Bafilipi 1:23 - Indagano Inyaaya mu-Chijita

²³ Eniiyiganywa na mbaara joone ebhiri. Eniigomba okusiga obhurame bhunu nigende okwikara aamwi na Kirisito, okubha nikwo kunkondeeye muno.

INDAGANO INYA:YA

²³ Nawe eniiganyibwa mbara jo:ne ebiri. Enisigombera okugenda nibe aamwi na Kristo, okuba nikwo kukondere muno.

Bafilipi 1:23 Referans Kwoze

2 Bakorinto 5:8

Chimari chiri na obhwiyikanyo, ka wone chikeendere noorwo okufuruka okusooka mu‑bhwikaro bhunu, chifurukire ku‑Raatabhugenyi.

Obhusweruro 14:13

Ninuungwa obhuraka okusooka mu‑rwire, nibhumbwira ati, “Kaama ati, okwambira woori, bhari na amabhando abhaanu bhoone bhanu abhafwa bheekirisiisye Raatabhugenyi Yeesu.” Neeya Mwoyo wa Nyamuwanga ˆnaayika ati, “Cha, bharibhona amabhando maafu. Bhariisya omwoyo okusooka ku‑mirimu jeebhwe emisito, okubha bhariyaanwa ebhiyaanwa inguru ya ebhikorwa bhyebhwe bhya ekisi.”

Ebikorwa 7:59

Omwanya gunu bhaariga nibhabhuma Tefwano na amabhuyi, ˆnaasabhwa Nyamuwanga ˆnaayikaga ati, “Raatabhugenyi Yeesu, nuuramire omwoyo gwani!”

Ruuka 23:43

Yeesu ˆnaamusubhya ati, “Ni chimari enikubhwira, reero inu owuja okubha aamwi na anye mu‑rwire.”

2 Timoteo 4:6

Enikubhwira ejo, kwa okubha omwanya gwani gwa okufwa gwafogeeye. Isagama yaani iri yeeyi okusoosibhwa rwa echoogo ku‑chigabhiro.

Yowana 17:24

“Raata, eniigomba ati abhaanu bhanu unaaye bhabhe aamwi na anye anu niribha, korereki bharore rikusyo ryani rinu ꞉waanaaye, kwa okubha ꞉waanyendere noorwo uchaari okubhumba echaaro.

Yowana 12:26

Omuunu woonewoone unu kaankorera emirimu, jeenderwe anduubhe. Ka wone orubhaara rwonerwone anu anye niri, niwo omukosi waani wone kaja okubha. Raata kaja okuyaana echibharo omuunu woonewoone unu kaankorera emirimu.”

1 Batesalonika 4:17

Niwo, eswe bhanu chiribhaga chiri abhaanga, chirigegwa aamwi nabho mu‑meere, korereki chiramire Raatabhugenyi inguru. Chiriikara aamwi nage akajaanende koone.

Yowana 14:3

Omwanya gunu nirimara okubheerabhira obhwikaro, niriija rindi okubhagega korereki anu niribha, emwe wone niwo muribha aamwi na anye.

Ruuka 12:50

Noorwo anye omwene, niri na ebhinyaasyo bhinu neenderwe nibhiikirisye, na enija okugenderera okunyaaka mu‑mwoyo gwani, okukingira bhikuumire.

1 Batesalonika 2:13

Kurwa ejo, eswe chitakuyigwa okusiima Nyamuwanga, kwa okubha mwejire mwoongwa emisango jaaye okusooka kw‑iswe, ꞉mutaajiikirisiisye wuti ni misango ja abhaanu. Nawe, ꞉mwajiikirisiisye mumenyere ati ejisooka ku‑Nyamuwanga. Chimari, nikwo kutyo jiri. Emisango ejo, nijo ejikora emirimu mu‑myoyo jeemwe, emwe abheekirisya.

Yowana 13:1

Mbe bhunu ichikukuru ya Okwambuka yaariga ichaari kukinga, Yeesu ꞉aasombookeeywe ati, omwanya gwaye gwa okusooka ku‑chaaro kunu okusubha kw‑Isemwene gwakinga. Yeesu aariga eendere abhaanu bhaaye bha ku‑chaaro kunu, ka wone ꞉aabheendere muno okukingira okufwa kwaye.

Ruuka 8:38

Omuunu unu amasambwa gaariga gasookere‑mo, ˆneerembeeresya Yeesu ati amwikirisisye agende aamwi nage. Nawe Yeesu ˆnaamubhwira ati,

1 Batesalonika 2:1

Emwe abhayiri bheeswe mu‑riikirisya, omumenya ati, eswe okuuja kw‑imwe, kwariga kuri kwa omuriiro munene muno.

2 Bakorinto 6:12

Eswe chichaariga okusiga okubheenda, tari emwe neemwe musigire okucheenda eswe.

Bafilipi 1:24

Nawe, ni bhusibhusi muno anye nigenderere okwikara ku‑chaaro kunu ku‑songa yeemwe.