Baeburania 13:21 - Indagano Inyaaya mu-Chijita

²¹ Nyamuwanga abhayaane amanaga ga okukora okwenda kwaye. Ka wone akore mu‑myoyo jeeswe jinu ejimukondisya ku‑njira ya Yeesu Kirisito. Omwene akusibhwe akajaanende koone. Jibhe kutyo.

INDAGANO INYA:YA

²¹ abaku:misye mu misango jo:ne ejo bwana, korereki mukorega binu kenda. Akorega mwiswe binu ebimukondera mu me:so gae kubwa Yesu Kristo. Oyo akusibwega kajanende na kajanende. Amina.

Baeburania 13:21 Referans Kwoze

Bafilipi 2:13

Mbe, mukore kutyo kwa okubha Nyamuwanga niwe kaakora emirimu mu‑mitima jeemwe, korereki mwende na okukora emisango jinu kaakena jikorekane.

2 Batesalonika 2:17

abhasimbiisye emyoyo na okubhakomeesya, korereki mukorega na okwayika jinu jiri ja ekisi.

Bafilipi 4:13

Enitura okukora emisango ejo joone, kwa okubha Kirisito niwe kaanaana amanaga.

1 Petero 2:5

Mumenye ati, emwe wone muri rwa amabhuyi amawanga, Nyamuwanga kaabhoombaka mubhe inju ya echinyamwoyo. Ka wone abhawuuwe na okubhakora mubhe abhagabhisi bhanu abhasoosya ebhyogo bhya echinyamwoyo bhinu ebhimukondisya ku‑njira ya Yeesu Kirisito.

2 Timoteo 4:18

Enimenya ati arigenderera okumonʼya okusooka mu‑bhibhiibhi bhyone na okunyangarira, okukingira aankingye mu‑bhukama bhwaye mu‑rwire. Raatabhugenyi Yeesu akusibhwe akajaanende koone. Jibhe kutyo.

Bafilipi 1:11

Obhurame bhwemwe bhuriijura emisango ja rirenga jinu ejibhonekana ku‑njira ya Yeesu Kirisito. Ejo joone jirikumya Nyamuwanga na okumukusya.

2 Bakorinto 9:8

Nyamuwanga kaatura okubhayaana amabhando okukira bhinu omukena, korereki omwanya gwone, mubhe na ebhiinu bhyone bhinu omukena, ka wone mubhe abhaanu bha okukora emyafu ja ekisi ja okusakira abhandi.

1 Petero 4:2

Ku‑njira eyo, jisiku jaaye joone jinu jisigaaye omwene okwikara ku‑chaaro kunu, ariikara rwa kutyo Nyamuwanga keenda, kutari okuruubha obhurigire bhwa echinyamuunu.

Baeburania 10:36

Mwenderwe mwigumiirisyega, korereki mubhe nimukora jinu Nyamuwanga keenda. Ku‑njira eyo, muriramira jinu Nyamuwanga ꞉aaragire okubhayaana.

1 Batesalonika 5:23

Nyamuwanga omwene, niwe kaachiyaana omurembe. Woori, abheesye ebhibhiibhi bhyemwe bhyone, ka wone aangarire emitima jeemwe, emyoyo jeemwe na emibhiri jeemwe, korereki omwanya gunu Raatabhugenyi weeswe Yeesu Kirisito arisubha rindi, mubhe mutari na esoro.

Yuuda 1:25

Omwene niwe Nyamuwanga era, niwe Omuchungusi weeswe okutura ku‑Yeesu Kirisito Raatabhugenyi weeswe. Nyamuwanga akusibhwe muno, kwa okubha omwene ari na rikusyo, obhukuru, amanaga na obhuturo, okwambira kara, woori, noorwo akajaanende koone. Jibhe kutyo.

1 Yoana 2:17

Echaaro aamwi na okurigira kwacho okubhiibhi, bhiri na obhuteero. Nawe woonewoone unu kaakora jinu ejikondera Nyamuwanga, kaabha na obhuwanga bhwa akajaanende.

1 Timoteo 1:17

Nyamuwanga niwe omukama unu atari na obhuteero, atakufwa na atakubhonekana, atari‑wo owundi rwa omwene. Omwene ayaanwe echibharo na rikusyo akajaanende koone. Jibhe kutyo.

Baefeso 2:10

Okubha Nyamuwanga achichunguuye na okuchibhumba bhuyaaya echinyamwoyo mu‑Kirisito Yeesu, korereki chikore ebhikorwa bhya ekisi, bhinu ꞉aachiiraabhiiye okusookerera kara, korereki chibhikorega.

