Baefeso 6:14 - Indagano Inyaaya mu-Chijita

¹⁴ Mbe, mwimereeguru mwibhoyere echimari rwa rikebhete mu‑bhibhunu na okufwara obhurengeresi rwa ingubha ya echuuma ku‑bhifubha,

INDAGANO INYA:YA

¹⁴ Mbe mwimereguruga mwiboere ne cimari mu bibunu, na mufwae oburenge:resi rwe cu:ma ca mu bifuba,

Baefeso 6:14 Referans Kwoze

1 Batesalonika 5:8

Nawe eswe, chiri bhaana bha mu‑mwisi, kurwa ejo chiyingirire. Eriikirisya na eryenda bhibhe mu‑myoyo jeeswe. Okubha ebhiinu ebhyo, bhiri rwa ingubha ya echuuma ku‑bhifubha bhyeswe. Chiiyikanye wone ati, Nyamuwanga arichichungura, niwo echibha wuti chifwaye ingofiira ya echuuma ku‑mitwe.

Ruuka 12:35

“Mubhega mutengeejere okunkorera emirimu, na jidara jeemwe jibhega nijaaka.

1 Petero 1:13

Kurwa ejo, mubhe mutengeejere na mwiyangariiye ku‑jinu omuja okukora na mubhe mwiyingiriiye. Mutuure obhwiyikanyo bhwemwe bhwone mu‑bhwitiriranya bhunu muriramira, orusuku runu Yeesu Kirisito ariswerurwa.

2 Bakorinto 6:7

na mu‑kuraasya omusango gwa echimari. Echikora ejo joone, ku‑bhuturo bhwa Nyamuwanga. Obhurengeresi nibhyo ebhigwato bhyeswe, orubhaara rwa ebhuryo na orwa ebhumoosi.

Baefeso 5:9

kwa okubha ritwasyo rya obhweru obhwo ni tungwa joone ja ekisi, obhurengeresi na echimari.

Obhusweruro 9:17

Mu‑bhiroro bhyani, ꞉naarorere jifwaraasi ejo na bhanu bhaariga bhajiriinyire‑ko. Abhasirikare abho, bhaariga bhafwaye jingubha ja echuuma mu‑bhifubha bhyebhwe. Jingubha ejo jaariga jiri tukurasi kaa, ja obhururu na ja amayaayi. Nindora emitwe ja jifwaraasi jiri wuti emitwe ja jiitare. Mu‑minwa jaajo, nijisooka‑mo jimbeesi ja omuriro, ingesi na emisimu ja echibhiriiti jinu ejaaka.

Obhusweruro 9:9

Ku‑bhifubha bhyajo, jaariga jifwaye echiinu rwa ingubha ya echuuma. Omwanya gwa okuguruka, omurundumo gwa jimbabha jaajo, gwariga guri rwa omurundumo gwa amabhirigiti maafu ga jifwaraasi jinu ejibhirima okuja mw‑iremo.

Barumi 13:12

Woori, obhwire bhwaja okucha, mu‑mwisi yaafogera. Kurwa ejo, chisige ebhikorwa ebhibhiibhi bhinu ebhikorwa mu‑chisuute, na chigege ebhigwato bhya obhweru.

Baefeso 6:13

Kurwa ejo, mugege ebhigwato bhyone bhya Nyamuwanga, korereki mukomeere tiritiri ku‑rusuku orwa ebhibhiibhi. Aribhaga mwakuumisya ejo joone nimwimereeguru.