Baefeso 1:3 - Indagano Inyaaya mu-Chijita

³ Akusibhwe Nyamuwanga, Esemwene Raatabhugenyi weeswe Yeesu Kirisito unu achiyaaye amabhando goone ga echinyamwoyo mu‑kubha na obhumwi na Kirisito, mu‑chaaro chinyatarorwa.

INDAGANO INYA:YA

³ Asi:mwe Nyamuanga Esemwene Ratabugenyi Yesu Kristo, unu aciyae amabando go:ne ago Mwoyo mu Kristo, mu bwikaro bwa mu rwire.

Baefeso 1:3 Referans Kwoze

1 Petero 1:3

Akusibhwe Nyamuwanga, Esemwene Raatabhugenyi weeswe Yeesu Kirisito. Ku‑chigongo chaaye echaafu, ꞉aachiibhuuye rwa kabhiri ku‑njira ya okusuurura Yeesu Kirisito okusooka mu‑bhafuuwe. Kurwa ejo, chibhwene obhwiyikanyo obhwa obhuwanga.

2 Bakorinto 1:3

Akusibhwe Nyamuwanga, Esemwene Raatabhugenyi weeswe Yeesu Kirisito, Raata owa echigongo, ka wone niwe Nyamuwanga unu kaachifungʼamya mu‑joone.

Baefeso 2:6

Mu‑kubha na obhumwi na Kirisito Yeesu, Nyamuwanga ꞉aachisuuruuye aamwi na Kirisito Yeesu, ˆnaachinyanjya aamwi nage mu‑chaaro chinyatarorwa,

Baefeso 1:20

Amanaga ago, nigo Nyamuwanga ꞉aakoreeye emirimu omwanya gunu ꞉aasuuruuye Kirisito okusooka mu‑bhafuuwe, na okumwinyanja orubhaara rwaye rwa ebhuryo mu‑chaaro chinyatarorwa.

Baefeso 6:12

Okubha riremo ryeswe, chitakurwana na omubhiri amwi isagama, nawe echirwana na obhutungi, obhuturo, abhakuru bha echisuute cha echinyamwoyo na amayijo ga amasambwa mu‑chaaro chinyatarorwa.

Baefeso 3:10

Obhukarariiye bhwa ejo, ni ati, ku‑njira ya rikanisa, obhwengeeso bhwafu bhwa bhuri mbaga bhwa Nyamuwanga kutyo bhuri, bhumenyekane ku‑bhutungi na ku‑bhuturo mu‑chaaro chinyatarorwa.

Bagalatia 3:9

Mbe, abhaanu bhanu abheekirisya Nyamuwanga, abhabhona amabhando, rwa kutyo Bhurayimu ꞉aabhwene amabhando kwa okubha ꞉eekirisiisye.

Yowana 17:21

Enisabhwa ati abho bhoone bhabhe chiinu chimwi. Raata, enisabhwa ati bhabhe na obhumwi na eswe, rwa kutyo awe uri na obhumwi na anye, na anye wone niri na obhumwi na awe. Enisabhwa ati bhabhe chiinu chimwi, korereki abhaanu bha ku‑chaaro kunu bheekirisye ati chimari naawe ꞉waantumire.

Baefeso 1:17

Enisabhwa Nyamuwanga wa Raatabhugenyi weeswe Yeesu Kirisito, Raata owa rikusyo, abhayaane obhwengeeso bhwa echinyamwoyo na okwiswerura kw‑imwe, korereki mumusombookerwe muno.

2 Bakorinto 11:31

Nyamuwanga Esemwene Raatabhugenyi Yeesu, unu eeyire okukusibhwa akajaanende koone, amenyere ati nitakwayika orubheeyi.

2 Bakorinto 5:21

Kirisito aariga atari na echibhiibhi choonechoone, nawe Nyamuwanga ꞉aamubharire rwa owa ebhibhiibhi inguru yeeswe, korereki eswe chibharwe okubha abharengeresi imbere ya Nyamuwanga okutura ku‑Kirisito.

