Baefeso 6:18 - Indagano Inyaaya mu-Chijita

¹⁸ Musabhwe Nyamuwanga omwanya gwone nimutangasibhwaga na Mwoyo Mweru. Mumusabhwe na okumwirembeeresya bhunyatayigwa ku‑bhuri musango. Ka wone, mugenderere okusabhirwa abheeru bha Nyamuwanga bhoone.

INDAGANO INYA:YA

¹⁸ Musabwega mwanya gwone mu Mwoyo, no kusabwa kwone no kuremberesya kwone. Mutengeje kurwo kusabwa okwo mu kukome:ra kwone, nimubaremberesisya abe:ru bo:ne.

Baefeso 6:18 Referans Kwoze

1 Batesalonika 5:17

mwasiga okuyigwa okusabhwa Nyamuwanga.

Bakolosai 4:2

Musabhwega bhuri rusuku, mutengeejega mw‑isabhwa na okusiima Nyamuwanga.

Bafilipi 4:6

Musige okusurumbara inguru ya echiinu choonechoone, tari mu‑joone, musabhwe Nyamuwanga, mumwirembeeresye aamwi na okumusiima. Obhukene bhwemwe bhumenyekane ku‑mwene.

1 Timoteo 2:1

Nyabharinyabhari, enibhakomeeresya mukore risabhwa rya bhuri mbaga inguru ya abhaanu bhoone. Musabhwe Nyamuwanga asakire na okuyaana abhaanu bhoone amabhando. Ka wone, mumubhwire kutyo omumusiima inguru ya abhaanu abho bhoone.

Yuuda 1:20

Nawe emwe abheendwa bhaani, mwimaririre mu‑chimari cha eriikirisya ryemwe rinu riri eryeru muno, musabhwega ku‑bhuturo bhwa Mwoyo Mweru.

Mariko 14:38

Niwo ˆnaabhabhwira ati, “Mutengeeje na okusabhwa Nyamuwanga, korereki mwasiga okuregeejwa. Omwoyo ogwenda okwigumiirisya amaregeejo, nawe omubhiri gugotookere.”

Ruuka 21:36

Kurwa ejo, mubhega mutengeejere omwanya gwone! Mugenderere okusabhwa Nyamuwanga, korereki abhayaane obhuturo bhwa okwiruka joone jinu jirikorekana, na mwimereeguru imbere yaani, anye Omwana wa Omuunu.”

Matayo 26:41

Mutengeeje na okusabhwa Nyamuwanga, korereki mwasiga okuregeejwa. Omwoyo ogwenda okwigumiirisya amaregeejo, nawe omubhiri gugotookere.”

Baefeso 1:16

enigenderera okusiima Nyamuwanga inguru yeemwe na enigenderera okubhasabhirwa ku‑mwene.

Barumi 12:12

Mukondererwega nimurindirira okubhona jinu Nyamuwanga ꞉aabharagire. Mwigumiirisyega mu‑myanya ja jinyaako, na mugendererega okusabhwa Nyamuwanga.

Mariko 13:33

Kurwa ejo, mwiyangarirega! Mutengeejega, kwa okubha mutakumenya ati, omwanya ogwo gurikinga rusuku ri.

1 Petero 4:7

Obhuteero bhwa emisango joone, bhuri yeeyi. Kurwa ejo, mwiyingirire na okwiyangarira mu‑misango joone, korereki mubhe na obhuturo bhwa okusabhwa.

Ebikorwa 1:14

Abho bhoone bhaariga nibheekomeesya okwikofyanya aamwi okusabhwa Nyamuwanga. Aamwi na abho, bhaariga bhari‑wo abhagasi abhandi na Maryamu nyiramwene Yeesu na abhamura bhaabho Yeesu.

Ruuka 22:46

ˆNaabhabhwira ati, “Mbawo muwongeeye? Mwimuke musabhwe Nyamuwanga, korereki mwasiga okuregeejwa.”

Baeburania 5:7

Omwanya gunu Yeesu aariga ari ku‑chaaro anu, ꞉aasabhirwe na okwirembeeresya muno Nyamuwanga, ka wone ꞉aamuuwe obhuraka ˆnaarira amasiga mogomogo ku‑Nyamuwanga unu ari na obhuturo bhwa okumuchungura okusooka mu‑rufu. Inguru ya okwikeeya kwaye, Nyamuwanga ˆnaamuungwa.

