Baefeso 3:13 - Indagano Inyaaya mu-Chijita

¹³ Kutyo, enibhasabhwa mwasiga okufwa omutima ku‑nyaako jinu ejimbona. Eninyaaka kutya inguru yeemwe, korereki emwe mubhone rikusyo.

INDAGANO INYA:YA

¹³ Kwenikora ninenda emwe musige kufwa mutima kurwo kunya:ka kwani, okuba nikwo okubabonera rikusyo.

Baefeso 3:13 Referans Kwoze

2 Batesalonika 3:13

Nawe emwe abhayiri bheeswe, musige okuyigwa okukora ja ekisi.

Bakolosai 1:24

Woori enikondererwa ebhinyaasyo bhinu enibhona inguru yeemwe. Mu‑mubhiri gwani enisangira ebhinyaasyo bhya Kirisito inguru ya omubhiri gwaye, omubhiri ogwo, niryo rikanisa.

2 Bakorinto 1:6

Omwanya gunu echinyaasibhwa, echinyaasibhwa inguru ya okufungʼamibhwa kwemwe na obhuchungusi bhwemwe. Ka wone, omwanya gunu eswe echifungʼamibhwa, niwo emwe wone omusimbiisibhwa. Okusimbiisibhwa okwo okukora mwigumiirisye mu‑bhinyaasyo bhiryabhirya bhinu eswe wone echinyaasibhwa.

Baefeso 3:1

Kurwa ejo, anye Pawuro enibhasabhirwa. Anye niri omubhoywa wa Kirisito Yeesu inguru ya obhukosi bhwani kw‑imwe, emwe bhanu mutari Bhayawudi.

Bagalatia 6:9

Kurwa ejo, chisige okuyigwa okukora ebhikorwa bhya ekisi! Araabha echiigumiirisya mu‑kukora ja ekisi, chirigesa ja ekisi omwanya gwa okugesa gukakinga.

Ebikorwa 14:22

Bhuri rubhaara, bhaariga nibhasimbiisya abheeyigisibhwa na okubhakomeeresya ati bhagenderere okurumatana mu‑riikirisya ryebhwe. Nibhabhabhwira ati, ni bhusibhusi chiture mu‑nyaako nyafu korereki chiingire mu‑bhukama bhwa Nyamuwanga.

2 Bakorinto 4:1

Mbe, kwa okubha Nyamuwanga achiyaaye obhukosi bhunu ku‑chigongo chaaye, chitakufwa omutima wuri.

Bafilipi 2:18

Emwe wone kutyokutyo mukonderwe, ka wone musandabhe aamwi na anye.