Baeburania 7:27 - Indagano Inyaaya mu-Chijita

²⁷ Abhagabhisi abhakuru bhaariga nibheendwa okusoosya echoogo bhuri rusuku. Okwamba bhaasoosyaga inguru ya ebhibhiibhi bhyebhwe abheene, bhaakamara niwo nibhasoosya inguru ya ebhibhiibhi bhya abhaanu abhandi. Nawe Yeesu ꞉ataakorere rwa abhagabhisi abhakuru abho. Omwene ꞉eesoosiisye okubha echoogo rumwi era inguru ya ebhibhiibhi bhya abhaanu bhoone.

INDAGANO INYA:YA

²⁷ Oyo ata:kenere kuso:sya byogo kusiku, okwamba kurwe bibi:bi byae omwene, niwo kurwe bibi:bi bya ba:nu, rwa bagabisi abakuru bariya kutyo bakoraga, okuba Omwene akorere kata rumwi era, ne:tegayo omwene kuba co:go.

Baeburania 7:27 Referans Kwoze

Baeburania 9:28

Nyabhuriko Kirisito ꞉aasoosiibhwe okubha echoogo rumwi era, korereki asoosye‑wo ebhibhiibhi bhya abhaanu bhaafu. Kirisito ariija rwa kabhiri, nawe omwanya ogwo atariija okusoosya‑wo ebhibhiibhi. Tari ariija okuchungura abhaanu bhanu abhamurindirira mu‑bhwikomeesya.

Baeburania 9:12

Omwene ꞉eengiiye rumwi era Ayeeru a Ayeeru. ꞉Ateengiiye eyo na orwamba rwa jimbusi amwi rwa ebhinyara, tari ꞉eengiiye eyo na isagama yaaye omwene, korereki acheerure akajaanende koone.

Baeburania 9:14

Nawe isagama ya Kirisito iri na amanaga muno okukira orwamba rwa jityanyi ejo! Omwene ꞉eesoosiisye ku‑Nyamuwanga ku‑bhuturo bhwa Mwoyo wa akajaanende koone, korereki abhe echoogo chinu chitari na esojorero ryoneryone. Isagama yaaye niyo eyicheesya emitima jeeswe inguru ya ebhikorwa bhinu ebhireeta orufu, korereki chikorere emirimu Nyamuwanga omuwanga.

Baefeso 5:2

Murame mwendeene, nimuruubhaga echijekekanyo cha Kirisito. Okubha omwene ꞉aacheendere na okwisoosya inguru ya ebhibhiibhi bhyeswe, ˆnaabha echiyaanwa na echoogo echa ebhirange ku‑Nyamuwanga.

Baeburania 5:3

Nikwo okukora keendwa okusoosya echoogo inguru ya ebhibhiibhi bhyaye omwene, rwa kutyo kaasoosya echoogo inguru ya ebhibhiibhi bhya abhaanu abhandi.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Barumi 6:10

Omwanya gunu ꞉aafuuwe, ꞉aafuuwe rumwi era inguru ya okuyiga amanaga ga ebhibhiibhi. Woori ni muwanga, na eekaaye inguru ya Nyamuwanga.

Baeburania 9:25

Omugabhisi omukuru eengiraga Ayeeru a Ayeeru bhuri muguuga ari na orwamba rwa jityanyi. Nawe Kirisito ꞉ateengiiye mu‑rwire korereki eesoosye okubha echoogo kwiya kaafu. Tari ꞉eengiiye ˆneesoosya rumwi era.

Baeburania 9:7

Nawe omugabhisi omukuru eenyere niwe aariga ˆneekirisibhwa okwingira mu‑chisago cha kabhiri chirya, wone eengiraga rumwi era ku‑muguuga. Ka wone omwanya gunu aariga ˆneengira, eendwaga okubha na orwamba rwa ityanyi. Orwamba orwo nirwo rwariga ruri choogo ku‑Nyamuwanga inguru ya okufwirwa echigongo ebhibhiibhi bhya omugabhisi na ebhibhiibhi bhya abhaanu abhandi bhinu bhaariga nibhakora okumenya wuri.

Baeburania 5:1

Bhuri mugabhisi omukuru kaasorwa okusooka mu‑bhaanu abheejaabho, korereki eemereegururu emisango ja Nyamuwanga inguru ya abhaanu. Ka wone omwene kaasoosisya Nyamuwanga echiyaanwa na echoogo inguru ya ebhibhiibhi bhya abhaanu.

Baefeso 2:22

Kutyo, noorwo emwe aamwi na abhaanu abhandi bhoone, omumbakwa aamwi ku‑mwene, mubhe obhwikaro bhwa Nyamuwanga ku‑njira ya Mwoyo waaye.

Baeburania 8:4

Araabha Yeesu akagendereeye okurama ku‑chaaro kunu, ꞉ataakabheeye omugabhisi wuri, kwa okubha ku‑chaaro kunu bhaamarire okubha‑ko abhagabhisi bhanu abhasoosya ebhiyaanwa okuruubhana na ebhiraagiro bhya Muusa.

Baeburania 9:26

Araabha jikabheeye jitari kutyo, mbe, akeenderwe okunyaaka kwiya kaafu okusookerera okubhumbwa kwa echaaro. Nawe woori mu‑siku ja obhuteero jinu, eejire na okwisoosya okubha echoogo rumwi era, korereki achisoosye‑ko ebhibhiibhi bhyeswe.