Baeburania 4:15 - Indagano Inyaaya mu-Chijita

¹⁵ Omugabhisi Omukuru oyo niwe kaamenya obhujorobhoke bhweswe, kwa okubha ꞉aaregeejerwe na Syetaani ku‑misango joone rwa eswe, nawe omwene ꞉ataakorere ebhibhiibhi.

INDAGANO INYA:YA

¹⁵ Okuba Omugabisi weswe atari unu atakutura kucirumwa mu burenga bweswe, nawe asakwaga rweswe mu byone, nawe atakorere bibi:bi.

Baeburania 4:15 Referans Kwoze

2 Bakorinto 5:21

Kirisito aariga atari na echibhiibhi choonechoone, nawe Nyamuwanga ꞉aamubharire rwa owa ebhibhiibhi inguru yeeswe, korereki eswe chibharwe okubha abharengeresi imbere ya Nyamuwanga okutura ku‑Kirisito.

1 Yoana 3:5

Emwe mumenyere kisikisi ati isonga ya Kirisito okuuja ku‑chaaro kunu ni kugega ebhibhiibhi bhyeswe. Ka wone, mumenyere ati omwene atari na echibhiibhi choonechoone.

1 Petero 2:22

Omwene ꞉ataakorere echibhiibhi choonechoone, noorwo ꞉ataayikire orubheeyi rwonerwone.

Baeburania 7:26

Omugabhisi Omukuru wa imbaga eyo keendwa muno kw‑iswe, kwa okubha omwene ni Mweru, atari na esoro, noorwo ꞉ataakorere echibhiibhi choonechoone. Nyamuwanga ꞉aamukindikire okusooka ku‑bhakosi bha ebhibhiibhi, ˆnaamwinamusya okuja mu‑rwire.

Baeburania 4:14

Mbe, chiri na Omugabhisi Omukuru unu ꞉aagendere na okwingira mu‑rwire, niwe Yeesu Omwana wa Nyamuwanga. Ku‑songa eyo, chigwatirire jinu echiikirisya.

Baeburania 5:2

Omugabhisi omukuru kaatura okufwira echigongo ebhibhiibhi bhya abhaanu abhandi bhinu bhaariga nibhakora okumenya wuri, kwa okubha omwene wone ni mukosi wa ebhibhiibhi.

Yowana 8:46

Niga mw‑imwe unu kaatura okusoosya obhubhambaasi ati anye niri mukosi wa ebhibhiibhi? Araabha enibhabhwira echimari, kurwa ki mutakunyikirisya?

Ruuka 22:28

“Emwe neemwe ꞉mwagendereeye okubha aamwi na anye mu‑nyaako yaani.

Ruuka 4:2

Niwo ˆnaaregeejwa na Syetaani. Ku‑mwanya ogwo gwone, ataaryaga echiinu choonechoone. Omwanya ogwo gwejire gwawa ˆnoongwa omweko muno.

Matayo 12:20

Atarifuna woonewoone unu ataamiibhwe rwa orufunjo runu rwikotere, noorwo atarisingaarisya woonewoone unu ari yeeyi okufwa rwa orutambi runu orwituuta ingesi, okukingira omwanya gunu arireeta obhuchungusi, okuyiga ebhibhiibhi bhyone.

Matayo 4:1

Neeya Yeesu ˆnaatangasibhwa na Mwoyo Mweru okuja mw‑ibhara, korereki aregeejibhwe na Syetaani.

Barumi 8:3

Ebhiraagiro bhya Muusa bhyariga bhitari na amanaga ga okuchiyaana obhwitaage, ku‑songa ya obhusimukwa bhweswe bhwa echibhiibhi. Nawe chinu ebhiraagiro ebhyo ꞉bhyataamiibhwe okukora, Nyamuwanga ꞉aachikorere. ꞉Aatumire Omwana waaye omwene, aaje kw‑iswe ku‑chaaro anu ari na omubhiri rwa eswe abha ebhibhiibhi, korereki eesoosye rwa echoogo inguru ya ebhibhiibhi bhyeswe. Kwa okukora kutyo, Nyamuwanga ꞉aayaaye Yeesu ebhitiibha inguru ya ebhibhiibhi bhya abhaanu,

Baeburania 9:28

Nyabhuriko Kirisito ꞉aasoosiibhwe okubha echoogo rumwi era, korereki asoosye‑wo ebhibhiibhi bhya abhaanu bhaafu. Kirisito ariija rwa kabhiri, nawe omwanya ogwo atariija okusoosya‑wo ebhibhiibhi. Tari ariija okuchungura abhaanu bhanu abhamurindirira mu‑bhwikomeesya.