1 Bakorinto 12:12

Omubhiri gwa omuunu guri na ebhiwuga bhyafu, nawe ebhiwuga ebhyo ni mubhiri gumwi. Nikwo kutyo jiri wone ku‑mubhiri gwa Kirisito.

Barumi 12:5

Nikwo kutyo eswe wone chiri. Eswe chiri bhaafu, nawe chaabha omubhiri gumwi mu‑kubha na obhumwi na Kirisito. Ku‑mubhiri gwaye, bhuri muunu ni chiwuga ku‑weejaabho.

Baefeso 1:10

Obhutinge bhwaye ni ati, aribha gwakuumira omwanya gunu omwene ateeye‑wo, niwo ariwumbanya aamwi ebhiinu bhyone bhibhe emwaro ya obhutungi bhwa Kirisito, ebhiinu bhinu bhiri mu‑rwire na bhinu bhiri mu‑chaaro.

2 Bakorinto 5:17

Omuunu woonewoone unu ari na obhumwi na Kirisito, aabha echibhumbwa echiyaaya, emisango ja kara jaayitingʼeene, woori ni miyaaya!

Barumi 15:6

Awo niwo emwe bhoone murikusya Nyamuwanga, Esemwene Raatabhugenyi weeswe Yeesu Kirisito, kwa obhwira bhumwi na kwa obhuraka bhumwi.

Baeburania 8:5

Emisango jinu abhagabhisi abho abhakora ayeeru ni chijekekanyo era cha emisango ja echimari jinu jiri ayeeru mu‑rwire eyo. Niyo isonga omwanya gunu Muusa aariga ˆnaatengeeja okuumbaka riyeema rya okuramya Nyamuwanga, Nyamuwanga ꞉aamubhwiriiye ati, “Nuukore bhuri chiinu okuruubhana na echijekekanyo chinu ꞉naakweresiisye ku‑chiima chirya cha Sinaayi.”

Bafilipi 2:11

Ka wone bhuri muunu aayike ati Yeesu Kirisito niwe Raatabhugenyi. Nikwo kutyo Raata Nyamuwanga arikusibhwa.

1 Bakorinto 1:30

Nyamuwanga niwe abhagwatanyiisye emwe na Kirisito Yeesu. Omwene akorere Kirisito okubha obhwengeeso bhweswe. Nikwo okwayika ati okutura ku‑Yeesu chaabha abharengeresi imbere ya Nyamuwanga, chaabha abheeru, ka wone cheeruuywe.

Baeburania 9:23

Riyeema rya okuramirisya‑mo Nyamuwanga na ebhiinu bhyone bhinu abhagabhisi bhaariga nibhakorera emirimu okusoosya echoogo, bhyariga bhiri bhijekekanyo bhya ebhiinu bhinu bhiri mu‑rwire eyo. Riyeema na ebhiinu ebhyo bhyariga nibhyesibhwa ku‑njira ya orwamba rwa jityanyi, nawe ebhiinu bhya mu‑rwire bhyenderwe okwesibhwa kwa echoogo chinu chiri cha ekisi okukira orwamba orwo rwa jityanyi.

Yowana 20:17

Yeesu ˆnaamubhwira ati, “Nuusige okungwata‑ko. Nichaari okugenda mu‑rwire ku‑Raata. Mbe, genda ubhwire abhayiri bhaani, ati enigenda mu‑rwire ku‑Raata waani, unu ari Esomwana wone, ku‑Nyamuwanga waani unu ari Nyamuwanga weemwe wone.”

Yowana 14:20

Ku‑rusuku orwo murimenya ati, anye niri na obhumwi na Raata waani, na emwe muri na obhumwi na anye, na anye niri na obhumwi na emwe.

Ruuka 2:28

Omwo, ˆnaaramira omwana Yeesu mu‑mabhoko gaaye na okusiima Nyamuwanga kutya,