Baeburania 6:18 - Indagano Inyaaya mu-Chijita

¹⁸ Mbe, emisango jibhiri jinu nijo Nyamuwanga ꞉aakorere, okuraga na okurayira. Nyamuwanga atarijiyindura wuri noorwo na akatyari, kwa okubha omwene atari mubheeyi. ꞉Aakorere emisango ebhiri ejo, korereki achisimbiisye eswe bhanu chiirukiiye ku‑mwene, chibhe na obhwiyikanyo ku‑misango jinu ejiija.

INDAGANO INYA:YA

¹⁸ kurwe bigambo bibiri ebyo bitakucu:ka, binu Nyamuanga atakutura kubeeramo.

Baeburania 6:18 Referans Kwoze

Tiito 1:2

Niwo bharibha na obhwiyikanyo bhwa obhuwanga bhwa akajaanende bhunu Nyamuwanga ꞉aachiragire noorwo achaari okubhumba echaaro. Omwene atakutura okwayika orubheeyi.

2 Timoteo 2:13

Araabha eswe chitari abheeyikanyibhwa ku‑mwene, omwene kaagenderera okubha omwiyikanyibhwa, kwa okubha omwene atakutura okwirema.”

Barumi 3:4

Wuri, noorwo na akatyari! Noorwo kutyo abhaanu bhoone ni bhabheeyi, Nyamuwanga keeresya ati kaakora chinu kaayika. Rwa kutyo Ebhikaame Ebhyeru ebhyayika inguru yaaye ati, “Waakabhuura abhaanu ku‑bhibhiibhi bhyebhwe, emisango jaawo ni ja echimari. Waakabharamura, indamu yaawo ni ya obhurengeresi.”

1 Yoana 1:10

Araabha echaayika ati chichaari okukora ebhibhiibhi, echibha nichikora Nyamuwanga okubha omubheeyi. Omusango gwaye wone, ogubha gutari‑mo mu‑myoyo jeeswe.

Baeburania 3:11

Kurwa ejo ꞉naabhiyiiywe na okurayira, ninaayikaga ati, ‘Nitaribheekirisisya wuri noorwo na akatyari abhaanu abho okwingira orubhaara rwa okwisya omwoyo, orubhaara runu nibheeraabhiiye.’”

1 Timoteo 1:1

Inyarubha inu, niikaamire anye Pawuro, itumwa ya Yeesu Kirisito. Anye nitumirwe okubha itumwa ya Kirisito Yeesu ku‑chiragiriro cha Nyamuwanga Omuchungusi weeswe na Kirisito Yeesu niwe obhwiyikanyo bhweswe.

Barumi 3:25

Nyamuwanga ꞉aamuteeye‑wo abhe echoogo cha okugwatanya abhaanu na Nyamuwanga, korereki bhafwirwe echigongo ebhibhiibhi bhyebhwe, kwa okwikirisya ati Yeesu ꞉aafuuwe inguru yeebhwe. Nyamuwanga ꞉aakorere kutyo, korereki eeresye ati ni murengeresi, kwa okubha ꞉eegumiirisiisye, ꞉ataayaaye abhaanu ebhitiibha ku‑bhibhiibhi bhinu ꞉bhaakorere omwanya gwa inyuma.

1 Yoana 5:10

Woori, omuunu woonewoone unu keekirisya Omwana wa Nyamuwanga, keekirisya ati obhubhambaasi obhwo ni bhwa echimari. Nawe unu atakwikirisya Nyamuwanga, kaakora Nyamuwanga okubha omubheeyi, kwa okubha atakwikirisya obhubhambaasi bhunu Nyamuwanga asoosiisye inguru ya Omwana waaye.

1 Timoteo 6:12

Komeera okurwana kisi riremo rya eriikirisya, korereki wiibhonere obhuwanga bhwa akajaanende. Obhuwanga obhwo nibhwo ꞉waabhirikiriiywe. Awe omwene ꞉waasoosiisye obhubhambaasi bhwa echimari imbere ya abhabhambaasi bhaafu.

Barumi 15:5

Nyamuwanga niwe kaachiyaana okwigumiirisya na okufungʼamibhwa. Woori, enisabhwa ati, abhakore mwikare kwa obhwira bhumwi emwe abheene kwa abheene, kwa okubha omuruubha orugere rwa Kirisito Yeesu.

Baeburania 11:7

Eriikirisya niryo ꞉ryakorere Nuuwu ˆnaagayuka Nyamuwanga, omwanya gunu Nyamuwanga ꞉aamukengiisye inguru ya emisango jinu jaariga jichaari okukorekana. ꞉Aakonjere echiinu rwa ingarabha inene, korereki achungure abhaanu bhaaye. Ku‑njira ya eriikirisya eryo, ˆneekindika okusooka ku‑bhaanu bha ku‑chaaro bhanu ꞉bhateekirisiisye Nyamuwanga, korereki bharamurwe. Ka wone, ku‑njira ya eriikirisya eryoeryo, Nyamuwanga ˆnaabhara Nuuwu okubha omurengeresi imbere yaaye.

