Baeburania 5:12 - Indagano Inyaaya mu-Chijita

¹² Ku‑mwanya gunu emwe mwari mwenderwe okubha abheeyigisya ku‑bheejaanyu, nawe mucheenda omuunu wa okubheeyigisya ameeyigisyo ga ku‑bhwambiro ga omusango gwa Nyamuwanga! Mbe, muri rwa abhaana abharera bhanu abhanywa amata era, nawe bhatakutura okurya ebhiryo bhikomeeye.

INDAGANO INYA:YA

¹² Okuba nakabee kube:ire emwe mube be:igisya okuba omwanya gwaturire mure:ra, nawe mukenere omu:nu asube okube:igisya obwambiro bwo kwiigisya kwe misango ja Nyamuanga. Mwabee banu mukenere amata, aamwi bitari biryo bikome:e.

Baeburania 5:12 Referans Kwoze

Baeburania 6:1

Ku‑songa eyo, chisige okubheera era ku‑meeyigisyo ganu ꞉cheeyigisiibhwe ku‑bhwambiro inguru ya Kirisito, tari chigenderere okwiyigira okukingira chirumatane mu‑riikirisya. Chisige okuumbaka rindi orufuka rwa ameeyigisyo ga okuta inguru ya ebhikorwa ebhijabhi bhinu ebhireeta orufu, na ameeyigisyo inguru ya okwikirisya Nyamuwanga.

1 Petero 2:2

Woori mwamarire okurabha na okumenya ati Raatabhugenyi Yeesu ni wa ekisi. Mbe mubhe rwa abhaana abharera kutyo abhakena amata, emwe wone mubhe na obhwiro bhwa amata ga ekisi ga echinyamwoyo, korereki ku‑managa gaago murumatane mu‑bhuchungusi bhwemwe.

Baeburania 5:13

Omuunu unu kaanywa amata era achaari mwana omurera, atakumenya okusoosya obhutaasyanya bhwa emisango ja ekisi na emibhiibhi.

Bakolosai 3:16

Omusango gwa Kirisito gwikare kwa obhwafu mu‑myoyo jeemwe, keenu nimwiyigisyanya na okukengyanya mu‑bhwengeeso bhwone. Mwimbire Nyamuwanga kwa emyoyo jeemwe na okumusiima, okutura mu‑jabhuri, mu‑nyimbo na jinyimbo ja echinyamwoyo.

Matayo 17:17

Yeesu ˆnaayika ati, “Emwe muri bhaanu bha riyimbo rinu ritari na eriikirisya na rinu rinyamukire! Niribha na emwe okukingira rusuku ri? Niribheegumiirisya okukingira omwanya ki? Mureete omwana oyo anu!”

1 Petero 4:11

Omuunu woonewoone unu kaaraasya, araasye rwa omuunu unu kaaraasya emisango ja Nyamuwanga chimari. Unu kaasakira abhaanu abhandi, abhasakire ku‑bhuturo bhunu Nyamuwanga amuyaaye, korereki Nyamuwanga akusibhwe ku‑misango joone, okutura ku‑Yeesu Kirisito. Omwene oyo, ayaanwe rikusyo na obhuturo akajaanende koone. Jibhe kutyo.

1 Bakorinto 14:19

nawe mw‑ikanisa eneenda muno okwayika mu‑bhwengeeso emisango etaanu jinu ejimenyekana korereki niiyigisye abhandi. Ogwo nigwo gwa ekisi muno okukira okwayika emisango ebhiwumbi ekumi mu‑nyaayika ingenyi.

Barumi 3:2

Ni chimari ati, okubha Omuyawudi kuri‑mo omuriiro mwafu. Omusango gwa okwamba ni ati, Nyamuwanga ꞉aayaaye Abhayawudi emisango jaaye.

Ebikorwa 7:38

Niwe unu aariga ari aamwi na Abhayisirayeeri ibhara. Niwe unu ꞉aaromere na maraayika wa Nyamuwanga mu‑chiima cha Sinaayi, ˆnaaramira okusooka ku‑mwene emisango ja obhuwanga, korereki achibhwire.

Mariko 9:19

Yeesu ˆnaayika ati, “Emwe muri rwibhuro runu rutari na eriikirisya, niribha na emwe okukingira rusuku ri? Niribheegumiirisya okukingira rusuku ri? Mureete omwana oyo anu.”

Bafilipi 3:1

Mbe woori emwe abhayiri bhaani, mukonderwe muno mu‑kubha na obhumwi na Raatabhugenyi Yeesu! Emisango jinu ꞉naabhakaamiiye, nitakuyigwa okusubhira okubhakaamira rindi, kwa okubha ejibhareetera obhuriisi.

1 Bakorinto 14:20

Abhayiri bhaani mu‑riikirisya, mwasiga okwiganirisya rwa abhaana abharera, tari mwiganirisyega rwa abhaanu abhakuru. Nawe inguru ya obhubhiibhi, mubhe rwa abhaana abharera.

Bagalatia 4:3

Nyabhuriko eswe wone, ni kutyokutyo, omwanya gunu Kirisito aariga achaari okuuja, chaariga chiri rwa abhaana abharera, chaariga chiri bhagaya bha obhutinge bhwa akatungiiywe bhwa echaaro chinu.

Baeburania 5:11

Chiri na emisango myafu ja okubhabhwira inguru ya Yeesu okubha Omugabhisi Omukuru, nawe ni bhikomeeye okubhabhwira kwa okubha mutari bhaangu bha okujisombookerwa.

Baeburania 10:32

Nawe mwichuke jisiku jinu ꞉mwaambire okwikirisya Kirisito. Noorwo kutyo ꞉mwabhwene ebhinyaasyo bhyafu, nawe mwariga nimwigumiirisya ebhinyaasyo ebhyo.