Baeburania 9:10 - Indagano Inyaaya mu-Chijita

¹⁰ Okubha emisango ejo jaariga jiri ja echinyamubhiri, ja ebhiryo, ja ebhinywebhwa, na eja okwiyesya emibhiri era. Ejo joone jiriwaa‑wo omwanya gunu Nyamuwanga arituura‑wo obhutinge obhuyaaya.

INDAGANO INYA:YA

¹⁰ Ebyo ni ntungwa jo kurya ne jo kunywa ne jo kwosya kwa nyami nyafu, jinu jaragiriywe ejo mubiri, jinu jateyweo kukinga mu magoro go kugorora emisango jo:ne.

Baeburania 9:10 Referans Kwoze

Bakolosai 2:16

Mbe, omuunu woonewoone aasiga okubharamura kwa okubha omurya ebhiryo na okunywa ebhinywebhwa ebhirebhe bhinu abhaayika ni misiro, amwi kwa okubha mutakuruubha obhusimukwa bhwa jichikukuru ja obhuregesi bhwebhwe, amwi ichikukuru ya okwesi okubhonekana, amwi orusuku rwa Isabhaato.

Baefeso 2:15

Omwanya gunu ꞉aakorere kutyo, ꞉aasoosiisye‑wo obhutinge bhwone bhwa ebhiraagiro bhya Echiyawudi. Obhwira bhwaye bhwariga bhuri okukora ebhise bhibhiri ebhyo, okubha echise chimwi echiyaaya. Nikwo kutyo ꞉aareetere omurembe agatigati ya Abhayawudi na bhanu bhatari Bhayawudi na okubhagwatanya aamwi nage.

Baeburania 7:16

Omwene aariga atari mugabhisi kwa okubha ꞉aakuumisiisye echiraagiro chinu echiragirira ati abhagabhisi bhasooke mu‑ruganda rwa Abharaawi. Tari omwene ꞉aabheeye omugabhisi ku‑bhuturo bhwa obhuwanga bhwaye bhunu bhutari na obhuteero.

Baeburania 10:22

Kurwa ejo chifogere imbere ya Nyamuwanga chiri na emyoyo emyeru na eriikirisya rya echimari, okubha Nyamuwanga eesiisye emitima jeeswe emijabhi ku‑njira ya isagama ya Yeesu, na oosiisye emibhiri jeeswe na amanji ameeru.

Baeburania 9:1

Mbe, indagano ya okwamba irya, yaariga iri na ebhiraagiro bhinu abhaanu bhaariga nibhabhigayuka omwanya gunu bhaaramyaga Nyamuwanga. Ka wone indagano eyo yaariga iri na ebhiraagiro ku‑rubhaara rwa ayeeru wa okuramya Nyamuwanga ku‑chaaro kunu.

Baeburania 6:5

Ka wone bhaamarire okumenya obhwa ekisi bhwa omusango gwa Nyamuwanga na amanaga ga obhutungi bhwa Nyamuwanga ku‑mwanya gunu aritunga echaaro choone echiyaaya.

Baeburania 2:5

Chimenyere ati Nyamuwanga ꞉ataayaaye bhamaraayika obhuturo bhwa okutunga ku‑chaaro echiyaaya, chinu echaayika emisango jaacho. Nawe omuunu umwi asoosiisye obhubhambaasi bhunu mu‑Bhikaame Ebhyeru ati,

Baeburania 13:9

Musigega okugegwagegwa na ameeyigisyo maafumaafu amagenyi, kwa okubha obhwitiriranya bhwa Nyamuwanga nibhwo obhurumatanya emyoyo jeemwe, noorwo bhitari ebhiraagiro inguru ya ebhiryo. Ebhiraagiro ebhyo bhitakusakira gwonegwone ku‑bhaanu bhanu abhabhiruubha.

Baeburania 6:2

Chisigega okusubhiirira rindi okwiyigira ameeyigisyo ga obhubhatiijo, ga okutuurira‑ko abhaanu amabhoko, ga abhafuuwe okusuuruka na ga indamu ya kajaanende koone.

Baefeso 1:10

Obhutinge bhwaye ni ati, aribha gwakuumira omwanya gunu omwene ateeye‑wo, niwo ariwumbanya aamwi ebhiinu bhyone bhibhe emwaro ya obhutungi bhwa Kirisito, ebhiinu bhinu bhiri mu‑rwire na bhinu bhiri mu‑chaaro.

Bagalatia 4:9

Nawe woori, omumenya Nyamuwanga na omwene wone kaabhamenya muno. Woori ni kurwa ki omusubha okuramya obhutinge bhwa akatungiiywe bhwa echaaro chinu? Obhutinge obhwo, bhutari na obhuturo noorwo obhugajuro bhwonebhwone. Amwi omwenda rindi okubha abhagaya bhaabhwo?

Baeburania 7:12

Ka wone araabha obhugabhisi bhukayinduka, ni bhusibhusi ebhiraagiro wone bhiyindurwe.