Baeburania 4:3 - Indagano Inyaaya mu-Chijita

³ Ku‑songa eyo, Nyamuwanga ꞉aayikire ati, “꞉Naabhiyiiywe na okurayira, ninaayikaga ati, ‘Nitaribheekirisisya wuri noorwo na akatyari abhaanu abho okwingira orubhaara rwa okwisya omwoyo, orubhaara runu nibheeraabhiiye.’” Nawe eswe bhanu echiikirisya Nyamuwanga, chiriingira orubhaara orwo rwa okwisya omwoyo. Nyamuwanga ꞉aayikire ati abhandi bharya bhatariingira, noorwo kutyo aariga aamarire okwiraabha orubhaara orwo rwa okwisya omwoyo okusookerera okubhumbwa kwa echaaro choone.

INDAGANO INYA:YA

³ Okuba eswe banu ce:kirisisye ecingira mu kufukama okwo, rwa kutyo a:ikire ati, Rwa kutyo naraiye mwisungu ryani, Bataringira mu kufuŋama kwani, nakabee aramarire emirimu jae kuso:kerera anu i:si yamogerwe.

Baeburania 4:3 Referans Kwoze

1 Petero 1:20

Echaaro noorwo chichaari okubhumbwa, Nyamuwanga omwene aariga aamarire okumwawura ku‑bhukarariiye obhwo. Nawe ˆnaarindirira okukingira jisiku ja obhuteero jinu, ˆnaamubhuurisya abhwerubhweru ku‑bhaanu bhoone. Ejo joone, ꞉jaakorekeene ku‑songa yeemwe.

Baeburania 9:26

Araabha jikabheeye jitari kutyo, mbe, akeenderwe okunyaaka kwiya kaafu okusookerera okubhumbwa kwa echaaro. Nawe woori mu‑siku ja obhuteero jinu, eejire na okwisoosya okubha echoogo rumwi era, korereki achisoosye‑ko ebhibhiibhi bhyeswe.

Baefeso 1:4

Okubha, Nyamuwanga ꞉aachisorere chibhe na obhumwi na Kirisito, noorwo achaari okubhumba echaaro, korereki mu‑ryenda ryaye chibhe abheeru bhanyamburwa esoro mu‑meeso gaaye.

Baeburania 3:11

Kurwa ejo ꞉naabhiyiiywe na okurayira, ninaayikaga ati, ‘Nitaribheekirisisya wuri noorwo na akatyari abhaanu abho okwingira orubhaara rwa okwisya omwoyo, orubhaara runu nibheeraabhiiye.’”

Matayo 13:35

Ejo ꞉jaakorekeene kutyo, korereki gukuumire omusango gunu Nyamuwanga ꞉aayikire ku‑njira ya omuragi waaye ati, “Niryayika na abhaanu ku‑bhijekekanyo. Niribhabhwira emisango jinu jiri ja imbisike okwambira okubhumbwa kwa echaaro.”

Baeburania 3:14

Okubha chiri na obhumwi na Kirisito araabha chikagenderera okwiyikanya Nyamuwanga okukingira ku‑bhuteero, rwa kutyo chamwiyikanyaga ku‑bhwambiro.

Matayo 25:34

“Niwo anye Omukama, niribhwira abhaanu bhanu bhari orubhaara rwani rwa ebhuryo ati, ‘Muuje, emwe bhanu Raata waani ayaaye amabhando. Mwingire mu‑bhukama bhunu Nyamuwanga abheeraabhiiye okusookerera bhunu ꞉aabhumbire echaaro.