Baeburania 5:1 - Indagano Inyaaya mu-Chijita

¹ Bhuri mugabhisi omukuru kaasorwa okusooka mu‑bhaanu abheejaabho, korereki eemereegururu emisango ja Nyamuwanga inguru ya abhaanu. Ka wone omwene kaasoosisya Nyamuwanga echiyaanwa na echoogo inguru ya ebhibhiibhi bhya abhaanu.

INDAGANO INYA:YA

¹ Okuba omugabisi Omukuru wo:ne unu ke:torwa mu ba:nu, katu:rwao kurwa ba:nu mu misango ja Nyamuanga, korereki aso:sye ebiyanwa ne byogo kurwe bibi:bi.

Baeburania 5:1 Referans Kwoze

Baeburania 8:3

Bhuri mugabhisi omukuru kaakorwa okubha omugabhisi korereki asoosisye Nyamuwanga echiyaanwa na echoogo. Nyabhuriko Omugabhisi Omukuru weeswe oyo, eenderwe wone abhe na echiinu cha okusoosisya Nyamuwanga.

Baeburania 10:11

Okuruubhana na indagano ya kara, bhuri rusuku abhagabhisi abhakorera emirimu Nyamuwanga na okusoosya kwiya kaafu ebhyogo bhiryabhirya, bhinu bhitakutura wuri noorwo na akatyari okusoosya‑wo ebhibhiibhi.

Baeburania 11:4

Eriikirisya niryo ꞉ryakorere Abheeri ˆnaasoosisya Nyamuwanga echoogo cha ekisi okukira chinu Kayini ꞉aasoosiisye. Ku‑riikirisya eryo Nyamuwanga ꞉aabharire Abheeri okubha omuunu omurengeresi, na ˆnaaramira echoogo chaaye. Noorwo kutyo Abheeri ꞉aafuuwe, nawe eriikirisya ryaye erigenderera okubha echijekekanyo cha ekisi kw‑iswe noorwo reero inu.

Baeburania 9:9

Emisango joone jinu jaariga nijikorekana mw‑iyeema rirya ni chijekekanyo ku‑mwanya gunu gwa woori. Echijekekanyo echo echeeresya ati, echiyaanwa na echoogo bhinu ebhisoosibhwa ku‑Nyamuwanga, bhitakutura okwesya emitima ja abhaanu bhanu abharamya Nyamuwanga.

Baeburania 7:27

Abhagabhisi abhakuru bhaariga nibheendwa okusoosya echoogo bhuri rusuku. Okwamba bhaasoosyaga inguru ya ebhibhiibhi bhyebhwe abheene, bhaakamara niwo nibhasoosya inguru ya ebhibhiibhi bhya abhaanu abhandi. Nawe Yeesu ꞉ataakorere rwa abhagabhisi abhakuru abho. Omwene ꞉eesoosiisye okubha echoogo rumwi era inguru ya ebhibhiibhi bhya abhaanu bhoone.

Baeburania 2:17

Ku‑songa eyo, ꞉aakenerwe aaje ari rwa kutyo abhayiri bhaaye bhari mu‑joone, korereki abhe Omugabhisi Omukuru unu ari owa echigongo na omwiyikanyibhwa ku‑mirimu jaaye imbere ya Nyamuwanga. Omugabhisi oyo niwe ꞉aakorere echoogo korereki Nyamuwanga afwire echigongo abhaanu ebhibhiibhi bhyebhwe.

Barumi 15:17

Woori, omwanya gunu enikorera emirimu Nyamuwanga kutyo ku‑managa ga Kirisito Yeesu, enikuuyisya obhukosi obhwo.

1 Bakorinto 15:3

Ameeyigisyo ga bhusibhusi ganu anye ꞉naaramiiye, nigo ꞉naabheeyigisiisye ati, Kirisito ꞉aafuuwe inguru ya ebhibhiibhi bhyeswe, rwa kutyo jikaamirwe mu‑Bhikaame Ebhyeru.

Baeburania 8:4

Araabha Yeesu akagendereeye okurama ku‑chaaro kunu, ꞉ataakabheeye omugabhisi wuri, kwa okubha ku‑chaaro kunu bhaamarire okubha‑ko abhagabhisi bhanu abhasoosya ebhiyaanwa okuruubhana na ebhiraagiro bhya Muusa.

Baeburania 10:12

Nawe Kirisito ꞉eesoosiisye rumwi okubha echoogo, korereki achisoosye‑ko ebhibhiibhi bhyeswe. Omwene niwe echoogo chinu chiiyire kajaanende koone. Niwo ˆneenyanja orubhaara rwa ebhuryo rwa Nyamuwanga.