Baefeso 5:24 - Indagano Inyaaya mu-Chijita

²⁴ Mbe, rwa kutyo rikanisa erigayuka Kirisito, abhagasi wone kutyokutyo, abhakenwa bhagayuke abharume bheebhwe ku‑bhuri musango.

INDAGANO INYA:YA

²⁴ Nawe rwa kutyo ikanisa eyungwa Kristo, na bagasi one nikwo kutyo bongwega abarume bebwe mu byone.

Baefeso 5:24 Referans Kwoze

Baefeso 5:33

Mbe, enibhwira emwe bhoone ati, bhuri murume eende omugasi waaye rwa kutyo keeyenda omwene, na bhuri mugasi ni bhusibhusi ayaane omurume waaye echibharo.

Tiito 2:7

Awe wone, ku‑misango ejo joone, ubhe echijekekanyo cha okwiyikanyibhwa cha ebhikorwa bhya ekisi. Mu‑meeyigisyo gaawo, weeresye echimari na echibharo.

Bakolosai 3:20

Emwe abhaana wone, mugayukega abheebhusi bheemwe mu‑joone, kwa okubha okukora kutyo okukondera Raatabhugenyi Yeesu.

Tiito 2:9

Nyabhuriko abhagaya, ubheeyigisye okugayuka na okukondisya abhaami bheebhwe ku‑bhuri omusango. Bheeyigisye wone bhasige okubhambasyanya nabho.

Bakolosai 3:22

Emwe abhagaya, mugayukega abhaami bheemwe bha echinyamubhiri ku‑misango joone. Mwasiga okukora kutyo omwanya gunu abhabharora era, korereki mwikondye ku‑bheene ati mwiyire, tari mubhayaane echibharo omwanya gwone mu‑mutima omweru, kwa okubha omuyaana echibharo Raatabhugenyi Yeesu.

Ruuka 10:17

Bhejire bheeya, abharuubhirisya abho makumi gataanu na gabhiri na bhabhiri, nibhasubha keenu nibhakondererwaga. Nibhabhwira Yeesu ati, “Raatabhugenyi weeswe, noorwo amasambwa omwanya gunu echigagonya kw‑isiina ryawo, agachigayuka.”

Baefeso 5:23

Okubha omurume niwe omutwe gwa omugasi, rwa Kirisito kutyo ari omutwe gwa rikanisa, gunu guri omubhiri gwaye, ka wone, Kirisito omwene, niwe Omuchungusi waaryo.

Baefeso 5:25

Emwe abharume, mwendega abhagasi bheemwe, rwa kutyo Kirisito wone ꞉eendere rikanisa, ˆnaasoosya obhuwanga bhwaye inguru yaaryo.