Baeburania 9:28 - Indagano Inyaaya mu-Chijita

²⁸ Nyabhuriko Kirisito ꞉aasoosiibhwe okubha echoogo rumwi era, korereki asoosye‑wo ebhibhiibhi bhya abhaanu bhaafu. Kirisito ariija rwa kabhiri, nawe omwanya ogwo atariija okusoosya‑wo ebhibhiibhi. Tari ariija okuchungura abhaanu bhanu abhamurindirira mu‑bhwikomeesya.

INDAGANO INYA:YA

²⁸ Na Kristo nyaburiko, unu aso:sibwe rumwi era kuba co:go korereki agege ebibi:bi bya ba:nu ba:fu, ariboneka orwa kabiri atana cibi:bi, korereki akisye banu abamurindirira.

Baeburania 9:28 Referans Kwoze

Tiito 2:13

Eswe, echirindirira chiiyikanyisye inguru ya orusuku rwa okuruguusya runu Yeesu Kirisito arisubha ari mw‑ikusyo ryaye. Omwene niwe Nyamuwanga omukuru na Omuchungusi weeswe.

1 Petero 2:24

Yeesu omwene ꞉aagegere ebhibhiibhi bhyeswe ku‑mubhiri gwaye, ˆnaabhambwa ku‑musarabha. ꞉Aakorere kutyo, korereki chisige okutungwa rindi na ebhibhiibhi, tari chiikare nichikondisya Nyamuwanga. Mu‑kuwutaasibhwa kwa Yeesu, emwe ꞉mwawosiibhwe.

Barumi 6:10

Omwanya gunu ꞉aafuuwe, ꞉aafuuwe rumwi era inguru ya okuyiga amanaga ga ebhibhiibhi. Woori ni muwanga, na eekaaye inguru ya Nyamuwanga.

2 Timoteo 4:8

Woori nirindirira era okuyaanwa orutengya rwa okurama kwa obhurengeresi. Raatabhugenyi Yeesu, omuramusi wa rirenga, arinaana orusuku runu arisubha. Orutengya orwo nitariyaanwa anye era, tari na abhandi bhoone bhanu abharindirira kwa obhwiro okusubha kwaye.

Barumi 8:23

Ka wone, jitari ati ni bhibhumbwa ebhyo era bhinu ebhirira kwa obhusungu, tari noorwo eswe bhanu chiyaaywe Mwoyo Mweru, chirabhe bhwa ekisi ku‑jinu arichiyaana, noorwo eswe echirira kwa obhusungu mu‑myoyo jeeswe. Echirira kwa obhusungu, kwa okubha echirindirira muno omwanya gunu Nyamuwanga arichikuumisya okubha abhaana bhaaye. Awo niwo aricheerura okusooka mu‑bhugaya bhweswe bhwa obhunyamuke kwa okuchiyaana emibhiri emiyaaya.

1 Yoana 3:2

Abheendwa bhaani mu‑riikirisya, echimenya ati ku‑mwanya gunu chiri bhaana bha Nyamuwanga, noorwo kutyo jichaari okumenyekana abhwerubhweru kutyo chirisusa. Tari chimenyere ati, omwanya gunu Kirisito arisubha rindi, chirisusana nage, kwa okubha chirimurora kutyo ari.

Ebikorwa 1:11

Nibhaayika ati, “Emwe abhaanu bha Gariraaya, ni kurwa ki mwimereeguuyu anu keenu omuroreerera ku‑rutumba? Yeesu unu aagegwa okusooka kw‑imwe okugenda mu‑rwire, arisubha rindi, rwa kutyo mwamurora ˆnaagenda.”

1 Batesalonika 1:10

Wone abhatonda kutyo omurindirira Omwana waaye, asubhe rindi okusooka mu‑rwire. Oyo niwe Nyamuwanga ꞉aasuuruuye okusooka mu‑bhafuuwe. Niwe Yeesu unu kaachichungura okusooka mu‑ndamu ya Nyamuwanga inu eyiija.

Matayo 26:28

Echifuufu echo, niyo isagama yaani ya indagano. Isagama yaani iriitika inguru ya abhaanu bhaafu, korereki Nyamuwanga abhafwire echigongo ebhibhiibhi bhyebhwe.

