Baeburania 2:9 - Indagano Inyaaya mu-Chijita

⁹ Nawe echirora Yeesu, unu Nyamuwanga ꞉aakorere okubha omutooto okukira bhamaraayika ku‑mwanya mufuyi era. Nyamuwanga ꞉aakorere kutyo, korereki okuruubhana na echigongo chaaye, Yeesu afwe inguru ya okuchungura abhaanu bhoone. Woori Nyamuwanga amuyaaye rikusyo na echibharo, ku‑songa ya okunyaaka na okufwa kwaye.

INDAGANO INYA:YA

⁹ Nawe ecirore:rera Yesu oyo akorerwe are:bereo kuto:to ku ba:naraika kurwa jinyako jo kufwa, nafwafibwa orutenga rwa rikusyo ne cibaro, korereki arabe orufu kurwa ba:nu bo:ne, kurwe cigongo ca Nyamuanga.

Baeburania 2:9 Referans Kwoze

Obhusweruro 5:9

Nibheembira Omwana wa Inaama orwimbo oruyaaya runu rwayikaga ati, “Awe wiiyire okuramira echitabho echo na okusuruumura jimboyero jaacho ja obhurimbo. Okubha awe ꞉waatemerwe omutwe na ku‑sagama yaawo, nuugurira Nyamuwanga abhaanu bha jingʼanda joone, jinyaayika joone, jinyaami joone na abha amaanga goone.

1 Yoana 2:2

Yeesu niwe echoogo cha okusoosya‑wo ebhibhiibhi bhyeswe na okuchigwatanya na Nyamuwanga. Ka wone ꞉ataasoosisye‑wo ebhibhiibhi bhyeswe era, tari na ebhibhiibhi bhya abhaanu bhoone bha ku‑chaaro choone.

Barumi 5:18

Kurwa ejo, rwa kutyo abhaanu bhoone ꞉bhaaramuuywe okuruubhana na echibhiibhi chimwi cha omuunu umwi, kutyokutyo abhaanu bhoone abhabharwa okubha abharengeresi imbere ya Nyamuwanga okutura ku‑bhurengeresi bhunu bhukorerwe na omuunu umwi. Mu‑kukora kutyo, abhaanu bhoone nibhayaanwa obhuwanga bhwa akajaanende koone.

Ebikorwa 2:33

Nyamuwanga ꞉aamwinamusiisye na okumuriinyya ku‑chibharo cha inguru, woori eenyanjire orubhaara rwaye rwa ebhuryo. Ka wone Raata Nyamuwanga ayaaye Yeesu Mwoyo Mweru rwa kutyo ꞉aamuragire. ꞉Aachiitururiiye Mwoyo Mweru, ebhikorwa bhyaye, nibhyo bhinu omurora na okuungwa.

Yowana 3:16

Nyamuwanga eendere muno abhaanu bhoone bha ku‑chaaro kunu. Nikwo okukora ꞉aatumire Omwana waaye wenyere aaje ku‑chaaro kunu, korereki bhuri muunu unu keekirisya Omwana oyo aasiga okusimagira, tari abhe na obhuwanga bhwa akajaanende koone.

2 Bakorinto 5:15

Omuunu oyo ꞉aafuuwe inguru ya abhaanu bhoone, korereki bhanu bharamire, bhasige okurama inguru yeebhwe abheene, tari bharame inguru ya unu ꞉aafuuwe na okusuuruka inguru yeebhwe.

Baeburania 10:5

Kurwa ejo omwanya gunu Kirisito ꞉eejire ku‑chaaro chinu, ꞉aabhwiriiye Nyamuwanga ati, “Awe ꞉uteendere echiyaanwa noorwo echoogo, tari wiiraabhire omubhiri gwani okubha echoogo.

Barumi 5:8

Nawe Nyamuwanga ꞉aacheeresiisye ati kaacheenda muno, kwa okusoosya Kirisito afwe inguru yeeswe, omwanya gunu chaariga chichaari abhakosi bha ebhibhiibhi.

