Baeburania 6:1 - Indagano Inyaaya mu-Chijita

¹ Ku‑songa eyo, chisige okubheera era ku‑meeyigisyo ganu ꞉cheeyigisiibhwe ku‑bhwambiro inguru ya Kirisito, tari chigenderere okwiyigira okukingira chirumatane mu‑riikirisya. Chisige okuumbaka rindi orufuka rwa ameeyigisyo ga okuta inguru ya ebhikorwa ebhijabhi bhinu ebhireeta orufu, na ameeyigisyo inguru ya okwikirisya Nyamuwanga.

INDAGANO INYA:YA

¹ Mbe cisige emisango jo kwamba eja Kristo, cikome:rega okukinga mu buku:miye. Cisige kusuba kutao orufuka rwo kuta mu bikorwa ebifu:ye, no kumwikirisya Nyamuanga,

Baeburania 6:1 Referans Kwoze

Baeburania 9:14

Nawe isagama ya Kirisito iri na amanaga muno okukira orwamba rwa jityanyi ejo! Omwene ꞉eesoosiisye ku‑Nyamuwanga ku‑bhuturo bhwa Mwoyo wa akajaanende koone, korereki abhe echoogo chinu chitari na esojorero ryoneryone. Isagama yaaye niyo eyicheesya emitima jeeswe inguru ya ebhikorwa bhinu ebhireeta orufu, korereki chikorere emirimu Nyamuwanga omuwanga.

2 Bakorinto 7:1

Woori, abheendwa bhaani, Nyamuwanga ꞉aaragire okuchiyaana ejo joone. Kurwa ejo, chiiyesye kwa okusigana na obhujabhi bhwone, bhwa echinyamubhiri na obhwa echinyamwoyo. Chibhe abheeru ku‑misango joone, ku‑njira ya okuramya Nyamuwanga.

Ebikorwa 26:20

꞉Naaraasisiisye okwamba abhaanu bha Damaasiko eyo na Yerusareemu na echaaro choone cha Yuudeya, ka wone ꞉naakingiiye abhaanu bhanu bhatari Bhayawudi. Naabhakomeeresyaga ati, bhate ebhibhiibhi bhyebhwe, bhayindukire Nyamuwanga. Ka wone okuta kwebhwe kweresibhwe na ebhikorwa bhyebhwe.

Baeburania 12:13

Muribhatega ku‑njira jinu jiimire, korereki echiinu chinu chifuuwe amaguru chaasiga okuwutaara, tari chiwosibhwe.

Matayo 21:32

Yowana ꞉eejire kw‑imwe korereki abheeresye injira ya rirenga, emwe ꞉mutaamwikirisiisye. Nawe abhatobhesya bha rigooti na abhagasi bhanu abheegusya okwibhonera ribhona, nibho ꞉bhaamwikirisiisye. Noorwo kutyo emwe omwanya gunu ꞉mwarorere joone ejo, ꞉mwaremere okuyindura obhwiganirisya bhwemwe na okumwikirisya.”

Baeburania 7:11

Abhayisirayeeri ꞉bhaayaaywe ebhiraagiro bhya Muusa bhinu bhyariga nibhiruubhana na obhugabhisi bhwa Abharaawi. Nawe obhukuumiiye bhutakutura okubhonekana ku‑njira ya obhugabhisi obhwo. Ku‑songa eyo, omugabhisi owundi ꞉eenderwe, unu aariga ari rwa Meerikijedeki, unu atakusooka mu‑ruganda rwa Abharaawi rwa Aruuni.

Baefeso 4:12

꞉Aabhateeye‑wo bhakore abheeru bha Nyamuwanga bhabhe bhatengeejere inguru ya emirimu ja obhukosi, korereki rikanisa rya Kirisito ryumbakwe, eryo nigwo omubhiri gwaye.

Yowana 12:44

Mbe, Yeesu ˆnaamura obhuraka ˆnaayika ati, “Omuunu unu kaanyikirisya, atakwikirisya anye era, tari keekirisya na unu antumire.

Yowana 5:24

“Ni chimari enibhabhwira ati, omuunu woonewoone unu kaategeresya emisango jaani na okwikirisya Nyamuwanga unu ꞉aantumire, oyo ari na obhuwanga bhwa akajaanende koone. Omuunu oyo atariramurwa, tari aambukire okusooka mu‑kufwa na okwingira mu‑bhuwanga bhwa kajaanende koone.

