Baeburania 8:6 - Indagano Inyaaya mu-Chijita

⁶ Nawe Nyamuwanga ayaaye Yeesu omurimu gwa obhugabhisi gunu guri gwa kisi muno okukira gurya gwa abhagabhisi bha okwamba bharya. Yeesu niwe kaagwatanya abhaanu na Nyamuwanga mu‑ndagano inu iri ya ekisi okukira ya okwamba irya. Ka wone indagano eyo, iri rwa echiinu chinu chuumbakirwe ku‑rufuka rwa ekisi, nikwo okwayika ati inguru ya omurago gwa kisi muno okukira omurago gwa indagano ya kara irya.

INDAGANO INYA:YA

⁶ Nawe woryanu abwene okufurubenda kwe kisi muno, okuba abee ntumwa ya indagano ye kisi muno, binu biri ne mirago je kisi muno.

Baeburania 8:6 Referans Kwoze

Baeburania 7:22

Mbe, kwa okubha Nyamuwanga ꞉aarayiiye kutyo, Yeesu niwe omwangarisi wa indagano inyaaya inu iri ya kisi muno okukira irya ya omwanya gwa Muusa.

Baeburania 12:24

Emwe mwakingire ku‑Yeesu, unu kaagwatanya abhaanu na Nyamuwanga mu‑ndagano inyaaya. Ka wone mwakingire ku‑sagama yaaye inu ꞉yeetikire ku‑musarabha inguru ya okusoosya‑wo ebhibhiibhi bhyeswe. Isagama eyo itakutonga okusubhya orusiima rwa isagama ya Abheeri.

2 Petero 1:4

Kw‑ijo, achiyaaye ebhiyaanwa ebhinene bhya obhurambu, bhinu ꞉aachiragire. Ebhiyaanwa ebhyo, ebhireterera chisige obhunyamuke bhunu bhuri ku‑chaaro ku‑songa ya okurigira okubhiibhi. Ka wone ebhireterera chisangire obhusimukwa bhwa Nyamuwanga.

Tiito 1:2

Niwo bharibha na obhwiyikanyo bhwa obhuwanga bhwa akajaanende bhunu Nyamuwanga ꞉aachiragire noorwo achaari okubhumba echaaro. Omwene atakutura okwayika orubheeyi.

Ruuka 22:20

Nyabhuriko, bhejire bhaamara okurya ebhiryo, ˆnaagega omutawo gunu gwariga guri‑mo echifuufu, ˆnaayika ati, “Echifuufu chinu mu‑mutawo munu echimereegururu indagano inyaaya inu Nyamuwanga arikora okutura isagama yaani. Isagama yaani iriitika inguru yeemwe.]

Barumi 9:4

Abho nibho Abhayisirayeeri, abhaanu bhanu Nyamuwanga ꞉aasorere bhabhe abhaana bhaaye, ꞉aabheeresiisye rikusyo ryaye na ꞉aakorere jindagano nabho. Ka wone ꞉aabhayaaye ebhiraagiro bhyaye, aamwi na emirago jaaye, na ꞉aabharagiriiye kutyo jeenderwe bhamuramye.

Baefeso 2:12

Mwichuke ati, ku‑mwanya gurya, mwariga mutakumenya Kirisito, mwariga mukindikirwe okusooka ku‑Bhayisirayeeri, mwariga muri bhagenyi bhanu mutari na omurago gwonegwone ku‑ndagano yeebhwe. Mwariga mutari na obhwiyikanyo, nyabhuriko mwariga mutari na Nyamuwanga ku‑chaaro.

1 Timoteo 2:5

Ari‑wo Nyamuwanga umwi era. Wone omugwatanya agati ya abhaanu na Nyamuwanga ni umwi era, niwe omuunu Kirisito Yeesu.