Baeburania 4:11 - Indagano Inyaaya mu-Chijita

¹¹ Kurwa ejo, chiikomeesye okwingira orubhaara rwa okwisya omwoyo. Chibhega nichikora kutyo korereki aasiga okubha‑wo omuunu woonewoone wa okutaamibhwa okwingira ku‑songa ya okurema okugayuka Nyamuwanga, rwa kutyo bhasaaja weeswe bhaariga nibhakora.

INDAGANO INYA:YA

¹¹ Mbe cikome:rega okwingira mu kufuŋama okwo, omu:nu wo:ne asiga kugwa mu butongwa bweja:bo obwo.

Baeburania 4:11 Referans Kwoze

Baeburania 3:18

Ka wone, ni bhaanu ki bhanu Nyamuwanga ꞉aarayire ati ataribheekirisisya wuri noorwo na akatyari okwingira orubhaara rwa okwisya omwoyo, orubhaara runu abheeraabhiiye? Bhatari bhanu ꞉bhaaremere okumugayuka?

Ruuka 13:24

“Emwe, mwikomeesye okutura mw‑irango rifunde mwingire. Enibhabhwira ati, abhaanu bhaafu bhariregeeja okwingira, nawe bharitaamibhwa.

Baeburania 6:11

Eniigomba muno ati bhuri umwi weemwe eeresyega okwikomeesya okwookwo okukingira ku‑bhuteero, korereki muramire joone jinu omwiyikanya.

Baefeso 5:6

Mwasiga okwikirisya omuunu woonewoone okubhajiga kwa emisango ja kutyo era, okubha ebhibhiibhi ebhyo bhyone, nibhyo ebhikora risungu rya Nyamuwanga niriitika ku‑bhanyatagayuka.

Baeburania 3:12

Emwe abhayiri bhaani mu‑riikirisya, mwiyangarirega, korereki aasiga okubha‑wo omuunu woonewoone mw‑imwe unu ari na omutima omubhiibhi, gwa okurema okwikirisya, ka wone unu kaarema okuruubha Nyamuwanga omuwanga.

Tiito 1:16

Abheene abhaayika ati bhamenyere Nyamuwanga, nawe ebhikorwa bhyebhwe ebhyeresya ati abhamwigaana. Abho ni bhaanu bhanu abhafuruurusya muno, ni bhanyatagayuka, bhateeyire ku‑bhikorwa bhyonebhyone bhya ekisi.

Bafilipi 2:12

Mbe, abheendwa bhaani, omwanya gunu naariga niri kw‑imwe, mwariga nimugayuka Nyamuwanga siku joone. Nyabhuriko, noorwo woori omwanya gunu niri kura na emwe, mugenderere okukora muno jinu jeenderwe ku‑bhaanu bhanu Nyamuwanga achunguuye. Mukore ejo mu‑kuyarara kunu okuruubhana na okuubhaya Nyamuwanga.

Tiito 3:3

Okubha eswe wone, kara awo chaariga chiri bhataamutaamu, bhanyatagayuka na chijigirwe. Chaariga chitungirwe na okurigira na jitungwa jimbiibhi ja bhuri mbaga. Nyabhuriko chaariga chiikaaye mu‑bhujabhi na orwiso, nichibhiiyisya na chisokeene eswe abheene kwa abheene.

Bakolosai 3:6

Emisango rwa ejo, nijo ejikora Nyamuwanga abhiyirirwe abhaanu bhanu bhatakumugayuka.

Ebikorwa 26:19

“Kurwa ejo, omukama Agiriipa awe, yaariga iri bhusibhusi kw‑anye okugayuka amaragiriro ga ebhiroro bhinu bhisookere mu‑rwire.

Ruuka 16:16

“Ebhiraagiro bhya Muusa na ebhikaame bhya abharagi, bhyariga nibhigayukwa na abhaanu okukingira omwanya gwa Yowana Omubhatiija. Okusookerera omwanya ogwo, Emisango ja Ekisi inguru ya obhukama bhwa Nyamuwanga, jaariga nijiraasibhwa, na abhaanu bhoone abhakomeeresibhwaga okujigayuka.

Matayo 11:12

Okusookerera jisiku jinu Yowana Omubhatiija aariga ˆnaaraasya okukingira reero inu, abhaanu abheekomeesya okwingira mu‑bhukama bhwa mu‑rwire kwa amanaga, na abhaanu bha amanaga nibho abhabhubhona.

Matayo 7:13

“Muture mw‑irango rifunde mwingire. Okubha rirango rigari rirya, erirosya mu‑kusingaarika, na injira ya okurosya eyo, ni ngari. Abhaanu bhanu abhatura okwo, ni bhaafu.

Baefeso 2:2

Ku‑mwanya ogwo, mwaruubhaga jitungwa jimbiibhi ja echaaro chinu. ꞉Mweekaaye nimuruubhaga Syetaani, omutungi wa obhuturo bhwa echinyamwoyo mu‑rutumba, niryo risambwa rinu woori ritungire abhaanu bhanu bhatakugayuka Nyamuwanga.

Yowana 6:27

Mwasiga okukora emirimu inguru ya okubhona ebhiryo bhinu ebhinyamuka, tari mukorega emirimu inguru ya okubhona ebhiryo bhinu bhitakunyamuka, ka wone ebhiyaana abhaanu obhuwanga bhwa akajaanende koone. Anye Omwana wa Omuunu, eniyaana abhaanu ebhiryo ebhyo, kwa okubha Raata Nyamuwanga anaaye obhuturo bhwa okukora kutyo.”

Baeburania 4:6

Noorwo kutyo bhasaaja weeswe nibho ꞉bhaabheeye bha okwamba okuungwa emisango ja ekisi inguru ya orubhaara rwa okwisya omwoyo, ꞉bhaataamiibhwe okwingira orubhaara orwo, kwa okubha bhaariga bhatakugayuka Nyamuwanga. Ku‑songa eyo, abhaanu abhandi bhariingira orubhaara rwa okwisya omwoyo.

2 Petero 2:6

Ka wone, Nyamuwanga ˆnaasingaarisya kwa omuriro emisi ja Sodoma na Gomoora na abhaanu bha emisi ejo. ˆNaabhakora bhabhe echijekekanyo ku‑bhaanu bhanu bhatakumugayukaga.