Matayo 3:2

“Mute ebhibhiibhi bhyemwe ku‑Nyamuwanga, kwa okubha obhukama bhwa mu‑rwire bhuri yeeyi!”

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.

2 Bakorinto 7:10

Obhusurumbaaye bhunu obhusookana na obhukarariiye bhwa Nyamuwanga, obhukora abhaanu bhate ebhibhiibhi bhyebhwe. Okuta okwo, kutari musango gwa okuruguusya, kwa okubha okureeta obhuchungusi. Nawe obhusurumbaaye bhunu obhusookana na emisango ja echaaro, obhureeta orufu.

2 Timoteo 2:19

Nawe abhaanu bhanu bheemereeguuyu bharumateene, bhari rwa orufuka runu ruteeywe‑wo na Nyamuwanga. Orufuka orwo rurumateene ndi. Inguru yaarwo ruri‑ko orunabho runu rukaamirwe ati, “Raatabhugenyi kaamenya abhaanu bhaaye,” ka wone, “Omuunu woonewoone unu kaayika ati, omwene ari rubhaara rwa Raatabhugenyi, asige ebhibhiibhi.”

Ebikorwa 20:21

Naabhwiraga Abhayawudi na bhanu bhatari Bhayawudi ati, bhayindukire Nyamuwanga, bhate ebhibhiibhi bhyebhwe na bheekirisye Raatabhugenyi weeswe Yeesu Kirisito.

Ebikorwa 11:18

Omwanya gunu Abhayawudi abho ꞉bhoonguuwe ejo, nibhasiga okubhambasyanya nage. Nibhakusya Nyamuwanga nibhaayika ati, “Mbe, Nyamuwanga aayaana abhaanu bhanu bhatari Bhayawudi wone obhuwanga bhwa akajaanende mu‑kuta ebhibhiibhi bhyebhwe!”

Ebikorwa 3:19

Kurwa ejo, mute chimwi ebhibhiibhi bhyemwe na muyindukire Nyamuwanga, korereki abhafwire echigongo. Nikwo kutyo Nyamuwanga aribhasimbiisya emwe, ku‑njira ya okubha ayeeyi na emwe,

Yowana 14:1

Yeesu ˆnaagenderera okwiyigisya ˆnaayika ati, “Musige okusurumbara mu‑myoyo jeemwe, mwikirisye Nyamuwanga, ka wone munyiikirisye na anye.

Mariko 6:12

Abheeyigisibhwa bharya nibheemuka, nibhaamba okuraasisya abhaanu ati bhate ebhibhiibhi bhyebhwe.

Mariko 1:1

Bhunu nibhwo obhwambiro bhwa Emisango ja Ekisi ja Yeesu Kirisito, Omwana wa Nyamuwanga.

Matayo 4:17

Ku‑mwanya ogwo, Yeesu ˆnaamba okuraasisya abhaanu ati, “Mute ebhibhiibhi bhyemwe ku‑Nyamuwanga, kwa okubha obhukama bhwa mu‑rwire bhuri yeeyi!”

1 Yoana 4:12

Atari‑wo omuunu woonewoone unu arabhuganyiisye ameeso na Nyamuwanga. Nawe araabha chikeendana, Nyamuwanga ari na obhumwi na eswe. Ka wone eryenda ryaye eryo, niryo erikuumira mu‑myoyo jeeswe.

1 Petero 1:21

Okutura ku‑Yeesu Kirisito, woori emwe omwikirisya Nyamuwanga, unu ꞉aamusuuruuye okusooka mu‑bhafuuwe na okumuyaana rikusyo. Ogwo nigwo ogukora eriikirisya na obhwiyikanyo bhwemwe bhubhe ku‑Nyamuwanga.

Yakobo 1:4

Omukenwa mugenderere okwigumiirisya okukingira ku‑bhuteero, korereki mubhe mukuumiiye chimwi, mutagerukiiywe wuri echiinu choonechoone.

Baeburania 11:6

Atari‑wo omuunu unu kaatura okukondisya Nyamuwanga araabha atakumwikirisya. Bhuri muunu unu keenda okufogera ku‑Nyamuwanga, eenderwe okwikirisya ati Nyamuwanga ari‑wo, ka wone niwe kaayaana echiyaanwa bhanu abheenda okumusombookerwa.

