Baeburania 13:22 - Indagano Inyaaya mu-Chijita

²² Enibheerembeeresya emwe abhayiri bhaani mu‑riikirisya, muruubhega emisango ja okubhasimbiisya jinu naabhakaamira ku‑nyarubha inu. Naabhakaamira emisango emitooto era.

INDAGANO INYA:YA

²² Mbe enibaremberesya, ba:na ba:su, mwigumirisye omusango gunu mwakomeresibwe, okuba nabandikira mu misango mito:to era.

Baeburania 13:22 Referans Kwoze

1 Petero 5:12

Naabhakaamira inyarubha ifuyi inu, kwa obhusakisi bhwa Sirwano. Anye enisombookerwa kisi ati, omwene ni omwiyikanyibhwa. Obhukarariiye bhwani ni kukomeesya emyoyo jeemwe na okubhabhwira ati, emisango jinu chimari ni bhwitiriranya bhwa Nyamuwanga. Woori, mwimereeguru murumateene mu‑bhwitiriranya obhwo.

Baeburania 3:1

Mbe, abhayiri bhaani mu‑riikirisya, emwe bhanu Nyamuwanga abhirikiiye aamwi na eswe okubha abhaanu bhaaye, mwiganirisye inguru ya Yeesu. Omwene oyo niwe Itumwa ya Nyamuwanga ka wone niwe Omugabhisi Omukuru wa emisango jinu echiikirisya.

Bagalatia 6:11

Murore kutyo nibhakaamiiye ku‑nyuguta jinene. Nibhakaamiiye kwa okubhoko kwani omwene.

2 Bakorinto 6:1

Woori, kwa okubha echikora emirimu aamwi na Nyamuwanga, echibheerembeeresya ati, obhwitiriranya bhwa Nyamuwanga bhunu muramiiye, mwasiga okubhusiga bhubhure kutyo era.

2 Bakorinto 5:20

Mbe, Kirisito achitumire okukora emirimu jaaye, na okutura kw‑iswe Nyamuwanga keerembeeresya abhaanu ati, bhagwatanyibhwe nage. Echibhasabhwa inguru ya Kirisito ati, mugwatanyibhwe na Nyamuwanga.

Baeburania 4:11

Kurwa ejo, chiikomeesye okwingira orubhaara rwa okwisya omwoyo. Chibhega nichikora kutyo korereki aasiga okubha‑wo omuunu woonewoone wa okutaamibhwa okwingira ku‑songa ya okurema okugayuka Nyamuwanga, rwa kutyo bhasaaja weeswe bhaariga nibhakora.

Baeburania 4:1

Mbe, omurago gwa Nyamuwanga gwa abhaanu okwingira orubhaara rwa okwisya omwoyo guchaari aryaarya. Kurwa ejo chiyangarirega, korereki aasiga okubha‑wo omuunu woonewoone agati yeemwe unu aritaamibhwa okwingira mu‑rubhaara orwo.

Baeburania 2:1

Kurwa ejo, cheenderwe chiyangarire ku‑misango jinu choonguuwe, korereki chaasiga okujisiga.

2 Bakorinto 10:1

Mbe, anye Pawuro omwene, enibheerembeeresya mu‑bhwikeeya na mu‑bhworooro bhwa Kirisito. Nawe abhaanu abhandi abhaayika ati, anye enibhaga mworooro omwanya gunu owubha niri aamwi na emwe na enibhaga omururu omwanya gunu owubha niri kura na emwe.

Ebikorwa 13:15

Abhakuru bha inju eyo bhejire bhaamara okusoma mu‑bhiraagiro bhya Muusa na mu‑bhitabho bhya abharagi, nibharagirira omuunu ku‑Pawuro na Bharinaabha, ˆnaabhabhwira ati, “Abhayiri bhaasu, araabha muri na omusango gwa okuroma na abhaanu gwa okubhasimbiisya emyoyo, mugwayike.”

Baefeso 3:3

Rwa kutyo nikaamire kwa emisango emitooto ku‑bhwambiro bhwa inyarubha inu, Nyamuwanga omwene ꞉aasweruuye obhutinge bhwa imbisike yaaye kw‑anye.

Baeburania 12:5

Angu, murabhiiywe emisango ja okusimbiisya omwoyo jinu Nyamuwanga ꞉aabhabhwiriiye emwe bhanu muri bhaana bhaaye? Nyamuwanga ꞉aayikire ati, “Omwana waani, waasiga okugaya jinu Raatabhugenyi waawo kaakukengya. Siga okufwa omutima omwanya gunu kaakugonya.

Baeburania 13:19

Enibheerembeeresya muno munsabhirwega ku‑Nyamuwanga, korereki aansubhye kw‑imwe eyo bhwangu.