Baefeso 4:28 - Indagano Inyaaya mu-Chijita

²⁸ Omwifi asige okugenderera okwibha, nawe akiri afurubhende, akore emirimu ja okwibhusya‑mo kwa amabhoko gaaye, korereki abhone echiinu cha okuyaana‑ko owa obhukene.

INDAGANO INYA:YA

²⁸ Unu e:baga asige kusuba kwiba, nawe akiri akome:rega mu mirimu, nakora ebye kisi na maboko gae, korereki abega ne co kugabira unu akenere.

Baefeso 4:28 Referans Kwoze

1 Timoteo 6:18

Ka wone, bhabhwire bhakore ja ekisi, niwo bharibha abhaniibhi mu‑bhikorwa bhya ekisi. Bhabhe bhafura na okusangira ebhiinu bhyebhwe aamwi na abhaanu abhandi.

Bagalatia 6:10

Mbe, bhuri kutyo echibhona omwanya, chikorerega abhaanu bhoone ja ekisi, nawe munomuno abheekirisya abheejaasu.

Yowana 12:6

Yuuda ꞉ataayikire kutyo inguru ya okwigana abhataka, tari kwa okubha aariga ari mwifi. Omwene niwe aabhiikaga isagwa ya jipirya. Ka wone eebhaga bhinu bhyabhiikwaga mu‑sagwa omwo.

Ruuka 19:8

Nawe, Jaakayo ˆneemereeguru, ˆnaabhwira Raatabhugenyi ati, “Raatabhugenyi ringira! Woori kutya, risinja rya omwandu gwani enigabhira abhataka. Araabha ꞉naateesiisye omuunu woonewoone echiinu, enimusubhisya kwiya kana ya chinu ꞉naamuteesiisye.”

2 Bakorinto 8:12

Araabha omuunu ari na omwoyo gwa okusakira, Nyamuwanga kaaramira bhuri chiinu chinu omuunu kaasoosya okuruubhana na bhinu ari nabhyo. Nyamuwanga atakutonga echiinu chinu omuunu atari nacho.

2 Bakorinto 8:2

Abhaanu abho ni bhataka muno, ka wone ꞉bhaaregeejerwe kwa ebhinyaasyo bhyafu, nawe bhaariga bhari na rikonderwa enene rinu ꞉ryakorere nibhabha bhafura muno mu‑kusoosya ebhiinu bhyebhwe.

Barumi 12:13

Musakire abheekirisya abheejaanyu mu‑bhukene bhwebhwe, ka wone mubhe bhaangu okukuma kisi abhagenyi mu‑misi jeemwe.

Yowana 13:29

Okubha Yuuda niwe aariga ˆnaabhiika isagwa ya jipirya, abhandi ꞉bheetogeeye ati Yeesu ꞉aabhwiriiye Yuuda ati, agure ebhiinu bhinu bhyariga nibhikenwa mu‑chikukuru ya Okwambuka, amwi ati, agende ayaane abhataka jipirya.

Ruuka 3:8

Mbe, mukore ebhikorwa bhinu ebhyeresya ati, chimari mwata ebhibhiibhi bhyemwe ku‑Nyamuwanga. Mwasiga okwitogera ati, Nyamuwanga aribheekirisya, kwa okubha omwikumangya ati, ‘Eswe chiri rwibhuro rwa Bhurayimu!’ Enibhabhwira ati, Nyamuwanga kaatura okuyindura amabhuyi ganu okubha abhaana bha Bhurayimu!

1 Bakorinto 4:12

Echikora emirimu jeeswe kwa okwikomeesya muno kwa amabhoko geeswe abheene. Omwanya gunu abhaanu abhachifuma, echibhasabhirwa amabhando. Omwanya gunu abhachinyaasya, echiigumiirisya.

Tiito 3:8

Inyaayika eyo ni ya echimari. Woori enikusabhwa awe ukomeeresye muno inguru ya emisango ejo ku‑bhaanu, korereki abhaanu bhanu abheekirisya Nyamuwanga, bhakabhuke na okukomeera okukora ebhikorwa bhya ekisi. Emisango ejo nijo ja ekisi, ka wone ejireeta omuriiro ku‑bhaanu bhoone.

Tiito 3:14

Abheejaasu bhoone, bheeyigire okwikomeesye okukora ebhikorwa bhya ekisi, korereki bhabhe na obhuturo bhwa okusakira abhaanu bha obhukene bhwa bhusibhusi. Bhaakakora kutyo obhurame bhwebhwe bhutaribhurwa amatwasyo.