Baeburania 5:14 - Indagano Inyaaya mu-Chijita

¹⁴ Nawe abhaanu abhakuru, abho abharya ebhiryo bhikomeeye. Abhaanu abho bheeyigiiye okusoosya obhutaasyanya bhwa emisango ja ekisi na emibhiibhi.

INDAGANO INYA:YA

¹⁴ Nawe ebiryo ebikome:e nibya bakuru, banu bari no bwenge bunu babunasisye nibunara okwaura eje kisi ne mibi:bi.

Baeburania 5:14 Referans Kwoze

1 Batesalonika 5:21

tari, muregeeje emisango joone ja obhuragi, nawe mugwate‑mo ja ekisi

Baefeso 1:18

Enimusabhwa wone, eegure ameeso ga emitima jeemwe, korereki mumenye obhwiyikanyo bhwa obhubhirikisi bhwaye kw‑imwe kutyo bhuri. Nyabhuriko mumenye rikusyo ryafu rya omwandu gwaye ku‑bheeru kutyo riri.

1 Bakorinto 2:6

Woori eswe, echaayika emisango ja obhwengeeso ku‑bhaanu bhanu bharumateene mu‑riikirisya, nawe obhwengeeso obhwo bhutari bhwa echaaro chinu, ka wone bhutari bhwa abhatungi bha echaaro chinu bhanu bhariyitingʼana.

Baefeso 4:13

Obhukosi obhwo, bhurigenderera okukingira eswe bhoone, chigwatanyibhwe mu‑riikirisya ryeswe na okusombookerwa kisi Omwana wa Nyamuwanga. Niwo chirirumatana na chirikuumira na okubha rwa kutyo Kirisito ari.

Bafilipi 3:15

Kurwa ejo, eswe bhoone bhanu chirumateene mu‑riikirisya, echikenwa okwikirisyanya ku‑misango ejo. Araabha muri na obhwiganirisya bhunu bhutaasyanyiisye na emisango ejo, Nyamuwanga niwe aribhaswerurira kutyo jiri.

Barumi 14:1

Mukume omwikirisya oweejaanyu unu achaari kurumatana mu‑riikirisya ryaye. Mwasiga okubhambasyanya nage inguru ya obhwiganirisya bhwaye bhukataasyanya na obhwemwe.

Matayo 5:48

Mbe, mukuumirega rwa Esomwana unu ari mu‑rwire kutyo akuumiiye.

Yakobo 3:2

Ni chimari abhaanu bhoone echiyabhaga mu‑misango myafumyafu. Araabha omuunu woonewoone atakuyabha mu‑kwayika kwaye, omwene oyo ni omuunu unu akuumiiye, ka wone kaatura okuyingirira omubhiri gwaye gwone.

1 Timoteo 4:7

Awe usige chimwi jingani ja abhaanu bha kara jinu jitari na obhugajuro bhwonebhwone, nawe wiikomeesye siku joone okwikara rwa kutyo Nyamuwanga keenda.

Baeburania 6:1

Ku‑songa eyo, chisige okubheera era ku‑meeyigisyo ganu ꞉cheeyigisiibhwe ku‑bhwambiro inguru ya Kirisito, tari chigenderere okwiyigira okukingira chirumatane mu‑riikirisya. Chisige okuumbaka rindi orufuka rwa ameeyigisyo ga okuta inguru ya ebhikorwa ebhijabhi bhinu ebhireeta orufu, na ameeyigisyo inguru ya okwikirisya Nyamuwanga.