Baeburania 7:28 - Indagano Inyaaya mu-Chijita

²⁸ Okuruubhana na ebhiraagiro bhya Muusa, abhaanu bhaariga nibhakorwa okubha abhagabhisi abhakuru, noorwo kutyo bhaariga bhari bhakosi bha ebhibhiibhi. Nawe gwejire gwatura omwanya, Nyamuwanga ˆnaakora Omwana waaye kwa echirayiro okubha Omugabhisi, Omwana unu akuumiiye kajaanende koone.

INDAGANO INYA:YA

²⁸ Okuba ebiragiro ebitu:rao aba:nu banu batana managa babe bagabisi bakuru, nawe omusango gwe ci:rairo, cinu casingiriye ebiragiro, nico cateeo Mwana, unu aku:misi:bwe kukinga kajanende.

Baeburania 7:28 Referans Kwoze

Baeburania 2:10

Nyamuwanga niwe ꞉aabhumbire ebhiinu bhyone na okubhikora bhibhe kutyo bhiri. ꞉Jaamukondeeye areete abheekirisya bhaafu mw‑ikusyo ryaye, kurwa ejo ꞉aakuumisiisye Yeesu ku‑njira ya okunyaasibhwa, korereki abhe obhusimukwa bhwa obhuchungusi.

Baeburania 1:2

Nawe mu‑siku jinu ja obhuteero, Nyamuwanga aayika na eswe okutura ku‑Mwana waaye. Nyamuwanga ꞉aamuteeye‑wo abhe omwanjusi wa ebhiinu bhyone, ka wone okutura ku‑mwene oyo, Nyamuwanga ꞉aabhumbire echaaro choone.

Ruuka 13:32

Yeesu ˆnaabhasubhya ati, “Mugende, mubhwire rinyamubhwe riruru eryo ati, ‘Reero na mutondo, enisoosya amasambwa ku‑bhaanu, na okuwosya abharwaye. Orusuku rwa kasatu, enimara emirimu jaani.’

Baeburania 7:24

Nawe Yeesu niwe Omugabhisi kajaanende koone, kwa okubha omwene ni muwanga kajaanende koone.

Baeburania 7:3

Ejibhonekana ati abheebhusi bha Meerikijedeki bhatakumenyekana, oruganda rwaye wone rutakumenyekana, okwibhurwa na okufwa kwaye bhitakumenyekana. Omwene niwe omugabhisi wa kajaanende koone rwa Omwana wa Nyamuwanga.

Baeburania 5:5

Nyabhuriko, Kirisito wone ꞉ateeyenjeeye omwene echibharo cha okubha Omugabhisi Omukuru, tari Nyamuwanga niwe ꞉aamusorere na okumubhwira ati, “Awe naawe Omwana waani, reero eniraasya ati anye niri Somwana.”

Baeburania 3:6

Nawe Kirisito ni mwiyikanyibhwa rwa Omwana unu keemereegururu abhaanu bha mu‑nju ya Nyamuwanga. Abhaanu abho niiswe araabha chikagenderera okukingira ku‑bhuteero chiri na ribhaasi na okwikuuyisya jinu echiiyikanya.

Yowana 19:30

Yeesu ejire aarabha isese eyo, ˆnaayika ati, “Naamara omurimu gwani!” Mbe, ˆneenamya omutwe gwaye, ˆnaafwa.

Baeburania 4:14

Mbe, chiri na Omugabhisi Omukuru unu ꞉aagendere na okwingira mu‑rwire, niwe Yeesu Omwana wa Nyamuwanga. Ku‑songa eyo, chigwatirire jinu echiikirisya.

Baeburania 2:17

Ku‑songa eyo, ꞉aakenerwe aaje ari rwa kutyo abhayiri bhaaye bhari mu‑joone, korereki abhe Omugabhisi Omukuru unu ari owa echigongo na omwiyikanyibhwa ku‑mirimu jaaye imbere ya Nyamuwanga. Omugabhisi oyo niwe ꞉aakorere echoogo korereki Nyamuwanga afwire echigongo abhaanu ebhibhiibhi bhyebhwe.

Baeburania 3:1

Mbe, abhayiri bhaani mu‑riikirisya, emwe bhanu Nyamuwanga abhirikiiye aamwi na eswe okubha abhaanu bhaaye, mwiganirisye inguru ya Yeesu. Omwene oyo niwe Itumwa ya Nyamuwanga ka wone niwe Omugabhisi Omukuru wa emisango jinu echiikirisya.