Yowana 1:29

Mwejo yende‑ko, Yowana ˆnaarora Yeesu ˆnaamuuja‑ko. ˆNaabhwira abhaanu bhanu bhaariga bhari awo ati, “Ringira, oyo niwe Omwana wa Inaama wa Nyamuwanga, unu kaasoosya‑wo ebhibhiibhi bhya abhaanu bhoone bha echaaro chinu!

Yowana 12:32

Omwanya gunu anye nirisungwa inguru ya echaaro, nirikurura abhaanu bhoone bhaaje kw‑anye.”

Baeburania 7:25

Ku‑songa eyo, omwene ari na obhuturo bhwa okuchungura chimwi abhaanu bhoone bhanu abhagenda ku‑Nyamuwanga okutura ku‑mwene. Okubha omwene ni muwanga akajaanende koone, korereki abhasabhirwe ku‑Nyamuwanga omwanya gwone.

1 Petero 1:21

Okutura ku‑Yeesu Kirisito, woori emwe omwikirisya Nyamuwanga, unu ꞉aamusuuruuye okusooka mu‑bhafuuwe na okumuyaana rikusyo. Ogwo nigwo ogukora eriikirisya na obhwiyikanyo bhwemwe bhubhe ku‑Nyamuwanga.

Baeburania 8:3

Bhuri mugabhisi omukuru kaakorwa okubha omugabhisi korereki asoosisye Nyamuwanga echiyaanwa na echoogo. Nyabhuriko Omugabhisi Omukuru weeswe oyo, eenderwe wone abhe na echiinu cha okusoosisya Nyamuwanga.

1 Timoteo 2:6

Omwene ꞉aasoosiisye obhurame bhwaye, korereki eerure abhaanu bhoone. Bhunu nibhwo obhubhambaasi bhunu Nyamuwanga ꞉aachiyaaye ku‑mwanya gunu ꞉aateeye‑wo.

2 Bakorinto 5:21

Kirisito aariga atari na echibhiibhi choonechoone, nawe Nyamuwanga ꞉aamubharire rwa owa ebhibhiibhi inguru yeeswe, korereki eswe chibharwe okubha abharengeresi imbere ya Nyamuwanga okutura ku‑Kirisito.

Barumi 8:32

Nyamuwanga ꞉ataafwiriiye echigongo Omwana waaye omwene, tari ꞉aamusoosiisye korereki afwe inguru yeeswe bhoone. Kurwa ejo, araabha ꞉aasoosiisye Omwana waaye inguru yeeswe, chimari arichiyaana amabhando goone okutura ku‑mwene!

Bagalatia 4:4

Nawe jisiku jinu jaariga jiteeywe‑wo jejire jaakuumira, Nyamuwanga ˆnaatuma Omwana waaye ku‑chaaro chinu. Omwana waaye oyo, ꞉eebhuuywe na omugasi rwa eswe, ˆnaatungwa na ebhiraagiro bhya Muusa.

Ebikorwa 3:13

Woori Nyamuwanga wa Bhurayimu, Isaaka na Yakobho, niwe Nyamuwanga wa bhasaaja weeswe, aakusya omukosi waaye Yeesu. Yeesu oyo niwe unu emwe ꞉mwateeye mu‑mabhoko ga abhatungi na okumwigaana imbere ya Piraato! Noorwo kutyo Piraato ꞉eendere okumutaatira, emwe ꞉mwaremere.