Bakolosai 4:12

Epaafura, omukosi wa Kirisito Yeesu, ka wone ni muunu wa ewaanyu eyo, kaabhakeesya. Bhuri mwanya keekomeesya okubhasabhirwa korereki murumatane echinyamwoyo mu‑riikirisya ryemwe na okubha na echimari inguru ya okwenda kwone kwa Nyamuwanga.

Bakolosai 1:28

Kirisito niwe echiraasya omwanya gunu echikengya na okwiyigisya abhaanu bhoone mu‑bhwengeeso bhwone. Echimuraasya, korereki chireete abhaanu bhoone imbere ya Nyamuwanga bharumateene echinyamwoyo okuruubhana na okubha na obhumwi na Kirisito.

Baefeso 2:5

꞉aachiyaaye obhuwanga aamwi na Kirisito. ꞉Aakorere kutyo, noorwo kutyo chaariga chifuuwe echinyamwoyo inguru ya ebhibhiibhi bhyeswe. Nikwo kutyo chichunguuywe kwa obhwitiriranya bhwaye.

1 Petero 5:10

Nyamuwanga wa obhwitiriranya bhwone, ꞉aabhabhirikiiye korereki musangire aamwi nage mw‑ikusyo ryaye rya akajaanende koone, aamwi na Kirisito. Omunyaaka kwa omwanya mutooto era, nawe Nyamuwanga omwene aribhakomeesya, aribhayaana amanaga na okubhakuumisya.

Baefeso 2:1

Emwe mwariga mufuuwe echinyamwoyo, inguru ya bhunyatagayuka bhwemwe na ebhibhiibhi bhyemwe.

1 Bakorinto 13:10

Nawe omwanya gunu obhukuumiiye bhuriija, jinu jichaari okukuumira jiritemekera.

Ebikorwa 17:30

Kara awo, abhaanu bhaariga nibhakora ejo mu‑bhumuumu, Nyamuwanga aariga atakuringira obhumuumu obhwo. Nawe woori, kaabhwira abhaanu bhoone bha bhuri rubhaara ati bhasige ebhibhiibhi bhyebhwe.

Ebikorwa 2:38

Peetero ˆnaabhabhwira ati, “Bhuri umwi weemwe ate ebhibhiibhi bhyaye, na abhatiijibhwe kw‑isiina rya Yeesu Kirisito, korereki afwirwe echigongo ebhibhiibhi bhyaye, emwe omuja okuyaanwa echiyaanwa cha Mwoyo Mweru.

Matayo 7:25

Rusuku rumwi, ingʼubha inyafu ꞉yaaguuye, emisima nijiijura, amanji nigawurura bhuyagayaga, omuyaga omururu niguyemba na okukuura inju yaaye, nawe inju eyo, ꞉itaasingaarikire, kwa okubha orufuka rwayo, rwariga ruumbakirwe ku‑rutare.

Matayo 5:48

Mbe, mukuumirega rwa Esomwana unu ari mu‑rwire kutyo akuumiiye.

1 Timoteo 6:19

Ku‑njira eyo, bhariibhiikira abheene ebhiinu okubha rwa orufuka rwa ekisi ku‑siku jinu ejiija. Omwanya ogwo niwo bhariramira obhuwanga bhwa echimari.

Ruuka 6:48

Kaasusana na omuumbaki wa inju, unu ꞉aasimbire orufuka, ˆnaakinga emwaro ku‑rutare, ˆnoombaka orufuka inguru ya orutare orwo. Mbe, induruma yejire yaaja, omusima nigwijura amanji, nigawurura nigabhuma inju eyo. Noorwo kutyo, ꞉gataayisingaarisiisye, kwa okubha yaariga yumbakirwe kisi.

Matayo 21:29

Omwana waaye oyo, ˆnaamusubhya ati, ‘Nitakugenda eyo!’ Nawe neeya, ˆnaayindura obhwiganirisya bhwaye, ˆnaagenda, ˆnaakora.

1 Bakorinto 2:6

Woori eswe, echaayika emisango ja obhwengeeso ku‑bhaanu bhanu bharumateene mu‑riikirisya, nawe obhwengeeso obhwo bhutari bhwa echaaro chinu, ka wone bhutari bhwa abhatungi bha echaaro chinu bhanu bhariyitingʼana.

Bakolosai 3:14

Okukira ejo joone mwendane, kwa okubha eryenda niryo eribhagwatanya emwe bhoone mu‑bhumwi bhunu bhukuumiiye.