Baeburania 4:12 - Indagano Inyaaya mu-Chijita

¹² Omusango gwa Nyamuwanga ni muwanga ka wone guri na amanaga okukira imbanda yooneyoone eya amoogi gabhiri. Rwa kutyo imbanda eyitura okusoma omuunu nikinga ku‑mawa gaaye, nikwo kutyo wone omusango gwa Nyamuwanga ogutura okusoma omuunu, nigwingira muno mu‑mwoyo gwaye, niguswerura jinu keeganirisya na jinu keenda.

INDAGANO INYA:YA

¹² Okuba omusango gwa Nyamuanga ni muanga, na ka guri na managa, guri no bu:gi kukira ecimari ca mo:gi agabiri, ogusoma ndijei nigwaura obuanga no mwoyo, ne byungo no musono:koro, ka ni mwangu okusombo:kerwa obwiganirisya no bukarae bwo mutima.

Baeburania 4:12 Referans Kwoze

Baefeso 6:17

Mufware obhuchungusi rwa ingofiira ku‑mitwe, ka wone, muramire omusango gwa Nyamuwanga gunu guribha rwa imbanda ya Mwoyo waaye.

1 Petero 1:23

kwa okubha mwibhuuywe rwa kabhiri. Okwibhurwa okwo, kutakusooka ku‑bheesomwana, abheene abhafwa, tari mwibhuuywe kwa omusango omuwanga gwa Nyamuwanga, ogwene ogugenderere okubha gwa echimari akajaanende koone.

Obhusweruro 1:16

Mu‑kubhoko kwaye kwa ebhuryo aariga ari na jinjota etaanu na ebhiri. Imbanda ya amoogi gabhiri yaariga nisooka mu‑kanwa kaaye. Obhusu bhwaye bhwariga nibhungʼarabhya rwa risuubha kutyo eriseekaana.

1 Batesalonika 2:13

Kurwa ejo, eswe chitakuyigwa okusiima Nyamuwanga, kwa okubha mwejire mwoongwa emisango jaaye okusooka kw‑iswe, ꞉mutaajiikirisiisye wuti ni misango ja abhaanu. Nawe, ꞉mwajiikirisiisye mumenyere ati ejisooka ku‑Nyamuwanga. Chimari, nikwo kutyo jiri. Emisango ejo, nijo ejikora emirimu mu‑myoyo jeemwe, emwe abheekirisya.

Barumi 1:16

Anye nitakwiswara okuraasya Emisango ja Ekisi ejo, kwa okubha nijo obhuturo bhwa Nyamuwanga bhwa okuchungura abhaanu bhoone bhanu abheekirisya Yeesu, okwambira Abhayawudi okukingira abhaanu bhanu bhatari Bhayawudi.

Obhusweruro 19:15

Imbanda ya obhuugi eyisooka mu‑kanwa kaaye, korereki ku‑mbanda eyo ayige amaanga. Arigatunga kwa amanaga maafu. Aritajirira riswejisyo rya jijabhiibhu rinu eryeresya risungu rya Nyamuwanga owa obhuturo bhwone.

Baefeso 5:13

Nawe ebhiinu bhyone bhikatuurwa mu‑bhweru ebhiswerurirwa, bhikaswerurirwa, ebhyene wone ebhibha bhweru.

Ruuka 8:11

“Mbe, obhugajuro bhwa echijekekanyo echo nibhwo bhunu. Imbibho ni musango gwa Nyamuwanga.

Yowana 6:51

Anye naanye ebhiryo bhinu bhiikire okusooka mu‑rwire, bhinu ebhiyaana abhaanu obhuwanga bhwa akajaanende koone. Omuunu woonewoone unu kaarya ebhiryo ebhyo, kaabha na obhuwanga bhwa akajaanende koone. Ebhiryo ebhyo ni mubhiri gwani gunu nirisoosya inguru ya abhaanu bhoone bha ku‑chaaro kunu, korereki bhabhe na obhuwanga bhwa akajaanende koone.”

Obhusweruro 19:21

Omuunu unu aariga ariinyire ku‑fwaraasi iinyeru, ꞉eetire abhaanu bhanu bhaariga bhasigaaye. ꞉Aabheetire ku‑mbanda yaaye inu yaariga nisooka mu‑kanwa kaaye. Jinyonyi ejo joone, nijirya jinyama ja abhaanu abho nijiiguta.

Obhusweruro 2:16

Mbe mute ebhibhiibhi bhyemwe! Mukarema okuta, niribhaaja‑ko bhwangu korereki nirwane na abhaanu abho ku‑mbanda inu eyisooka mu‑kanwa kaani.

Baeburania 13:7

Mwichuke abhatangasya bheemwe bhanu bhaariga nibhabheeyigisya omusango gwa Nyamuwanga. Mwiganirisye inguru ya jitungwa jeebhwe kutyo bhaariga bheekaaye, murorerega eriikirisya ryebhwe.

