Baefeso 4:24 - Indagano Inyaaya mu-Chijita

²⁴ Ka wone, mufware bhumuunu obhuyaaya, kwa okubha ꞉mwabhumbirwe okubha rwa Nyamuwanga, mu‑bhurengeresi na mu‑mutima omweru. Ejo ejisooka mu‑chimari.

INDAGANO INYA:YA

²⁴ Mufware omu:nu omuya:ya, unu ayangirwe mu rususo rwa Nyamuanga mu burenge:resi na mu bweru bwe cimari.

Baefeso 4:24 Referans Kwoze

2 Bakorinto 5:17

Omuunu woonewoone unu ari na obhumwi na Kirisito, aabha echibhumbwa echiyaaya, emisango ja kara jaayitingʼeene, woori ni miyaaya!

Baefeso 2:10

Okubha Nyamuwanga achichunguuye na okuchibhumba bhuyaaya echinyamwoyo mu‑Kirisito Yeesu, korereki chikore ebhikorwa bhya ekisi, bhinu ꞉aachiiraabhiiye okusookerera kara, korereki chibhikorega.

Barumi 13:14

Tari woori, mu‑bhurame bhwemwe bhwone, mutangasibhwega na Raatabhugenyi Yeesu Kirisito. Mwasiga okwikirisya noorwo na akatyari okutangasibhwa na obhusimukwa bhwemwe bhwa echibhiibhi kwa okuruubha okurigira kwemwe okubhiibhi.

Baefeso 6:11

Mugege ebhigwato bhyone bhya Nyamuwanga, korereki muture okuyingirira obhurigerige bhwa Syetaani na okwimereeguru tiritiri.

Barumi 6:4

Omwanya gunu ꞉chaabhatiijiibhwe, chaariga wuti chifuuwe na okusiikwa aamwi nage, korereki rwa kutyo Kirisito ꞉aasuuruuywe okusooka mu‑bhafuuwe ku‑managa maafu ga Raata Nyamuwanga, nyabhuriko, noorwo eswe chiture okurama obhurame obhuyaaya.

2 Bakorinto 3:18

Mbe, eswe bhoone bhanu chitakuswikira obhusu kwa echitambaara, echeeresya rikusyo rya Raatabhugenyi rwa kutyo rirore eryeresya orususo. Echiyindurwa, korereki chisusane nage, okusooka mw‑ikusyo okuja mw‑ikusyo ryafu muno. Rikusyo eryo erisooka ku‑Raatabhugenyi, omwene oyo niwe Mwoyo.

2 Bakorinto 4:16

Kutyo, chitakufwa omutima. Noorwo kutyo emibhiri jeeswe ejikokora, nawe mu‑myoyo jeeswe, Nyamuwanga kaachikora okubha abhayaaya siku joone.

Barumi 13:12

Woori, obhwire bhwaja okucha, mu‑mwisi yaafogera. Kurwa ejo, chisige ebhikorwa ebhibhiibhi bhinu ebhikorwa mu‑chisuute, na chigege ebhigwato bhya obhweru.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

1 Petero 2:2

Woori mwamarire okurabha na okumenya ati Raatabhugenyi Yeesu ni wa ekisi. Mbe mubhe rwa abhaana abharera kutyo abhakena amata, emwe wone mubhe na obhwiro bhwa amata ga ekisi ga echinyamwoyo, korereki ku‑managa gaago murumatane mu‑bhuchungusi bhwemwe.

Barumi 8:29

Chimenyere ejo, kwa okubha, bhanu Nyamuwanga ꞉aamenyere okusookerera ku‑bhwambiro, ꞉aaramuuye noorwo echaaro chichaari okubhumbwa ati bhabhe rwa Omwana waaye Yeesu Kirisito kutyo ari. ꞉Aaramuuye kutyo, korereki Omwana waaye abhe omutangati agati ya abhayiri bhaafu.

Yowana 17:17

Raata, enikusabhwa ubheesye mu‑chimari chaawo, kwa okubha omusango gwawo nigwo echimari.

Bagalatia 6:15

Okutendwa amwi okurema okutendwa, kutari na obhugajuro bhwonebhwone bhurya. Omusango gwa bhusibhusi ni kubhumbwa bhuyaaya na Nyamuwanga.

Bagalatia 3:27

Emwe bhoone bhanu ꞉mwabhatiijiibhwe, muri na obhumwi na Kirisito, muri wuti mufwaye Kirisito.

1 Bakorinto 15:53

Jiribha kutyo, kwa okubha omubhiri gunu ogunyamuka gwenderwe guyindurwe gubhe omubhiri gunu gutakunyamuka, omubhiri gunu ogufwa guyindurwe gubhe omubhiri gunu gutakufwa.

Baefeso 2:15

Omwanya gunu ꞉aakorere kutyo, ꞉aasoosiisye‑wo obhutinge bhwone bhwa ebhiraagiro bhya Echiyawudi. Obhwira bhwaye bhwariga bhuri okukora ebhise bhibhiri ebhyo, okubha echise chimwi echiyaaya. Nikwo kutyo ꞉aareetere omurembe agatigati ya Abhayawudi na bhanu bhatari Bhayawudi na okubhagwatanya aamwi nage.

Baeburania 12:14

Mbe, mwikomeesyega okwikara kwa omurembe na abhaanu bhoone. Ka wone mwikomeesyega okubha abheeru mu‑bhurame bhwemwe, kwa okubha atari‑wo omuunu unu kaatura okurora Raatabhugenyi akabha atari mweru.

Baeburania 1:8

Nawe inguru ya Omwana waaye ꞉aayikire ati, “Awe Nyamuwanga uritunga akajaanende na akajaanende, na obhutungi bhwawo bhuribha bhwa obhurengeresi.

Ruuka 1:75

Chiribha abheeyikanyibhwa na abharengeresi, mu‑meeso gaaye na mu‑bhurame bhweswe bhwone.

Barumi 7:6

Chaariga chibhoyerwe na ebhiraagiro, nawe woori chifuuwe aamwi na Kirisito, kutyo, ebhiraagiro ebhyo bhitakuchibhoya rindi. Woori chitakukorera Nyamuwanga ku‑njira ya kara ya okuruubha ebhiraagiro bhinu ꞉bhyakaamirwe, tari ku‑njira inyaaya ya okutangasibhwa na Mwoyo Mweru.

Barumi 12:2

Mwasiga okuruubha jitungwa ja abhaanu bha echaaro chinu, nawe musige Nyamuwanga ayindure emitima jeemwe, korereki mubhe na obhwiganirisya obhuyaaya. Awo niwo muriiyigira okumenya jinu Nyamuwanga keenda kwa okujikora. Murimenya ati ni misango ki jinu jiri ja ekisi, jinu ejimukondisya, ka wone jinu jikuumiiye.

2 Petero 1:4

Kw‑ijo, achiyaaye ebhiyaanwa ebhinene bhya obhurambu, bhinu ꞉aachiragire. Ebhiyaanwa ebhyo, ebhireterera chisige obhunyamuke bhunu bhuri ku‑chaaro ku‑songa ya okurigira okubhiibhi. Ka wone ebhireterera chisangire obhusimukwa bhwa Nyamuwanga.