1 Batesalonika 1:10

Wone abhatonda kutyo omurindirira Omwana waaye, asubhe rindi okusooka mu‑rwire. Oyo niwe Nyamuwanga ꞉aasuuruuye okusooka mu‑bhafuuwe. Niwe Yeesu unu kaachichungura okusooka mu‑ndamu ya Nyamuwanga inu eyiija.

Bakolosai 1:27

Nyamuwanga ꞉eendere okubhaswerurira bhwa ekisi bhwa obhutinge bhwa imbisike ya okuruguusya, noorwo inguru ya abhaanu bhanu bhatari Bhayawudi. Obhutinge obhwo ni ati Kirisito ari mu‑myoyo jeemwe, ka wone, omwene niwe kaabhayaana obhwiyikanyo ati murisangira rikusyo rya Nyamuwanga.

Bakolosai 1:23

Nawe mwenderwe okugenderera okwikirisya Emisango ja Ekisi murumateene na okubha na amanaga. Mwasiga okwikirisya abhandi bhabhakongye okusiga obhwiyikanyo bhunu ꞉mwabhwene omwanya gunu ꞉mwoonguuwe Emisango ja Ekisi. Emisango ja Ekisi ejo, jiraasiibhwe ku‑bhaanu bhoone ku‑chaaro anu, anye Pawuro nibheeye omukosi waajo.

Ruuka 2:25

Yerusareemu awo, aariga ari‑wo omuunu umwi unu aatogwaga ati, Simiyooni. Simiyooni oyo aariga ari murengeresi na aagayukaga Nyamuwanga. Omuunu oyo aarindiriraga okurora obhuchungusi bhwa Nyamuwanga ku‑Bhayisirayeeri. Mwoyo Mweru aariga ari aamwi nage.

Matayo 24:35

Orutumba na echaaro bhiritura, nawe emisango jaani jitaritura wuri.

Baeburania 3:6

Nawe Kirisito ni mwiyikanyibhwa rwa Omwana unu keemereegururu abhaanu bha mu‑nju ya Nyamuwanga. Abhaanu abho niiswe araabha chikagenderera okukingira ku‑bhuteero chiri na ribhaasi na okwikuuyisya jinu echiiyikanya.

Bakolosai 1:5

Eriikirisya ryemwe na eryenda ryemwe eryo, ebhiruubhana na obhwiyikanyo bhwemwe ati muriramira amabhando ganu Nyamuwanga abhabhiikiiye mu‑rwire. ꞉Mwoonguuwe inguru ya obhwiyikanyo obhwo omwanya gunu ꞉mwaraasisiibhwe omusango gwa echimari, nijo Emisango ja Ekisi.

Bafilipi 2:1

Mbe araabha omusiiriisibhwa mu‑kubha na obhumwi na Kirisito, araabha omufungʼamibhwa na ryenda ryaye, araabha muri na obhumwi na Mwoyo Mweru, araabha omwendwa na okufwirwa echigongo na Kirisito,

Matayo 3:7

Nawe Yowana ejire aarora Abhafarisaayo na Abhasadukaayo bhaafu nibhamuuja‑ko, korereki abhabhatiije, ˆnaabhabhwira ati, “Emwe orwibhuro rwa jinjoka! Niga unu ꞉aabhabhwiriiye ati, omutura okwikenga indamu ya Nyamuwanga inu iriija, kwa okubhatiijibhwa era?

Barumi 5:5

Obhwiyikanyo obhwo, bhutakutura okuchiswasya, kwa okubha Nyamuwanga eeturuuye eryenda ryaye ryafu mu‑myoyo jeeswe, okutura Mwoyo waaye Mweru unu achiyaaye.

Baeburania 6:17

Nyabhuriko Nyamuwanga wone ꞉aarumatanyiisye omurago gwaye ku‑njira ya echirayiro. ꞉Aakorere kutyo, okweresya abhwerubhweru ku‑bhanu ꞉aaragire ati, atariyindura wuri obhukarariiye bhwaye.

Baeburania 7:19

꞉Aarisoosiisye‑wo, kwa okubha ebhiraagiro bhya Muusa bhyariga bhitari na obhuturo bhwa okukuumisya omusango gwonegwone. Nawe woori, Nyamuwanga achiyaaye obhwiyikanyo obhundi bhwa ekisi muno, bhunu obhuchikora chibhe ayeeyi nage.