Baeburania 9:11 - Indagano Inyaaya mu-Chijita

¹¹ Kirisito ꞉eejire, korereki abhe Omugabhisi Omukuru wa obhutinge obhuyaaya bhunu bhwachireetera emisango ja ekisi. Omwene niwe kaakora emirimu mw‑iyeema erindi rinu riri rya ekisi muno, ka wone rikuumiiye okukira rya okwamba rirya. Riyeema eryo ꞉ritoombakirwe na omuunu, obhugajuro bhwago ni ati, riyeema eryo ritari rya ku‑chaaro kunu.

INDAGANO INYA:YA

¹¹ Nawe Kristo wejire aja, naba mugabisi mukuru we misango jo bwana jinu ejenda oku:ja, nengira mwiyema ryo bukuru na rinu riku:miye kukirao, rinu ritakorerwe na maboko, kwo kwaika ati, ritari rya mu:si inu,

Baeburania 9:11 Referans Kwoze

2 Bakorinto 5:1

Emibhiri jeeswe ja ku‑chaaro anu, jiri rwa ebhiwuuna. Nawe chimenyere ati, bhikakambuka, Nyamuwanga arichiyaana jinju ja akajaanende mu‑rwire jinu jitakumbakwa na abhaanu.

Baeburania 10:1

Mbe, ebhiraagiro bhya Muusa ni chijekekanyo era cha emisango ja ekisi jinu ejiija, nawe ebhyene bhitari emisango ejo ejeene. Kurwa ejo ebhyogo bhinu abhaanu abhasoosya bhuri muguuga okuruubhana na ebhiraagiro ebhyo, bhitakutura wuri noorwo na akatyari okwesya abhaanu bhanu abharamya Nyamuwanga.

Mariko 14:58

“Eswe abheene ꞉choonguuwe omuunu unu ˆnaayikaga ati, ‘Anye nirifumya Riyekaru rya Nyamuwanga rinu ꞉ryombakirwe na abhaanu. Ka wone, niriryumbaka rindi mu‑siku esatu era, eryo ritaryumbakwa na abhaanu.’”

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.

Baeburania 2:17

Ku‑songa eyo, ꞉aakenerwe aaje ari rwa kutyo abhayiri bhaaye bhari mu‑joone, korereki abhe Omugabhisi Omukuru unu ari owa echigongo na omwiyikanyibhwa ku‑mirimu jaaye imbere ya Nyamuwanga. Omugabhisi oyo niwe ꞉aakorere echoogo korereki Nyamuwanga afwire echigongo abhaanu ebhibhiibhi bhyebhwe.

Ebikorwa 7:48

“Noorwo kutyo, Nyamuwanga unu ari Inguru ya Bhyone ni mukuru, atakwikara mu‑nju jinu ejuumbakwa na amabhoko ga abhaanu. Rwa kutyo omuragi ꞉aayikire ati,

2 Yoana 1:7

Mbe, enaayika kutyo, kwa okubha abhabheeyi bhaafu bheebhukire ku‑chaaro kunu. Abhaayika ati Yeesu Kirisito ꞉eejire atari na omubhiri rwa gwa omuunu. Omuunu woonewoone unu kaayika kutyo ni omubheeyi, ka wone niwe omusoko wa Kirisito.

Baeburania 3:1

Mbe, abhayiri bhaani mu‑riikirisya, emwe bhanu Nyamuwanga abhirikiiye aamwi na eswe okubha abhaanu bhaaye, mwiganirisye inguru ya Yeesu. Omwene oyo niwe Itumwa ya Nyamuwanga ka wone niwe Omugabhisi Omukuru wa emisango jinu echiikirisya.

Yowana 4:25

Omugasi oyo ˆnaabhwira Yeesu ati, “Nimenyere ati Masiya kaaja, unu kaatogwa ati Kirisito. Ka wone nimenyere ati, omwanya gunu ariija, arichibhwira emisango joone.”

Yowana 1:14

Mbe, Musango oyo ˆnaabha omuunu, ˆneekara agati yeeswe. Eswe bhoone nichirora rikusyo ryaye, rikusyo rya Omwana eenyere wa Raata Nyamuwanga, eejuuywe obhwitiriranya bhwafu na echimari choone.

Baeburania 7:1

Meerikijedeki oyo aariga ari mukama wa omusi gwa Sareemu. Ka wone aariga ari mugabhisi wa Nyamuwanga unu ari Inguru ya Bhyone. Meerikijedeki ꞉aabhugeene na Bhurayimu omwanya gunu Bhurayimu aariga ˆnaasubha okusooka mw‑iremo. Bhurayimu aariga arwanire na abhakama bhana na okubhayiga. Niwo Meerikijedeki ˆnaamusabhirwa amabhando.

Baeburania 4:15

Omugabhisi Omukuru oyo niwe kaamenya obhujorobhoke bhweswe, kwa okubha ꞉aaregeejerwe na Syetaani ku‑misango joone rwa eswe, nawe omwene ꞉ataakorere ebhibhiibhi.

Bakolosai 2:11

Omwanya gunu ꞉mwabheeye na obhumwi na Kirisito, omwene ꞉aabhatendere, nikwo okwayika ati, ꞉aabhafuurire bhumuunu bhwemwe bhwa ebhibhiibhi. Okutenda okwo ꞉kutaakorerwe kwa amabhoko ga abhaanu, tari ku‑njira yaaye omwene.

Matayo 11:3

“Angu, naawe unu kaaja, tere chirindirire owundi?”

Matayo 2:6

‘Awe Bhetereyeemu mu‑chaaro cha Yuuda, utari musi gwa okugaywa wuri agati ya abhatungi bha echaaro cha Yuuda. Okubha omutungi omukuru okusooka kw‑awe aritangasya abhaanu bhaani Abhayisirayeeri, rwa kutyo omureefi kaareebha jinaama jaaye.’”

2 Bakorinto 4:18

Kutyo, chitakuringira ebhiinu bhinu ebhibhonekana, tari bhinu bhitakubhonekana, kwa okubha bhinu ebhibhonekana ni bhya kasinjeeke era, nawe bhinu bhitakubhonekana, ni bhya akajaanende.

Baeburania 12:27

Omusango ogwo “rindi” ogweresya abhwerubhweru ati, ebhiinu bhyone bhinu ꞉bhyabhumbirwe, bhirisingisibhwa na okusoosibhwa‑wo, korereki bhisigare ebhiinu bhinu bhitakutura okusingisibhwa.

Baeburania 13:14

Chikore kutyo okubha ku‑chaaro kunu chitari na omusi gunu gurirama akajaanende koone, tari echirindirira okwingira mu‑musi gwa mu‑rwire gunu oguuja.