Baeburania 7:1 - Indagano Inyaaya mu-Chijita

¹ Meerikijedeki oyo aariga ari mukama wa omusi gwa Sareemu. Ka wone aariga ari mugabhisi wa Nyamuwanga unu ari Inguru ya Bhyone. Meerikijedeki ꞉aabhugeene na Bhurayimu omwanya gunu Bhurayimu aariga ˆnaasubha okusooka mw‑iremo. Bhurayimu aariga arwanire na abhakama bhana na okubhayiga. Niwo Meerikijedeki ˆnaamusabhirwa amabhando.

INDAGANO INYA:YA

¹ Okuba Melikisedeki uyo, omukama wa Salemu, unu ariga:ri mugabisi wa Nyamuanga wa inguru muno, niwe abonene na Iburaimu, anu ariga nasuba okuso:ka okwita abakama, namusabirwa ribando.

Baeburania 7:1 Referans Kwoze

Baeburania 6:20

Yeesu ꞉aatangatire okwingira awo inguru yeeswe. ꞉Eengiiye ˆnaabha Omugabhisi Omukuru akajaanende koone rwa kutyo Meerikijedeki aariga ari.

Mariko 5:7

ˆNaamura obhuraka ˆnaayika ati, “Yeesu Omwana wa Nyamuwanga unu ari Inguru ya Bhyone, owunyenja‑ko ki? Enikurayisya ku‑Nyamuwanga, waasiga okunnyaasya!”

Ebikorwa 16:17

Omugayagasi oyo, aariga ˆnaaruubhirira Pawuro na eswe, ˆnaamwayaga, ˆnaayikaga ati, “Bhanu ni abhakosi bha Nyamuwanga unu ari Inguru ya Bhyone. Bhari anu okubhamenyesya injira ya okuchungurwa.”

Baeburania 7:2

Omwene Bhurayimu ˆnaasoosya ribhaara rimwi kw‑ikumi rya ebhiinu bhinu ꞉aateesiisye mw‑iremo eyo na okuyaana Meerikijedeki. Risiina rinu Meerikijedeki, obhugajuro bhwaryo ni ati, “omukama wa obhurengeresi,” ka wone kaatogwa “omukama wa Sareemu,” obhugajuro bhwaryo ni ati, “omukama wa omurembe.”

Baeburania 7:3

Ejibhonekana ati abheebhusi bha Meerikijedeki bhatakumenyekana, oruganda rwaye wone rutakumenyekana, okwibhurwa na okufwa kwaye bhitakumenyekana. Omwene niwe omugabhisi wa kajaanende koone rwa Omwana wa Nyamuwanga.

Baeburania 7:6

Noorwo kutyo Meerikijedeki ꞉ataasookere mu‑ruganda rwa Abharaawi, ꞉aaramiiye ribhaara rimwi kw‑ikumi okusooka ku‑Bhurayimu. Ka wone ꞉aayaaye amabhando Bhurayimu, unu Nyamuwanga ꞉aaragire okumuyaana amabhando.