Baefeso 4:25 - Indagano Inyaaya mu-Chijita

²⁵ Mbe, musige chimwi okubhwirana orubheeyi, mubhwiranega echimari bhuri muunu na oweejaabho, okubha bhuri owumwi weeswe ni chiwuga ku‑weejaabho.

INDAGANO INYA:YA

²⁵ Mbe mufu:re orurimi, mwaikega ebye cimari mu:nu wo:ne no mwikasyanya wae, okuba ciri byungo bya be:ja:su eswe abene:ra.

Baefeso 4:25 Referans Kwoze

Bakolosai 3:9

Mwasiga okubhwirana orubheeyi, kwa okubha mufuurire chimwi bhumuunu bhwemwe bhwa kara aamwi na ebhikorwa bhyabhwo

Barumi 12:5

Nikwo kutyo eswe wone chiri. Eswe chiri bhaafu, nawe chaabha omubhiri gumwi mu‑kubha na obhumwi na Kirisito. Ku‑mubhiri gwaye, bhuri muunu ni chiwuga ku‑weejaabho.

Baefeso 4:15

Nawe, chibhwiranega na okukora echimari mu‑ryenda, echikura mu‑bhuri musango na okubha rwa Kirisito unu ari omutwe.

Obhusweruro 21:8

Nawe abhoobha, abhaanu bhanu bhatakwikirisya Nyamuwanga, bhanu abhamufuruurusya, abheeti, abharomesi, abharosi na bhanu abharamya amasusano, aamwi na abhabheeyi, bhoone abho orubhaara rwebhwe ni mu‑nyanja ya omuriro omururu gwa emisimu ja echibhiriiti. Okwo nikwo okufwa kwa kabhiri.”

Tiito 1:2

Niwo bharibha na obhwiyikanyo bhwa obhuwanga bhwa akajaanende bhunu Nyamuwanga ꞉aachiragire noorwo achaari okubhumba echaaro. Omwene atakutura okwayika orubheeyi.

1 Timoteo 4:2

Ameeyigisyo ago ageeyigisibhwa na abheerimaanya na abhabheeyi bhanu emitima jeebhwe jinyamukire chimwi rwa wuti jisingaarisiibhwe mu‑muriro.

Obhusweruro 22:15

Nawe, abharosi bhoone, abharomesi, abheeti, abhaanu bhanu abharamya amasusano na abhaanu bhoone bhanu abheenda okwayika orubheeyi, bharibha anja ya omusi ogwo rwa jimbwa.

1 Timoteo 1:10

ku‑bharomesi na ku‑bhanu abhasambuka abharume abheejaabho, ku‑bhanu abheetegaanira abhaanu na okubhagusya mu‑bhugaya, abhabheeyi na ku‑bhanu abharayira ku‑rubheeyi. Ebhiraagiro bhiteeywe‑wo ku‑misango joone jinu jitakwikirisyanya na ameeyigisyo ga echimari.

2 Bakorinto 7:14

Okubha jikabheeye ati, ꞉naabhakuuyiisye muno imbere yaaye ku‑musango gwonegwone, ꞉nitaaswasiibhwe. Joone jinu chaariga nichibhabhwira jaariga jiri ja chimari. Nyabhuriko, jinu ꞉chaabhakuuyiisye imbere ya Tiito, wone jaabhonekana ati ni ja chimari.

Tiito 1:12

Noorwo owumwi wa abharagi bha Abhakireete, ꞉aayikire ati, “Abhakireete ni bhabheeyi siku joone, ni tyanyi mbiibhi ja mw‑ibhara, ni bhananamba ka ni bharenga.”

1 Bakorinto 10:17

Omukaate gunu echisangira eswe bhoone ni gumwi. Kurwa ejo, eswe bhoone chiri mubhiri gumwi, noorwo kutyo chiri bhaafu.

Yowana 8:44

Emwe muri bhaanu bha Syetaani, oyo niwe esomwana! Niyo isonga omwenda okukora jinu esomwana keegomba. Syetaani ni mwiti okusookerera ku‑bhwambiro. Atakwenda echimari kata, kwa okubha echimari echo, chitari‑mo mu‑mwoyo gwaye. Omwene ni mubheeyi, na akatungiiywe kaaye ni kubheeya, ka wone niwe esemwene orubheeyi.

Baefeso 5:30

kwa okubha eswe chiri bhiwuga bhya omubhiri gwaye.

Baefeso 4:22

꞉Mweeyigisiibhwe okufuura jitungwa jeemwe jimbiibhi ja obhusimukwa, bhumuunu bhwemwe bhwa kara, bhunu obhunyamurwa na obhurigire bhwabho bhwa okujiga.

Baefeso 4:31

Musigane na obhururu bhwone, risungu, okubhiyirwa, inyombo, amafumo, aamwi na obhujabhi bhwone.

Bakolosai 3:8

Nawe woori musige chimwi emisango ejo joone, aamwi na okubhiyirwa, risungu, obhujabhi, amafumo na emisango jinu jiri ja jiswaro jisige okusooka mu‑kanwa keemwe.

Baeburania 12:1

Mbe, kwa okubha chiri na echise echinene echo cha abhabhambaasi bhanu bhachisingiiye, chisoosye‑wo joone jinu ejichiyingirira na okusiga ebhibhiibhi bhinu bhichumiriiye‑ko. Ka wone chiikomeesye okukora jinu Nyamuwanga ateeye imbere yeeswe, rwa omuunu unu kaabhirima muno mu‑bhwigumiirisya.

Yakobo 1:21

Kurwa ejo, musige ebhibhiibhi na ebhikorwa ebhibhiibhi bhyone. Mwikirisye kwa obhworooro omusango gunu Nyamuwanga ꞉aayambire mu‑myoyo jeemwe, kwa okubha ogwo, nigwo ogutura okubhachungura.

1 Petero 2:1

Mbe, musige obhujabhi bhwone, obhujigi bhwone, obhwirimaanya, orwiso noorwo okuroma oweejaanyu.