Obhusweruro 5:9

Nibheembira Omwana wa Inaama orwimbo oruyaaya runu rwayikaga ati, “Awe wiiyire okuramira echitabho echo na okusuruumura jimboyero jaacho ja obhurimbo. Okubha awe ꞉waatemerwe omutwe na ku‑sagama yaawo, nuugurira Nyamuwanga abhaanu bha jingʼanda joone, jinyaayika joone, jinyaami joone na abha amaanga goone.

1 Yoana 3:22

Ka wone, bhuri chiinu chinu echisabhwa ku‑Nyamuwanga kaachiyaana, kwa okubha echigayuka ebhiraagiro bhyaye na okukora jinu ejimukondera.

Baeburania 13:16

Mugenderere okusakira abheejaanyu na okusangira aamwi nabho ebhiinu bhinu muri nabhyo, okubha okukora kutyo, nicho echoogo chinu echikondisya Nyamuwanga.

1 Timoteo 6:16

Nyamuwanga era, niwe atakufwa, eenyanjire mu‑bhweru bhunu omuunu woonewoone atakutura okubhufogera‑ko. Ka wone, atari‑wo omuunu unu aramurorere, noorwo unu kaatura okumurora. Echibharo na obhuturo ari nabhyo omwene, akajaanende koone. Jibhe kutyo.

1 Timoteo 5:10

Abhe omuunu wa jikuma ja ekisi, abhe eeyigisiisye abhaana bhaaye jitungwa ja ekisi, abhe akumire abhagenyi, abhe oosiisye abheeru amaguru, abhe asakiiye abhaanu bhanu bhari mu‑nyaako, ka wone, abhe eekomeesiisye okukora ebhikorwa bhyone bhya ekisi.

1 Batesalonika 3:13

Akomeesye emitima jeemwe, korereki mubhe abheeru, bhanyamburwa esoro mu‑meeso ga Nyamuwanga Raata weeswe, omwanya gunu Raatabhugenyi weeswe Yeesu arisubha aamwi na abheeru bhaaye bhoone.

Bakolosai 4:12

Epaafura, omukosi wa Kirisito Yeesu, ka wone ni muunu wa ewaanyu eyo, kaabhakeesya. Bhuri mwanya keekomeesya okubhasabhirwa korereki murumatane echinyamwoyo mu‑riikirisya ryemwe na okubha na echimari inguru ya okwenda kwone kwa Nyamuwanga.

Bakolosai 3:17

Omusango gwonegwone gunu omwayika, amwi echiinu choonechoone chinu omukora, mubhikore kw‑isiina rya Raatabhugenyi Yeesu, nimusiimaga Raata Nyamuwanga okutura ku‑mwene.

Bafilipi 4:18

Woori, ebhiinu bhirya bhyone ꞉mwayaanire Epafurodiito okundeetera, naabhiramiiye. Bhyeya ku‑bhukene bhwani bhwone, ka wone bhyafura okukira bhinu naariga niikena. Obhusakisi obhwo bhuri rwa echoogo cha ebhirange bhya ekisi, nicho echoogo chinu Nyamuwanga keekirisya na okwenda.

Baefeso 2:18

Okubha omwene oyo, achiyaaye eswe bhoone, Mwoyo Mweru korereki chifogere ku‑Raata Nyamuwanga.

Matayo 28:20

na okubheeyigisya okugwata joone jinu ꞉naabharagiriiye. Mwichuke ati, anye niri aamwi na emwe siku joone, okukingira ku‑bhuteero bhwa echaaro.”

Matayo 6:13

Waasiga okuchiingisya mu‑maregeejo, nawe uchichungure okusooka ku‑Mubhiibhi urya, [kwa okubha obhukama, amanaga na rikusyo, ni bhyawo akajaanende koone! Jibhe kutyo!]’”

Obhusweruro 5:13

Niwo ninuungwa ebhibhumbwa bhyone mu‑rwire eyo, ku‑chaaro anu, mu‑nyombe eyo na mu‑nyanja nibhiimba aamwi, “Omwene unu eenyanjire ku‑chitebhe cha ingʼoma, na Omwana wa Inaama, bhakusibhwe, bhayaanwe echibharo, bhayaanwe rikusyo na obhuturo akajaanende koone!”

Obhusweruro 4:6

Ka wone, imbere ya echitebhe cha ingʼoma chaariga chiri‑wo echiinu wuti inyanja ya rirore. Inyanja eyo, yaariga iri rwa ribhuyi rinu eringʼarabhya muno. Agati ya echitebhe cha ingʼoma na abhakaruka bharya, bhyariga bhiri‑wo ebhibhumbwa bhina ebhya obhuwanga. Ebhibhumbwa ebhyo bhyariga bhisingiiye echitebhe cha ingʼoma mbaara joone. Ka wone, bhyariga bhiswirire ameeso bhuri orubhaara ku‑mibhiri jabhyo.