Ebikorwa 4:31

Bhejire bhaamara okusabhwa Nyamuwanga, inju inu bhaariga bheekofyanyiisye‑mo niitikima. Abho bhoone nibheejusibhwa na Mwoyo Mweru, nibhaamba okwiyigisya abhaanu omusango gwa Nyamuwanga kwa ribhaasi.

Ebikorwa 2:37

Abhaanu abho bhejire bhoongwa emisango ejo, nibharumwa muno mu‑myoyo jeebhwe. Nibhabhuusya Peetero na jitumwa jeejaabho ati, “Abhayiri bhaasu, woori chikore kutiki?”

Obhusweruro 2:23

Ka wone, chimari niriita chimwi abharuubhirisya bhaaye. Niwo abhaanu bha amakanisa goone bharimenya ati, anye enitatirisya kisi omutima na obhwiganirisya bhwa bhuri muunu. Ka wone, niririya bhuri owumwi weemwe okuruubhana na ebhikorwa bhyaye.

Obhusweruro 20:4

Nejire neeya, nindora ebhitebhe bhya obhutungi bhinyanjirwe‑ko bhanu bhaariga bhayaaywe obhuturo bhwa okusoosya indamu. Abho, jaariga jiri emitima ja abhaanu bhanu ꞉bheetirwe isonga iri ati, ꞉bhaasoosiisye obhubhambaasi inguru ya Yeesu na okuraasya emisango ja Nyamuwanga. ꞉Bhataaramiisye rityanyi rirya noorwo risusano ryaryo. ꞉Bhateekirisiisye okutuurwa‑ko orunabho rwa rityanyi eryo ku‑bhisuusu bhyebhwe noorwo ku‑mabhoko geebhwe. Mbe abhaanu abho nibhasuuruka, nibhatunga aamwi na Kirisito emiguuga chiwumbi chimwi.

1 Batesalonika 5:23

Nyamuwanga omwene, niwe kaachiyaana omurembe. Woori, abheesye ebhibhiibhi bhyemwe bhyone, ka wone aangarire emitima jeemwe, emyoyo jeemwe na emibhiri jeemwe, korereki omwanya gunu Raatabhugenyi weeswe Yeesu Kirisito arisubha rindi, mubhe mutari na esoro.

2 Bakorinto 4:2

Chiremere kata okukora emisango ja imbisike na eja jiswaro. Chitakujiga abhaanu, noorwo chitakusaasya omusango gwa Nyamuwanga na orubheeyi. Tari, echiimenyegesya mu‑kwayika echimari abhwerubhweru, korereki abhaanu bhoone bhamenye mu‑mitima jeebhwe ati, eswe chiri bhaanu bha echimari imbere ya Nyamuwanga.

Yakobo 1:18

Rwa kutyo omwene ꞉eendere, ꞉aachikorere chibhe abhaana bhaaye, ku‑njira ya omusango gwaye gwa echimari. ꞉Aakorere kutyo, korereki chibhe rwa abhaana bha obhubhere ku‑bhiinu bhyone bhinu ꞉aabhumbire.

2 Bakorinto 2:17

Eswe chitari rwa abhaanu abhandi abhaafu, bhanu abharaasya omusango gwa Nyamuwanga kwa okugusuruja, korereki bheebhonere‑mo omuriiro. Tari eswe, ku‑managa ga Kirisito, echiraasya omusango gwa Nyamuwanga kwa obhwiyikanyibhwa bhwone imbere ya Nyamuwanga, kwa okubha omwene niwe ꞉aachitumire.

1 Bakorinto 1:24

Nawe ku‑bhaanu bhanu Nyamuwanga ꞉aabhirikiiye okubha abhaanu bhaaye, bhabhe Abhayawudi amwi bhabhe Abhayunaani, Kirisito niwe amanaga ga Nyamuwanga na obhwengeeso bhwa Nyamuwanga.

Ebikorwa 5:33

Abhakuru abho bhejire bhoongwa ejo, ꞉bhaabhiyiiywe muno, bhaariga nibheenda okwita jitumwa ejo.

Yowana 12:48

Omuunu woonewoone unu kaandema anye aamwi na emisango jaani, ari‑wo unu arimuramura. Emisango jinu enaayika nijo jirimuramura ku‑rusuku rwa obhuteero.

Ebikorwa 7:38

Niwe unu aariga ari aamwi na Abhayisirayeeri ibhara. Niwe unu ꞉aaromere na maraayika wa Nyamuwanga mu‑chiima cha Sinaayi, ˆnaaramira okusooka ku‑mwene emisango ja obhuwanga, korereki achibhwire.

Baefeso 5:26

꞉Aakorere kutyo, korereki aryesye kwa okuryosya mu‑manji ga obhubhatiijo na ku‑njira ya omusango gwa Nyamuwanga.

Baeburania 6:5

Ka wone bhaamarire okumenya obhwa ekisi bhwa omusango gwa Nyamuwanga na amanaga ga obhutungi bhwa Nyamuwanga ku‑mwanya gunu aritunga echaaro choone echiyaaya.