Baeburania 9:19 - Indagano Inyaaya mu-Chijita

¹⁹ Muusa ejire aamara okuraasisya Abhayisirayeeri bhoone ebhiraagiro bhyone bhya Nyamuwanga rwa kutyo bhyariga bhiragiriiye, ꞉aagegere orwamba rwa ebhinyara na orwa jimbusi, ˆnaarusaasya na amanji. Niwo ˆnaamiijira orwamba orwo ku‑chitabho cha ebhiraagiro na ku‑bhaanu bhoone. ꞉Aakorere kutyo na amagaafu amatukurasi ganu ꞉gaabhoyerwe kw‑itabhi rya riiti rinu eritogwa ati yisopo.

INDAGANO INYA:YA

¹⁹ Okuba Musa wejire amara okubwira ba:nu bo:ne ebiragiro byone rwa kutyo aragiriywe, nagega orwamba rwe binyara no rwa jimbusi aamwi na manji no bufufi bwa ina:ma obutukurasi, no mwotwa, namijirira ku citabo ecene na ku ba:nu bo:ne.

Baeburania 9:19 Referans Kwoze

Baeburania 9:12

Omwene ꞉eengiiye rumwi era Ayeeru a Ayeeru. ꞉Ateengiiye eyo na orwamba rwa jimbusi amwi rwa ebhinyara, tari ꞉eengiiye eyo na isagama yaaye omwene, korereki acheerure akajaanende koone.

Baeburania 10:4

kwa okubha orwamba rwa jindume na orwa jimbusi rutakutura okusoosya‑wo ebhibhiibhi bhya abhaanu.

1 Petero 1:2

Kara awo, Raata Nyamuwanga ꞉aatangatire okubhamenya, ˆnaabhasora, Mwoyo waaye ˆnaabhakora mubhe bheeru, korereki mugayuke Yeesu Kirisito na okwesibhwa mu‑sagama yaaye. Obhwitiriranya na omurembe okusooka ku‑Nyamuwanga bhyongesibhwe kw‑imwe.

Yowana 19:5

Niwo Yeesu ˆnaawuruka anja enu afwaye orutengya rwa amawa na omwingiro gwa ijambarawu. Mbe, Piraato ˆnaabhabhwira ati, “Ringira, omuunu omwene niwe unu anu.”

Yowana 19:2

Abhasirikare nibhasinga orutengya rwa amawa, nibhamufwafya ku‑mutwe. Ka wone nibhamufwafya omwingiro gwa ijambarawu, korereki abhonekane wuti ni mukama.

Mariko 15:20

Bhejire bhaamara okumuworoomera, nibhamufuura ingubho ya ijambarawu irya, na okumufwafya rindi emyenda jaaye. Nibhamuwurusya anja, nibheemuka nage okugenda okumubhamba ku‑musarabha.

Mariko 15:17

Nibhafwafya Yeesu omwingiro gwa ijambarawu gwa echikama. Nibhasinga orutengya rwa amawa, nibhamufwafya ku‑mutwe. ꞉Bhaakorere kutyo, korereki abhonekane wuti ni mukama, okumuworoomera.

Matayo 27:28

Nibhamufuura emyenda jaaye, nibhamufwafya omwingiro omutukurasi.

Baeburania 12:24

Emwe mwakingire ku‑Yeesu, unu kaagwatanya abhaanu na Nyamuwanga mu‑ndagano inyaaya. Ka wone mwakingire ku‑sagama yaaye inu ꞉yeetikire ku‑musarabha inguru ya okusoosya‑wo ebhibhiibhi bhyeswe. Isagama eyo itakutonga okusubhya orusiima rwa isagama ya Abheeri.

Baeburania 1:1

Kara awo, Nyamuwanga ꞉aayikire na bhasaaja weeswe kaafu na ku‑njira nyafu, okutura ku‑bharagi.

Baeburania 9:13

Okuruubhana na ebhiraagiro bhya Muusa, abhagabhisi bhaariga nibhamiijirira orwamba rwa jimbusi na orwa jindume na riifu rya echinyara ku‑bhaanu bhanu bhaariga bhari bhajabhi, korereki bheesibhwe emibhiri jeebhwe.

Baeburania 9:18

Nikwo okukora noorwo indagano ya kara irya yaariga iri na amanaga era ku‑songa ya orwamba rwa jityanyi runu ꞉rwetikire.

Baeburania 10:22

Kurwa ejo chifogere imbere ya Nyamuwanga chiri na emyoyo emyeru na eriikirisya rya echimari, okubha Nyamuwanga eesiisye emitima jeeswe emijabhi ku‑njira ya isagama ya Yeesu, na oosiisye emibhiri jeeswe na amanji ameeru.