Baeburania 12:23

Emwe mwakingire mw‑ikofyanyo rinene rya abheebhurwa bha obhubhere bha Nyamuwanga, bhanu amasiina geebhwe gakaamirwe mu‑rwire. Mwakingire imbere ya Nyamuwanga, unu ari muramusi wa abhaanu bhoone na imbere ya abhaanu abharengeresi bhanu ꞉bhaafuuwe na bhanu woori bhakuumisibhwe.

1 Batesalonika 4:3

Okubha echiinu chinu Nyamuwanga keenda kw‑imwe nicho chinu, mubhe abhaanu abheeru. Kurwa ejo, mwikenge na obhuromesi.

Bakolosai 3:20

Emwe abhaana wone, mugayukega abheebhusi bheemwe mu‑joone, kwa okubha okukora kutyo okukondera Raatabhugenyi Yeesu.

Bafilipi 2:11

Ka wone bhuri muunu aayike ati Yeesu Kirisito niwe Raatabhugenyi. Nikwo kutyo Raata Nyamuwanga arikusibhwa.

Bagalatia 1:5

Nyamuwanga akusibhwe akajaanende koone. Jibhe kutyo.

Barumi 11:36

Nyamuwanga niwe ꞉aabhumbire ebhiinu bhyone. Okutura ku‑mwene ebhiinu bhyone ebhigenderera okubha‑wo, na ebhiinu bhyone bhiri‑wo inguru ya rikusyo ryaye. Nyamuwanga akusibhwe akajaanende koone! Jibhe kutyo.

2 Petero 3:18

Tari mugenderere okukura mu‑bhwitiriranya bhwa Raatabhugenyi na Omuchungusi weeswe Yeesu Kirisito, na mu‑kumumenya. Omwene akusibhwe, woori na akajaanende koone. Jibhe kutyo.

Barumi 16:27

Nyamuwanga wenyere niwe owa obhwengeeso bhwone. Omwene niwe akusibhwega akajaanende koone, ku‑njira ya Yeesu Kirisito! Jibhe kutyo.

Yowana 17:23

Anye niri na obhumwi nabho, na awe uri na obhumwi na anye. Enisabhwa ati bhabhe chiinu chimwi kata, korereki ku‑njira eyo, abhaanu bha ku‑chaaro kunu bhasombookerwe ati naawe ꞉waantumire, ka wone bhasombookerwe ati ubheendere rwa kutyo unyendere.

Yowana 7:17

Omuunu woonewoone unu keenda okukora kutyo Nyamuwanga keenda, oyo kaja okusombookerwa ati, ameeyigisyo gaani gasookere ku‑Nyamuwanga. Ka wone kaja okusombookerwa ati, nitakwayika ku‑bhuturo bhwani omwene.

Matayo 21:31

“Woori angu, mu‑bhabhiri abho, niga unu ꞉aakorere rwa kutyo esemwene ꞉eendere?” Abhakuru bha abhagabhisi na abhakuru bha Abhayawudi bharya, nibhamusubhya ati, “Ni urya wa okwamba.” Niwo Yeesu ˆnaayika ati, “Ni chimari enibhabhwira ati, abhatobhesya bha rigooti na abhagasi bhanu abheegusya okwibhonera ribhona, bharibhatangatira okwingira mu‑bhukama bhwa Nyamuwanga.

Matayo 7:21

“Itari ati, bhuri muunu unu kaatogora ati, ‘Raatabhugenyi, Raatabhugenyi,’ ariingira mu‑bhukama bhwa mu‑rwire. Nawe omuunu unu kaakora okwenda kwa Raata waani unu ari mu‑rwire, oyo niwe aribhwingira.

Matayo 12:50

Okubha omuunu woonewoone unu kaakora okwenda kwa Raata waani unu ari mu‑rwire, oyo niwe omumura waasu, omuyara waasu na maayi.”

2 Timoteo 3:17

Mbe, Ebhikaame ebhyo ebhikora abhaana bha Nyamuwanga bhabhe bheemariiriiye na bhabhe bhatengeejere okukora ebhikorwa bhya ekisi.

Baeburania 12:28

Kurwa ejo, chisiimega Nyamuwanga, okubha eekirisya chibhega nichisangira obhukama bhwaye bhunu bhutakutikima. Chiramyega Nyamuwanga ku‑njira inu eyimukondisya na mu‑bhwikeeya na echibharo,