2 Petero 3:12

nimurindiriraga orusuku rurya rwa Nyamuwanga na okuyenja ati ruuje bhwangu. Ku‑songa ya orusuku orwo, orutumba ruryochibhwa kwa omuriro na okusingaarika na ebhiinu bhinu bhiri‑mo bhirigera kwa ribhirabhira riruru muno.

1 Petero 3:18

Kirisito omwene ꞉aanyaakire rumwi era inguru ya ebhibhiibhi bhya abhaanu bhanu bhatari bha rirenga, korereki achigwatanye na Nyamuwanga. Nawe omwene aariga ari murengeresi. ꞉Eetirwe echinyamubhiri, nawe ˆnaakorwa omuwanga ku‑bhuturo bhwa Mwoyo Mweru.

1 Bakorinto 15:54

Mbe, omubhiri gunu ogunyamuka, aribha gwafwara omubhiri gunu gutakunyamuka, na omubhiri gunu ogufwa aribha gwafwara omubhiri gunu gutakufwa, awo niwo guribhaga gukumiiye omusango gunu ꞉gwakaamirwe mu‑Bhikaame Ebhyeru gunu ogwayika ati, “Orufu rwasingaarisibhwa, obhuyigi bhwakuumira!”

Barumi 8:3

Ebhiraagiro bhya Muusa bhyariga bhitari na amanaga ga okuchiyaana obhwitaage, ku‑songa ya obhusimukwa bhweswe bhwa echibhiibhi. Nawe chinu ebhiraagiro ebhyo ꞉bhyataamiibhwe okukora, Nyamuwanga ꞉aachikorere. ꞉Aatumire Omwana waaye omwene, aaje kw‑iswe ku‑chaaro anu ari na omubhiri rwa eswe abha ebhibhiibhi, korereki eesoosye rwa echoogo inguru ya ebhibhiibhi bhyeswe. Kwa okukora kutyo, Nyamuwanga ꞉aayaaye Yeesu ebhitiibha inguru ya ebhibhiibhi bhya abhaanu,

Yowana 14:3

Omwanya gunu nirimara okubheerabhira obhwikaro, niriija rindi okubhagega korereki anu niribha, emwe wone niwo muribha aamwi na anye.

Obhusweruro 1:7

Muringire! Ariija ari ku‑meere! Abhaanu bhoone bharimurora, noorwo bhanu ꞉bhaamusomere, wone bharimurora. Jingʼanda joone mu‑chaaro jiririra inguru yaaye. Chimari nikwo kutyo jiribha. Jibhe kutyo.

Baeburania 4:15

Omugabhisi Omukuru oyo niwe kaamenya obhujorobhoke bhweswe, kwa okubha ꞉aaregeejerwe na Syetaani ku‑misango joone rwa eswe, nawe omwene ꞉ataakorere ebhibhiibhi.

1 Yoana 3:5

Emwe mumenyere kisikisi ati isonga ya Kirisito okuuja ku‑chaaro kunu ni kugega ebhibhiibhi bhyeswe. Ka wone, mumenyere ati omwene atari na echibhiibhi choonechoone.

2 Batesalonika 2:1

Woori, abhayiri bheeswe, echibhakaamira inguru ya okusubha kwa Raatabhugenyi weeswe Yeesu Kirisito na kutyo chirikumanywa, korereki chibhe aamwi nage. Kurwa ejo, echibheerembeeresya ati,

1 Bakorinto 1:7

Woori mutagerukiiywe noorwo echiyaanwa choonechoone cha Mwoyo Mweru, mukabha nimurindiriraga kwa obhwiro bhwafu okusubha kwa Raatabhugenyi weeswe Yeesu Kirisito.

Barumi 5:15

Nawe echibhiibhi cha Adaamu chitakwingana na echiyaanwa cha obhwitiriranya bhwa Nyamuwanga. Adaamu ni muunu umwi unu ꞉aakorere abhaanu bhoone bhafwe okuruubhana na echibhiibhi chaaye. Nawe ari‑wo umwi owundi, Yeesu Kirisito, unu kaayaana abhaanu bhaafu echiyaanwa cha obhwitiriranya bhwa Nyamuwanga. Obhwitiriranya bhwa Nyamuwanga obhwo bhutari na indengo, obhukira muno echibhiibhi cha Adaamu!

