Baeburania 9:12 - Indagano Inyaaya mu-Chijita

¹² Omwene ꞉eengiiye rumwi era Ayeeru a Ayeeru. ꞉Ateengiiye eyo na orwamba rwa jimbusi amwi rwa ebhinyara, tari ꞉eengiiye eyo na isagama yaaye omwene, korereki acheerure akajaanende koone.

INDAGANO INYA:YA

¹² Amwi atengiye na rwamba rwa mbusi na rwa binyara, nawe engiye na manyinga gae omwene, nengira kata mu rubara orweru rumwi era, nakora okucungura kwa kajanende.

Baeburania 9:12 Referans Kwoze

Baeburania 10:4

kwa okubha orwamba rwa jindume na orwa jimbusi rutakutura okusoosya‑wo ebhibhiibhi bhya abhaanu.

Baeburania 9:15

Ku‑songa eyo, Kirisito niwe kaagwatanya abhaanu na Nyamuwanga mu‑ndagano inyaaya, korereki abhaanu bhanu Nyamuwanga aawuuwe, bhabhone obhuwanga bhwa kajaanende koone bhunu ꞉aaragire okubhayaana. Ejo ejitura okukorekana kutyo kwa okubha Kirisito ꞉aafuuwe korereki eerure abhaanu okusooka mu‑bhibhiibhi bhinu bhaariga nibhakora omwanya gwa indagano ya kara.

Baefeso 1:7

Okubha ku‑sagama ya Kirisito cheeruuywe, nikwo okufwirwa echigongo ebhibhiibhi bhyeswe bhyone. Ku‑njira eyo, Nyamuwanga ꞉aacheeresiisye obhuniibhi bhwafu muno bhwa obhwitiriranya bhwaye.

Baeburania 5:9

Mbe, okuruubhana na emisango ejo, Nyamuwanga ꞉aamukorere abhe Omugabhisi Omukuru unu akuumiiye, ˆnaabha obhusimukwa bhwa obhuchungusi bhwa kajaanende ku‑bhaanu bhoone bhanu abhagayuka Yeesu.

Obhusweruro 1:5

na okusooka ku‑Yeesu Kirisito. Omwene niwe omubhambaasi omwiyikanyibhwa. ꞉Aabheeye wa okwamba okusuururwa korereki abhe omukama wa abhakama bhoone mu‑chaaro. Yeesu acheendere. Okutura ku‑sagama yaaye ꞉aachoosiisye ebhibhiibhi bhyeswe.

Baeburania 10:19

Abhayiri bhaani mu‑riikirisya, ku‑songa ya isagama ya Yeesu, chiri na obhwitaage bhwa okwingira Ayeeru a Ayeeru okuubhaya wuri.

Baeburania 9:28

Nyabhuriko Kirisito ꞉aasoosiibhwe okubha echoogo rumwi era, korereki asoosye‑wo ebhibhiibhi bhya abhaanu bhaafu. Kirisito ariija rwa kabhiri, nawe omwanya ogwo atariija okusoosya‑wo ebhibhiibhi. Tari ariija okuchungura abhaanu bhanu abhamurindirira mu‑bhwikomeesya.

Baeburania 7:27

Abhagabhisi abhakuru bhaariga nibheendwa okusoosya echoogo bhuri rusuku. Okwamba bhaasoosyaga inguru ya ebhibhiibhi bhyebhwe abheene, bhaakamara niwo nibhasoosya inguru ya ebhibhiibhi bhya abhaanu abhandi. Nawe Yeesu ꞉ataakorere rwa abhagabhisi abhakuru abho. Omwene ꞉eesoosiisye okubha echoogo rumwi era inguru ya ebhibhiibhi bhya abhaanu bhoone.

Baeburania 9:13

Okuruubhana na ebhiraagiro bhya Muusa, abhagabhisi bhaariga nibhamiijirira orwamba rwa jimbusi na orwa jindume na riifu rya echinyara ku‑bhaanu bhanu bhaariga bhari bhajabhi, korereki bheesibhwe emibhiri jeebhwe.

