Baefeso 5:32 - Indagano Inyaaya mu-Chijita

³² Imbisike eyo ikomeeye turuturu, nawe anye enisimura inguru ya Kirisito na rikanisa.

INDAGANO INYA:YA

³² Obumbise bunu ni bukomee, nawe ena:ika ebya Kristo na ikanisa.

Baefeso 5:32 Referans Kwoze

Obhusweruro 21:2

Mbe, nindora omusi omweru, nigwo Yerusareemu inyaaya, nigwika okusooka mu‑rwire ku‑Nyamuwanga. Omusi ogwo gwariga gunojooribhwe rwa kutyo omwenga kaanojooribhwa inguru ya omurume waaye.

2 Bakorinto 11:2

Anye enibhafuyira, rifuwa rinu erisooka ku‑Nyamuwanga, kwa okubha muri rwa omuyarajuma, unu ꞉naasandiiye obhuko omurume umwi, omurume oyo niwe Kirisito.

Bakolosai 2:2

Enikora kutyo, korereki emyoyo jeemwe bhoone, jisimbiisibhwe na okugwatanyibhwa aamwi mu‑ryenda. Eneenda murumatane chimwi mu‑kusombookerwa, na okumenya obhutinge bhwa imbisike ya Nyamuwanga bhunu ku‑bhwambiro bhwariga bhubhisirwe. Imbisike eyo nikwo okumenya Kirisito omwene.

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.

Yowana 3:29

Omumura unu ari na omwenga niwe omutwasi. Anye niri rwa omusaani wa omutwasi, niimereeguuyu ku‑mbari yaaye, na enikonderwa okuungwa jinu omutwasi kaayika. Chimari musango gunu gwankondisya muno.

Baefeso 6:19

Munsabhirwe anye wone, korereki Nyamuwanga anaane emisango ja okwayika, niraasye kwa ribhaasi obhutinge bhwa imbisike yaaye bhunu bhusweruriiywe mu‑Misango ja Ekisi.

1 Timoteo 3:8

Abhasakisi bha rikanisa wone, bhabhe na jitungwa ja ekisi, bhasige okubha abhabheeyi, bhasige okubha abhakorwa, bhasige okubha na inamba imbiibhi ya okubhona jipirya.

Baefeso 5:31

“Ku‑songa eyo, omumura arisiga esemwene na nyiramwene, arigwatana na omugasi waaye, abho ku‑bhubhiri bhwebhwe bharibha omubhiri gumwi.”

Baefeso 5:33

Mbe, enibhwira emwe bhoone ati, bhuri murume eende omugasi waaye rwa kutyo keeyenda omwene, na bhuri mugasi ni bhusibhusi ayaane omurume waaye echibharo.