Baefeso 2:17 - Indagano Inyaaya mu-Chijita

¹⁷ Kirisito ˆnaaja, ˆnaaraasya Emisango ja Ekisi inguru ya omurembe ku‑bhaanu bhoone, kw‑imwe bhanu mwariga muri kura na Nyamuwanga na ku‑Bhayisirayeeri, bhanu bhaariga bhari yeeyi nage.

INDAGANO INYA:YA

¹⁷ Na:ja nasimura Ebigambo byo bwana ebyo murembe kwimwe banu mwariga muri kura na ku banu bariga bari yei.

Baefeso 2:17 Referans Kwoze

Ebikorwa 10:36

Emwe abheene, mumenyere omusango gunu Nyamuwanga ꞉aasiriiye Abhayisirayeeri. Nibharaasibhwa Emisango ja Ekisi korereki bhabhe na omurembe na Nyamuwanga ku‑njira ya Yeesu Kirisito. Yeesu oyo niwe Raatabhugenyi wa abhaanu bhoone.

Ebikorwa 2:39

Omurago gunu Nyamuwanga ꞉aachiragire inguru yeemwe, na abhaana bheemwe, noorwo ku‑bhandi bhoone bhanu bhari kura, bhoone bhanu Raatabhugenyi Nyamuwanga weeswe kaja okubhirikira bhabhe abhaanu bhaaye.”

Barumi 5:1

Mbe, Nyamuwanga achibharire okubha abharengeresi imbere yaaye, okuruubhana na eriikirisya ryeswe. Kurwa ejo, chiri na omurembe na Nyamuwanga okutura ku‑Raatabhugenyi weeswe Yeesu Kirisito.

2 Bakorinto 5:20

Mbe, Kirisito achitumire okukora emirimu jaaye, na okutura kw‑iswe Nyamuwanga keerembeeresya abhaanu ati, bhagwatanyibhwe nage. Echibhasabhwa inguru ya Kirisito ati, mugwatanyibhwe na Nyamuwanga.

Ruuka 2:14

“Nyamuwanga wa mu‑rwire akusibhwe! Ku‑chaaro anu, omurembe gubhe ku‑bhaanu bhanu eendere.”

Matayo 10:13

Araabha mu‑nju omwo, bhari‑mo abhaanu bhanu abheenda omurembe, omurembe gwemwe gubhe omwo. Nawe araabha abhaanu abho, bhatakugwenda, mbe omurembe ogwo, gubhasubhire emwe abheene.

Barumi 10:14

Woori, abhaanu abhatura kutiki okumusabhwa araabha bhachaariga okumwikirisya? Ka wone, abhatura okumwikirisya kutiki araabha bhachaariga okuungwa emisango jaaye? Abhatura kutiki okuungwa emisango jaaye araabha omuunu achaariga okubharaasisya?

Baefeso 4:21

Enimenya chimari ati, ꞉mwoonguuwe ameeyigisyo inguru yaaye na okwiyigisibhwa kisikisi, kutyo echimari chiri mu‑Kirisito.

Ruuka 15:8

Yeesu ˆnaabhabhwira echijekekanyo echindi ati, “Chaayike ati, omugasi umwi ari na jipirya ekumi. Araabha eyimwi ikabhura‑ko, angu, atakukongeesya idara na okweyerera inju yoone, ˆnaayironderesyaga okukingira ayibhone?