Baeburania 9:25

Omugabhisi omukuru eengiraga Ayeeru a Ayeeru bhuri muguuga ari na orwamba rwa jityanyi. Nawe Kirisito ꞉ateengiiye mu‑rwire korereki eesoosye okubha echoogo kwiya kaafu. Tari ꞉eengiiye ˆneesoosya rumwi era.

Matayo 20:28

Jiri rwa kutyo anye Omwana wa Omuunu, ꞉niteejire okukorerwa emirimu, tari ꞉neejire okukorera emirimu abhaanu na okusoosya obhurame bhwani, korereki neerure abhaanu bhaafu.”

Matayo 25:31

Yeesu ˆnaagenderera okwayika na abheeyigisibhwa bhaaye, ˆnaabhabhwira ati, “Omwanya gunu anye Omwana wa Omuunu niriija mw‑ikusyo ryani, aamwi na bhamaraayika abheeru bhoone, niwo niriinyanja rwa omukama ku‑chitebhe chaani cha rikusyo.

Barumi 3:25

Nyamuwanga ꞉aamuteeye‑wo abhe echoogo cha okugwatanya abhaanu na Nyamuwanga, korereki bhafwirwe echigongo ebhibhiibhi bhyebhwe, kwa okwikirisya ati Yeesu ꞉aafuuwe inguru yeebhwe. Nyamuwanga ꞉aakorere kutyo, korereki eeresye ati ni murengeresi, kwa okubha ꞉eegumiirisiisye, ꞉ataayaaye abhaanu ebhitiibha ku‑bhibhiibhi bhinu ꞉bhaakorere omwanya gwa inyuma.

Baeburania 1:14

Mbe woori, bhamaraayika ni chiinu ki? Ni myoyo jinu ejikorera emirimu Nyamuwanga, omwene kaajituma jigende okukorera emirimu abhaanu bhanu bharichungurwa.

Baeburania 2:3

Araabha ꞉jaakorekeene kutyo ku‑bheene, angu, eswe chiritura kutiki okuwona okuyaanwa ebhitiibha, chikabha chitakwigana obhuchungusi obhunene rwa bhunu chibhwene? Raatabhugenyi Yeesu niwe ꞉aambire okuraasya obhuchungusi obhwo, na abhaanu bhanu bhaariga nibhamutegeresya wone nibhachibhwira ati, omusango gwa obhuchungusi ogwo ni gwa echimari.

Baeburania 5:9

Mbe, okuruubhana na emisango ejo, Nyamuwanga ꞉aamukorere abhe Omugabhisi Omukuru unu akuumiiye, ˆnaabha obhusimukwa bhwa obhuchungusi bhwa kajaanende ku‑bhaanu bhoone bhanu abhagayuka Yeesu.

Baeburania 7:27

Abhagabhisi abhakuru bhaariga nibheendwa okusoosya echoogo bhuri rusuku. Okwamba bhaasoosyaga inguru ya ebhibhiibhi bhyebhwe abheene, bhaakamara niwo nibhasoosya inguru ya ebhibhiibhi bhya abhaanu abhandi. Nawe Yeesu ꞉ataakorere rwa abhagabhisi abhakuru abho. Omwene ꞉eesoosiisye okubha echoogo rumwi era inguru ya ebhibhiibhi bhya abhaanu bhoone.

Baeburania 10:10

Woori, kwa okubha Yeesu aariga ˆnaakora okwenda kwa Nyamuwanga, Nyamuwanga kaacheesya ebhibhiibhi bhyeswe ku‑njira ya Yeesu Kirisito okwisoosya rumwi okubha echoogo.

Baeburania 12:14

Mbe, mwikomeesyega okwikara kwa omurembe na abhaanu bhoone. Ka wone mwikomeesyega okubha abheeru mu‑bhurame bhwemwe, kwa okubha atari‑wo omuunu unu kaatura okurora Raatabhugenyi akabha atari mweru.

Yuuda 1:21

Kwa okukora kutyo, mwiyangarirega mu‑ryenda rya Nyamuwanga, nimugenderera okurindirira obhuwanga bhwa akajaanende koone, bhunu muriyaanwa na Raatabhugenyi weeswe Yeesu Kirisito ku‑chigongo chaaye.