Baeburania 5:8 - Indagano Inyaaya mu-Chijita

⁸ Noorwo kutyo Yeesu aariga ari Mwana wa Nyamuwanga, ꞉eeyigiiye okugayuka Nyamuwanga ku‑njira ya okwigumiirisya ebhinyaasyo bhinu bhyamubhonaga.

INDAGANO INYA:YA

⁸ Nakabee ariga:ri Mwana, nawe engiye okworoba mu binu anya:sibwe.

Baeburania 5:8 Referans Kwoze

Bafilipi 2:8

꞉Aabhonekeene ari na orususo rwa omuunu, ˆneekeeya, ˆnaagayuka Nyamuwanga, ˆneekirisya okufwa, noorwo okufwa ku‑musarabha!

Yowana 4:34

Yeesu ˆnaabhasubhya ati, “Ebhiryo bhyani ni kukora okwenda kwa Raata Nyamuwanga unu ꞉aantumire, na okukuumisya emirimu jaaye.

Yowana 15:10

Araabha mukagwata ebhiraagiro bhyani, omuja okugenderera okurama mu‑ryenda ryani, rwa kutyo anye enigayuka ebhiraagiro bhya Raata waani na okurama mu‑ryenda ryaye.

Yowana 6:38

Anye ꞉niteejire okusooka mu‑rwire korereki nibhe ninkora jinu eneenda anye, tari korereki nibhe ninkora jinu keenda Raata unu ꞉aantumire.

Baeburania 3:6

Nawe Kirisito ni mwiyikanyibhwa rwa Omwana unu keemereegururu abhaanu bha mu‑nju ya Nyamuwanga. Abhaanu abho niiswe araabha chikagenderera okukingira ku‑bhuteero chiri na ribhaasi na okwikuuyisya jinu echiiyikanya.

Baeburania 1:8

Nawe inguru ya Omwana waaye ꞉aayikire ati, “Awe Nyamuwanga uritunga akajaanende na akajaanende, na obhutungi bhwawo bhuribha bhwa obhurengeresi.

Baeburania 1:5

Okubha atari‑wo maraayika unu Nyamuwanga ꞉aabhwiriiye emisango rwa jinu ꞉aabhwiriiye Yeesu ati, “Awe naawe Omwana waani, reero eniraasya ati anye niri Somwana.” Ka wone Nyamuwanga ꞉ataayikire inguru ya maraayika woonewoone ati, “Anye niribha Esemwene, na omwene aribha Omwana waani.”

Matayo 3:15

Yeesu ˆnaamusubhya ati, “Awe ikirisya era umbatiije woori, kwa okubha echikenwa okukuumisya obhurengeresi bhwone.” Mbe, Yowana ˆneekirisya, ˆnaamubhatiija.

Baeburania 1:2

Nawe mu‑siku jinu ja obhuteero, Nyamuwanga aayika na eswe okutura ku‑Mwana waaye. Nyamuwanga ꞉aamuteeye‑wo abhe omwanjusi wa ebhiinu bhyone, ka wone okutura ku‑mwene oyo, Nyamuwanga ꞉aabhumbire echaaro choone.

Yowana 10:18

Atari‑wo omuunu unu kaatura okunsoosisya‑wo obhuwanga bhwani. Anye omwene naanye enibhusoosya‑wo. Niri na obhuturo bhwa okubhusoosya‑wo, ka wone niri na obhuturo bhwa okubhuramira rindi. Nikwo kutyo Raata waani ꞉aandagiriiye okukora.”