Baeburania 8:10 - Indagano Inyaaya mu-Chijita

¹⁰ Inu niyo indagano inyaaya inu nirikora na Abhayisirayeeri ku‑siku jinu ejiija. Enija okutuura ebhiraagiro bhyani mu‑bhwiganirisya bhwebhwe, niribhikaama mu‑myoyo jeebhwe. Anye niribha Nyamuwanga weebhwe, abheene wone bharibhaga abhaanu bhaani.

INDAGANO INYA:YA

¹⁰ Okuba inu niyo indagano inu ndiragana na inyumba ya Israeli, Nikwo kutyo Ratabugenyi ka:ika, Jisiku jiriya ariba je:ya, Nditu:ra ebiragiro byani mu kwiganirisya kwebwe, Na ka ndibyandika mu mitima jebwe. Anye niribaga Nyamuanga webwe Na bene baribaga ba:nu bani.

Baeburania 8:10 Referans Kwoze

2 Bakorinto 3:3

Omweresya abhwerubhweru ati emwe muri nyarubha ya Kirisito, inu eyeeresya amatwasyo ga emirimu jinu ꞉chaakorere kw‑imwe. Inyarubha eyo, ꞉itaakaamirwe kwa obhwino, tari ꞉yaakaamirwe na Mwoyo wa Nyamuwanga omuwanga. Ka wone ꞉itaakaamirwe ku‑bhibhaara bhya amabhuyi tari ku‑bhibhaara bhinu bhiri mu‑myoyo ja abhaanu.

1 Petero 2:9

Nawe emwe muri rwibhuro orusorwa, muri bhugabhisi bhwa echikama, echise cha abheeru, abhaanu bhanu mwawuuywe na Nyamuwanga, korereki muraasye ebhikorwa bhyaye ebhikuru. Omwene ꞉aabhabhirikiiye okusooka mu‑chisuute, mwingire mu‑bhweru bhwaye bhwa okuruguusya.

Barumi 11:27

Awo niwo indagano yaani nabho irikuumira, omwanya gunu niribhafwira echigongo ebhibhiibhi bhyebhwe.”

Yakobo 1:21

Kurwa ejo, musige ebhibhiibhi na ebhikorwa ebhibhiibhi bhyone. Mwikirisye kwa obhworooro omusango gunu Nyamuwanga ꞉aayambire mu‑myoyo jeemwe, kwa okubha ogwo, nigwo ogutura okubhachungura.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

1 Petero 1:23

kwa okubha mwibhuuywe rwa kabhiri. Okwibhurwa okwo, kutakusooka ku‑bheesomwana, abheene abhafwa, tari mwibhuuywe kwa omusango omuwanga gwa Nyamuwanga, ogwene ogugenderere okubha gwa echimari akajaanende koone.

Yakobo 1:18

Rwa kutyo omwene ꞉eendere, ꞉aachikorere chibhe abhaana bhaaye, ku‑njira ya omusango gwaye gwa echimari. ꞉Aakorere kutyo, korereki chibhe rwa abhaana bha obhubhere ku‑bhiinu bhyone bhinu ꞉aabhumbire.

Matayo 22:32

‘Anye niri Nyamuwanga wa Bhurayimu, Isaaka na Yakobho.’” Yeesu ˆnaagenderera okwayika ati, “Mbe, Nyamuwanga atari Nyamuwanga wa abhafuuwe, tari wa abhaanu bhanu bhari bhaanga!”

Baeburania 11:16

Nawe abhaanu abho bhaariga nibheesigomba echaaro cha ekisi muno, nikwo okwayika ati echaaro cha mu‑rwire. Niyo isonga Nyamuwanga atakurora jiswaro okubhirikirwa ati Nyamuwanga weebhwe, okubha abheeraabhiiye omusi.

1 Bakorinto 6:16

Mutakumenya ati omuunu woonewoone unu kaagwatana na omugasi unu keegusya okwibhonera ribhona, oyo kaabha omubhiri gumwi nage? Jiri rwa kutyo jikaamirwe mu‑Bhikaame Ebhyeru ati, “Abho ku‑bhubhiri bhwebhwe bharibha omubhiri gumwi.”