Barumi 8:3

Ebhiraagiro bhya Muusa bhyariga bhitari na amanaga ga okuchiyaana obhwitaage, ku‑songa ya obhusimukwa bhweswe bhwa echibhiibhi. Nawe chinu ebhiraagiro ebhyo ꞉bhyataamiibhwe okukora, Nyamuwanga ꞉aachikorere. ꞉Aatumire Omwana waaye omwene, aaje kw‑iswe ku‑chaaro anu ari na omubhiri rwa eswe abha ebhibhiibhi, korereki eesoosye rwa echoogo inguru ya ebhibhiibhi bhyeswe. Kwa okukora kutyo, Nyamuwanga ꞉aayaaye Yeesu ebhitiibha inguru ya ebhibhiibhi bhya abhaanu,

Yowana 10:17

“Raata aanyendere, kwa okubha enisoosya obhuwanga bhwani, korereki nibhuramire rindi.

Yowana 8:52

Mbe, Abhayawudi abho nibhamubhwira Yeesu ati, “Woori echimenya ati, awe uri na risambwa! Bhurayimu ꞉aafuuwe, na abharagi wone ꞉bhaafuuwe. Nawe awe owaayika ati, ‘Omuunu woonewoone unu kaagayuka ameeyigisyo gaani, atarifwa wuri.’

Matayo 16:28

Ni chimari enibhabhwira ati, bhari‑wo abhaanu abharebhe mw‑imwe anu, bhanu bhatarifwa bhachaari okundora anye Omwana wa Omuunu, niniija mu‑bhukama bhwani.”

Obhusweruro 19:12

Ameeso gaaye gari rwa jimbeesi ja omuriro na afwaye jitengya nyafu ku‑mutwe gwaye. Omuunu oyo akaamirwe‑ko risiina rinu omuunu woonewoone atakumenya, tari ni mwene era.

Baeburania 2:7

꞉Waakorere omuunu okubha omutooto okukira bhamaraayika ku‑mwanya mufuyi era. Nawe woori umuyaaye rikusyo na echibharo,

Ruuka 9:27

“Ni chimari enibhabhwira ati, bhari‑wo abhaanu abharebhe mw‑imwe anu, bhanu bhatarifwa bhachaari okurora obhukama bhwa Nyamuwanga!”

Mariko 9:1

Yeesu ˆnaagenderera okwayika ati, “Ni chimari enibhabhwira ati, mu‑bhaanu bhanu bheemereeguuyu anu bhari‑wo abhandi bhanu bhatarifwa, bhachaari okurora obhukama bhwa Nyamuwanga nibhuuja na amanaga.”

Matayo 6:28

“Niki chinu echikora nimunyaaka inguru ya emyenda? Muringire obhwaso kutyo obhumera. Bhutakukora emirimu noorwo bhutakwibhariirira emyenda.

Yowana 8:51

Ni chimari enibhabhwira ati, omuunu woonewoone unu kaagayuka ameeyigisyo gaani, atarifwa wuri.”

Baeburania 1:9

Awe weendere ja ekisi, na owubhiyirirwa emijabhi. Kurwa ejo Nyamuwanga, Nyamuwanga waawo, aakubhambaga amafuta ga rikonderwa, korereki akukore ubhe omukuru okukira abheejaanyu bhoone.”

Baeburania 11:5

Eriikirisya niryo ꞉ryakorere Enooke ˆnaagegwa okusooka ku‑chaaro anu atafuuwe wuri. ꞉Ataabhonekeene rindi kwa okubha Nyamuwanga ꞉aamugegere okugenda mu‑rwire. Noorwo Ebhikaame Ebhyeru ebhisoosya obhubhambaasi ati, omwanya gunu aariga achaari kugegwa, aakondisyaga Nyamuwanga.

Baeburania 12:2

Chiroreererega Yeesu, okubha omwene niwe ꞉aambisiisye eriikirisya ryeswe, ka wone niwe aririkuumisya. Omwene ꞉eegumiirisiisye ku‑songa ya rikonderwa rinu ryariga niriija. Ka wone ꞉ateeganirisiisye wuri jiswaro ja okufwa ku‑musarabha. Woori eenyanjire orubhaara rwa ebhuryo rwa echitebhe cha ingʼoma cha Nyamuwanga.