Baeburania 1:3

Omwene oyo niwe orungʼarabhyo rwa rikusyo rya Nyamuwanga. Ka wone niwe orususo rwa echimari rwa kutyo Nyamuwanga ari. Omwene niwe kaakora ebhiinu bhyone bhigwatane aamwi ku‑musango gwaye ogwa amanaga. ꞉Eesiisye abhaanu ebhibhiibhi bhyebhwe, ˆnaagenda mu‑rwire, ˆneenyanja orubhaara rwa ebhuryo rwa Nyamuwanga owa obhuturo bhwone.

1 Batesalonika 1:10

Wone abhatonda kutyo omurindirira Omwana waaye, asubhe rindi okusooka mu‑rwire. Oyo niwe Nyamuwanga ꞉aasuuruuye okusooka mu‑bhafuuwe. Niwe Yeesu unu kaachichungura okusooka mu‑ndamu ya Nyamuwanga inu eyiija.

Bakolosai 1:14

Ku‑njira ya Omwana waaye, cheeruuywe, nikwo okwayika ati, okufwirwa echigongo ebhibhiibhi bhyeswe.

Ebikorwa 20:28

Woori, mubhega mwiyangariiye na murinde ebhise bhyone bhya abheekirisya, kwa okubha Mwoyo Mweru, abhateeye‑wo mubhe abhaangarisi. Mwangarire abheekirisya abho, kwa okubha Nyamuwanga ꞉aabhagurire kwa isagama ya omwana waaye.

Mariko 3:29

Nawe, atarifwira echigongo abhaanu bhanu abheefumirisya Mwoyo Mweru. Oyo aribha na risoro rya echibhiibhi akajaanende koone.”

Obhusweruro 5:9

Nibheembira Omwana wa Inaama orwimbo oruyaaya runu rwayikaga ati, “Awe wiiyire okuramira echitabho echo na okusuruumura jimboyero jaacho ja obhurimbo. Okubha awe ꞉waatemerwe omutwe na ku‑sagama yaawo, nuugurira Nyamuwanga abhaanu bha jingʼanda joone, jinyaayika joone, jinyaami joone na abha amaanga goone.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Baeburania 9:7

Nawe omugabhisi omukuru eenyere niwe aariga ˆneekirisibhwa okwingira mu‑chisago cha kabhiri chirya, wone eengiraga rumwi era ku‑muguuga. Ka wone omwanya gunu aariga ˆneengira, eendwaga okubha na orwamba rwa ityanyi. Orwamba orwo nirwo rwariga ruri choogo ku‑Nyamuwanga inguru ya okufwirwa echigongo ebhibhiibhi bhya omugabhisi na ebhibhiibhi bhya abhaanu abhandi bhinu bhaariga nibhakora okumenya wuri.

Ruuka 1:68

“Raatabhugenyi, Nyamuwanga wa Yisirayeeri, akusibhwe, kwa okubha, eejire okwerura abhaanu bhaaye.

Baeburania 9:14

Nawe isagama ya Kirisito iri na amanaga muno okukira orwamba rwa jityanyi ejo! Omwene ꞉eesoosiisye ku‑Nyamuwanga ku‑bhuturo bhwa Mwoyo wa akajaanende koone, korereki abhe echoogo chinu chitari na esojorero ryoneryone. Isagama yaaye niyo eyicheesya emitima jeeswe inguru ya ebhikorwa bhinu ebhireeta orufu, korereki chikorere emirimu Nyamuwanga omuwanga.

Baeburania 9:19

Muusa ejire aamara okuraasisya Abhayisirayeeri bhoone ebhiraagiro bhyone bhya Nyamuwanga rwa kutyo bhyariga bhiragiriiye, ꞉aagegere orwamba rwa ebhinyara na orwa jimbusi, ˆnaarusaasya na amanji. Niwo ˆnaamiijira orwamba orwo ku‑chitabho cha ebhiraagiro na ku‑bhaanu bhoone. ꞉Aakorere kutyo na amagaafu amatukurasi ganu ꞉gaabhoyerwe kw‑itabhi rya riiti rinu eritogwa ati yisopo.

Baeburania 13:12

Niyo isonga Yeesu wone ꞉aanyaasiibhwe na okwitwa anja ya omusi gwa Yerusareemu, korereki eesye abhaanu ebhibhiibhi bhyebhwe ku‑njira ya isagama yaaye.