2 Timoteo 1:3

Enisiima Nyamuwanga unu enikorera emirimu mu‑mutima omweru, rwa kutyo ꞉bhaamukoreeye bhasaaja waani. Omwanya gwone enikwichuka, mw‑isabhwa ryani mu‑ngeta na mu‑mwisi.

Bafilipi 1:4

Ka wone omwanya gwone bhunu enibhasabhirwa, enisabhwaga nikondereywe,

Baefeso 6:19

Munsabhirwe anye wone, korereki Nyamuwanga anaane emisango ja okwayika, niraasye kwa ribhaasi obhutinge bhwa imbisike yaaye bhunu bhusweruriiywe mu‑Misango ja Ekisi.

Ebikorwa 12:5

Kurwa ejo Peetero ꞉aabhoyerwe mw‑ibhoyero, nawe abheekirisya bhaariga nibheekomeesya muno okumusabhirwa ku‑Nyamuwanga.

Filemoni 1:5

kwa okubha enuungwa ati owugenderera okwikirisya Raatabhugenyi Yeesu na okwenda abheekirisya abheejaanyu bhoone.

Ebikorwa 10:2

Ka wone, aariga ˆnaagayuka Nyamuwanga, aamwi na abhaanu bhoone bha iika ewaaye. Aariga ˆnaasabhwa Nyamuwanga bhuri omwanya. Aamwi na ejo, aariga ˆnaasakira abhaanu abhanare.

Ebikorwa 6:4

korereki eswe chibhone omwanya gwa okusabhwa Nyamuwanga na okwiyigisya abhaanu omusango gwaye.”

Baefeso 3:18

korereki emwe aamwi na abheeru abhandi bhoone, mubhe na obhuturo bhwa okusombookerwa obhugari, obhureera, obhwima na echitaanda cha eryenda rya Kirisito kutyo riri.

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.

Barumi 8:15

Nyamuwanga ꞉ataabhayaaye Mwoyo Mweru, korereki mubhe rindi abhagaya bhanu abhamuubhaya, tari ꞉aabhayaaye Mwoyo Mweru, korereki mubhe abhaana bhaaye. Mwoyo oyo, niwe kaachiyaana obhuturo bhwa okubhirikira Nyamuwanga ati, “Abha,” obhugajuro bhwaryo “Raata!”

Baefeso 2:22

Kutyo, noorwo emwe aamwi na abhaanu abhandi bhoone, omumbakwa aamwi ku‑mwene, mubhe obhwikaro bhwa Nyamuwanga ku‑njira ya Mwoyo waaye.

Ruuka 3:37

Raameki wa Meetuseera. Meetuseera wa Enooke. Enooke wa Yareedi. Yareedi wa Mayarareeri. Mayarareeri wa Kenaani.

Bakolosai 1:4

Echikora kutyo, kwa okubha echuungwa emisango inguru ya eriikirisya ryemwe mu‑Kirisito Yeesu na inguru ya eryenda ryemwe ku‑bheeru bhoone bha Nyamuwanga.

Bagalatia 4:6

Mbe, kwa okubha chiri bhaana bha Nyamuwanga, omwene ꞉aatumire Mwoyo wa Omwana waaye mu‑myoyo jeeswe. Mwoyo oyo, niwe kaakora chibhirikire Nyamuwanga ati “Abha,” obhugajuro bhwaryo “Raata.”

Ruuka 3:26

Nagayi wa Maati. Maati wa Mataatiya. Mataatiya wa Seemeyi. Seemeyi wa Yoseki. Yoseki wa Yooda.

Bakolosai 1:3

Siku joone chikabhasabhirwa, echisiima Nyamuwanga, Esemwene Raatabhugenyi weeswe Yeesu Kirisito.

Matayo 17:21

Aamwi na ejo, risambwa rwa eryo mutakutura okurisoosya‑mo, tari kwa okusabhwa Nyamuwanga na okwiyima ebhiryo.]”