone.

Ebikorwa 2:36

Peetero ˆnaamariisya kwa okwayika ati, “Kurwa ejo, Abhayisirayeeri bhoone ni bhusibhusi bhamenye echimari ati, Nyamuwanga akorere Yeesu okubha Raatabhugenyi na Kirisito. Oyo, niwe emwe ꞉mwabhambire ku‑musarabha!”

Yowana 9:22

Abheebhusi bhaaye ꞉bhaayikire kutyo, kwa okubha bhaariga nibhoobhaya. Okubha, abhatangasya bha Abhayawudi abho bhaariga bheekirisyanyiisye ati, omuunu woonewoone unu keekirisya ati Yeesu niwe Kirisito, kaja okukindikwa mu‑nju ja ameekofyanyo geebhwe.

Yowana 5:23

Raata ꞉aakorere kutyo, korereki abhaanu bhoone bhayaane Omwana echibharo rwa kutyo abhayaana Esemwene echibharo. Omuunu woonewoone unu atakuyaana Omwana echibharo, oyo atakuyaana echibharo Raata unu ꞉aamutumire.

2 Yoana 1:7

Mbe, enaayika kutyo, kwa okubha abhabheeyi bhaafu bheebhukire ku‑chaaro kunu. Abhaayika ati Yeesu Kirisito ꞉eejire atari na omubhiri rwa gwa omuunu. Omuunu woonewoone unu kaayika kutyo ni omubheeyi, ka wone niwe omusoko wa Kirisito.

1 Bakorinto 15:47

Omuunu wa okwamba, ꞉aamogerwe. Omuunu wa kabhiri, ꞉aasookereeye mu‑rwire.

Barumi 15:9

Ka wone, ꞉eejire korereki abhaanu bhanu bhatari Bhayawudi bhakusye Nyamuwanga ku‑chigongo chaaye. Rwa kutyo Ebhikaame Ebhyeru ebhyayika ati, “Mbe, nirikukusya agati ya abhaanu bha amaanga agandi, niriimba jinyimbo ja okukusya risiina ryawo.”

Yowana 20:28

Tomaasi ˆnaamusubhya ati, “Raatabhugenyi waani na Nyamuwanga waani!”

Yowana 17:1

Yeesu ejire aamara okwayika ejo joone, ˆnaaragamira ku‑rwire, ˆnaasabhwa ati, “Raata, omwanya gwakinga. Yeeresya abhaanu rikusyo ryani anye Omwana waawo, korereki anye wone nibheeresye rikusyo ryawo kutyo riri.

Yowana 12:42

Nawe noorwo, mu‑bhatangasya bha Abhayawudi bhaariga bhari‑mo bhaafu bhanu ꞉bheekirisiisye Yeesu. Nawe ꞉bhataayikire abhwerubhweru ati bhamwikirisya, kwa okubha bhoobhayaga okukindikwa na Abhafarisaayo okusooka mu‑nju ja ameekofyanyo.

Ruuka 2:11

Reero inu, mu‑musi gwa Dawudi, eebhurwa‑mo Omuchungusi weemwe. Omuchungusi oyo niwe Kirisito Raatabhugenyi.

Yowana 14:23

Yeesu ˆnaamusubhya ati, “Omuunu woonewoone unu aanyendere, arigwata emisango jaani na Raata waani arimwenda. Ka wone anye na Raata chiriija ku‑mwene na okwikara aamwi nage.

Yowana 13:14

Araabha anye, unu niri Mwiyigisya na Raatabhugenyi weemwe, naabhoosya amaguru, emwe wone ni bhusibhusi mubhega nimwosyanya amaguru.