Baefeso 5:19 - Indagano Inyaaya mu-Chijita

¹⁹ nimwimbiranaga ijabhuri, jinyimbo ja okukuuya Nyamuwanga na jinyimbo ja echinyamwoyo. Omwanya ogwoogwo, mukuuyega Raatabhugenyi mu‑mitima jeemwe joone.

INDAGANO INYA:YA

¹⁹ Mwaikanega mu jaburi na mu nyimbo jo Mwoyo, mwimbega nimukuya Ratabugenyi mu mitima jemwe.

Baefeso 5:19 Referans Kwoze

Bakolosai 3:16

Omusango gwa Kirisito gwikare kwa obhwafu mu‑myoyo jeemwe, keenu nimwiyigisyanya na okukengyanya mu‑bhwengeeso bhwone. Mwimbire Nyamuwanga kwa emyoyo jeemwe na okumusiima, okutura mu‑jabhuri, mu‑nyimbo na jinyimbo ja echinyamwoyo.

1 Bakorinto 14:26

Woori, abhayiri bhaani mu‑riikirisya, chaayike ki? Omwanya gunu omwikofyanya okusabhwa, umwi keemba orwimbo, owundi keeyigisya, owundi kaayika jinu Nyamuwanga aamuswerurira, owundi kaayika jinyaayika jingenyi, na owundi kaajigajura. Emisango ejo joone jikorekane okukomeesya abheekirisya.

Ebikorwa 16:25

Yejire yaakinga mu‑bhwire agati, Pawuro na Siira bhaasabhwaga na okumwimbira Nyamuwanga jinyimbo ja okumukusya, enu abhabhoywa abheejaabho nibhabhategeresyaga.

Yakobo 5:13

Angu ari‑wo omuunu mw‑imwe unu kaanyaaka? Kaakenwa asabhwe Nyamuwanga. Angu, ari‑wo omuunu woonewoone unu kaakondererwa? Oyo embega jinyimbo ja okumukumuuya.

Matayo 26:30

Niwo nibhamariisya kwa okwimba orwimbo rwa okukusya Nyamuwanga. Nibheemuka awo, nibhagenda ku‑chiima cha Emijeyituuni.

Matayo 15:8

‘Nyamuwanga kaayika ati, Abhaanu bhanu abhanaana echibharo kwa emisango era, nawe emyoyo jeebhwe jiri kura na anye.

1 Bakorinto 14:15

Woori neenderwe nikore ki? Enija okusabhwa mu‑mwoyo mu‑nyaayika ingenyi, ka wone enija okusabhwa mu‑bhwengeeso, enija okwimba mu‑mwoyo mu‑nyaayika ingenyi, ka wone enija okwimba mu‑bhwengeeso.

Obhusweruro 5:9

Nibheembira Omwana wa Inaama orwimbo oruyaaya runu rwayikaga ati, “Awe wiiyire okuramira echitabho echo na okusuruumura jimboyero jaacho ja obhurimbo. Okubha awe ꞉waatemerwe omutwe na ku‑sagama yaawo, nuugurira Nyamuwanga abhaanu bha jingʼanda joone, jinyaayika joone, jinyaami joone na abha amaanga goone.