Baeburania 6:10 - Indagano Inyaaya mu-Chijita

¹⁰ Nyamuwanga ni murengeresi, atakutura okurabhirwa ebhikorwa bhya ekisi bhinu mukorere. Ka wone atakutura okurabhirwa eryenda rinu ꞉mweresiisye inguru yaaye ku‑njira ya okusakira abheekirisya abheejaanyu okusookerera ku‑bhwambiro okukingira woori.

INDAGANO INYA:YA

¹⁰ Okuba Nyamuanga atari murangirangi okuba atakurabirwa omurimu gwemwe, no kwenda kwemwe kurwa risi:na ryae, kunu mweresisye mu kukorera abe:ru, rwa kutyo mucakora.

Baeburania 6:10 Referans Kwoze

Matayo 10:42

Omuunu woonewoone unu kaayaana owumwi wa abheeyigisibhwa bhanu omutawo gwa amanji amanyiriiye ga okunywa, isonga iri ati, ni mwiyigisibhwa waani, ni chimari enibhabhwira ati, Nyamuwanga atarisiga okuyaana omuunu oyo, echiyaanwa chaaye.”

Baeburania 13:16

Mugenderere okusakira abheejaanyu na okusangira aamwi nabho ebhiinu bhinu muri nabhyo, okubha okukora kutyo, nicho echoogo chinu echikondisya Nyamuwanga.

Bagalatia 6:10

Mbe, bhuri kutyo echibhona omwanya, chikorerega abhaanu bhoone ja ekisi, nawe munomuno abheekirisya abheejaasu.

Ebikorwa 10:4

Koroneeriyo ˆnaaroreerera maraayika oyo kwa obhuubha, ˆnaamubhuusya ati, “Mwami waani, chaabha‑wo ki?” Maraayika oyo ˆnaamubhwira ati, “Nyamuwanga oongwa risabhwa ryawo, aarora na kutyo owusakira abhanare. Ejo joone, kaajimenya na okujikondererwa mu‑rwire.

1 Batesalonika 1:3

Bhunu echibhasabhirwa ku‑Nyamuwanga Raata weeswe, echiichuka imbere yaaye, emirimu jeemwe jinu omukora mu‑riikirisya. Echiichuka okukomeera kwemwe kunu okuruubhana na eryenda ryemwe, ka wone, okwigumiirisya kwemwe kunu okuruubhana na obhwiyikanyo bhwemwe bhwa okusubha rindi Raatabhugenyi Yeesu Kirisito.

Bakolosai 3:17

Omusango gwonegwone gunu omwayika, amwi echiinu choonechoone chinu omukora, mubhikore kw‑isiina rya Raatabhugenyi Yeesu, nimusiimaga Raata Nyamuwanga okutura ku‑mwene.

1 Timoteo 6:18

Ka wone, bhabhwire bhakore ja ekisi, niwo bharibha abhaniibhi mu‑bhikorwa bhya ekisi. Bhabhe bhafura na okusangira ebhiinu bhyebhwe aamwi na abhaanu abhandi.

Mariko 9:41

Omuunu woonewoone unu aribhayaana omutawo gwa amanji ga okunywa isonga iri ati emwe muri bhaanu bha Kirisito, ni chimari enibhabhwira ati, Nyamuwanga atarisiga okuyaana omuunu oyo echiyaanwa chaaye.”

Barumi 12:13

Musakire abheekirisya abheejaanyu mu‑bhukene bhwebhwe, ka wone mubhe bhaangu okukuma kisi abhagenyi mu‑misi jeemwe.

Ebikorwa 11:29

Okuruubhana na obhuragi obhwo, abheeyigisibhwa nibharamura ati, bhuri umwi weebhwe, ku‑bhuturo bhwaye, asoosye obhusakisi ku‑bheekirisya abheejaabho bhanu bhaariga bheekaaye Yuudeya.

Bagalatia 5:13

Abhayiri bhaani, Nyamuwanga abhabhirikiiye, korereki mubhe abhaanu bhanu muri na obhwitaage. Nawe mwasiga okukorera obhwitaage bhwemwe wuti omwanya gwa okuruubha okurigira kwa omubhiri, tari musakirane mu‑ryenda.

Ebikorwa 10:31

ˆNaambwira ati, ‘Koroneeriyo, Nyamuwanga oongwa risabhwa ryawo, aarora na kutyo owusakira abhanare.

Yowana 13:20

Ni chimari enibhabhwira ati, omuunu woonewoone unu kaakuma unu anye nitumire, kaankuma anye. Nyabhuriko, unu kaankuma anye, kaakuma unu ꞉aantumire.”

2 Timoteo 4:8

Woori nirindirira era okuyaanwa orutengya rwa okurama kwa obhurengeresi. Raatabhugenyi Yeesu, omuramusi wa rirenga, arinaana orusuku runu arisubha. Orutengya orwo nitariyaanwa anye era, tari na abhandi bhoone bhanu abharindirira kwa obhwiro okusubha kwaye.

2 Bakorinto 9:1

Woori bhutari‑wo obhukene bhwa okubhakaamira rindi, inguru ya obhusakisi bhwemwe ku‑bheekirisya bha Yerusareemu,

1 Yoana 1:9

Tari, araabha chikata ebhibhiibhi bhyeswe, Nyamuwanga kaachifwira echigongo ebhibhiibhi bhyeswe na okucheesya obhujabhi bhwone, kwa okubha omwene ni mwiyikanyibhwa ka wone ni murengeresi.

Bagalatia 5:6

Mbe araabha chiri na obhumwi na Kirisito Yeesu, okutendwa amwi okurema okutendwa kutari na obhugajuro bhwonebhwone. Echiinu cha bhusibhusi ni riikirisya ryeswe rinu erikora emirimu mu‑ryenda.

Baeburania 10:32

Nawe mwichuke jisiku jinu ꞉mwaambire okwikirisya Kirisito. Noorwo kutyo ꞉mwabhwene ebhinyaasyo bhyafu, nawe mwariga nimwigumiirisya ebhinyaasyo ebhyo.

Matayo 20:7

Abheene nibhamusubhya ati, ‘Ni kwa okubha atari‑wo omuunu unu achiyaaye emirimu.’ Omwene ˆnaabhabhwira ati, ‘Emwe wone mugende okukora emirimu mw‑isambu ryani rya emijabhiibhu.’

Matayo 25:17

Kutyokutyo, omugaya unu ꞉aayaaywe jitaranta ebhiri, ˆnaagenda okukora ebhyasara na okubhona jitaranta ejindi ebhiri.