Baeburania 13:20 - Indagano Inyaaya mu-Chijita

²⁰ Nyamuwanga omwene, niwe kaachiyaana omurembe. ꞉Aasuuruuye Raatabhugenyi weeswe Yeesu, unu ari Mureefi Omukuru wa jinaama, kwa okubha ꞉eetire isagama yaaye inu eyeeresya chimari indagano ya kajaanende koone.

INDAGANO INYA:YA

²⁰ Nyamuanga wo murembe unu amuso:sisye mu bafu:ye omure:fi Omukuru wa jina:ma kurwa manyinga ga indagano ya kajanende, niwe Ratabugenyi Yesu,

Baeburania 13:20 Referans Kwoze

Yowana 10:11

“Anye naanye omureefi wa ekisi. Omureefi wa ekisi kaasoosyaga obhuwanga bhwaye inguru ya jinaama jaaye.

Baeburania 10:22

Kurwa ejo chifogere imbere ya Nyamuwanga chiri na emyoyo emyeru na eriikirisya rya echimari, okubha Nyamuwanga eesiisye emitima jeeswe emijabhi ku‑njira ya isagama ya Yeesu, na oosiisye emibhiri jeeswe na amanji ameeru.

Barumi 15:33

Nyamuwanga unu kaabhayaana omurembe, abhe aamwi na emwe bhoone. Jibhe kutyo.

2 Batesalonika 3:16

Woori, Raatabhugenyi Yeesu omwene unu ari obhwambiro bhwa omurembe, abhayaanega omurembe omwanya gwone ku‑njira joone. Omwene abhe aamwi na emwe bhoone.

Yowana 10:14

“Anye naanye omureefi wa ekisi. Nimenyere kisi jinaama jaani, ejeene wone jimmenyere,

Ebikorwa 2:24

Nawe Nyamuwanga ˆnaamusoosya‑ko obhusungu obhururu bhwa orufu, kwa okumusuurura okusooka mu‑bhafuuwe, kwa okubha ꞉itaakaturikeene Yeesu agwatirirwe na amanaga ga orufu!

1 Petero 2:25

Okubha mwariga muri rwa jinaama jinu jibhurire, nawe woori, mwasubhire ku‑Mureefi na ku‑Mwangarisi wa emyoyo jeemwe.

Ebikorwa 3:15

Kurwa ejo, ꞉mweetire unu ari bhusimukwa bhwa obhuwanga. Nawe Nyamuwanga ˆnaamusuurura okusooka mu‑bhafuuwe! Eswe chiri bhabhambaasi bha okusuuruka kwaye.

1 Petero 1:21

Okutura ku‑Yeesu Kirisito, woori emwe omwikirisya Nyamuwanga, unu ꞉aamusuuruuye okusooka mu‑bhafuuwe na okumuyaana rikusyo. Ogwo nigwo ogukora eriikirisya na obhwiyikanyo bhwemwe bhubhe ku‑Nyamuwanga.

1 Batesalonika 1:10

Wone abhatonda kutyo omurindirira Omwana waaye, asubhe rindi okusooka mu‑rwire. Oyo niwe Nyamuwanga ꞉aasuuruuye okusooka mu‑bhafuuwe. Niwe Yeesu unu kaachichungura okusooka mu‑ndamu ya Nyamuwanga inu eyiija.

Bakolosai 2:12

Omwanya gunu ꞉mwabhatiijiibhwe, ꞉mwafuuwe, nimusiikwa aamwi na Kirisito. Nimwiya nimusuuruka aamwi nage, kwa okubha ꞉mweekirisiisye amanaga ga Nyamuwanga unu ꞉aamusuuruuye okusooka mu‑bhafuuwe.

1 Petero 5:4

Mbe, Omureefi Omukuru wa rikanisa aribha aswerurwa, muriyaanwa orutengya rwa rikusyo runu rutakunyamuka.

Baeburania 10:29

Mbe woori mwiganirisye! Ebhitiibha bhiribha kutiki ku‑muunu unu kaagaya Omwana wa Nyamuwanga na okurora isagama ya indagano inu ꞉yaamwesiisye noorwo ebhibhiibhi bhyaye ati chitari chiinu cha obhugajuro? Angu, ebhitiibha bhiribha kutiki ku‑muunu oyo, nikwo okwayika ati, unu keeyimirisya Mwoyo Mweru wa obhwitiriranya?

Baeburania 9:20

Niwo ˆnaabhwira abhaanu bhoone ati, “Runu nirwo orwamba runu orweresya indagano ya Nyamuwanga inu ꞉aabharagiriiye ati muyigwatega.”

1 Batesalonika 5:23

Nyamuwanga omwene, niwe kaachiyaana omurembe. Woori, abheesye ebhibhiibhi bhyemwe bhyone, ka wone aangarire emitima jeemwe, emyoyo jeemwe na emibhiri jeemwe, korereki omwanya gunu Raatabhugenyi weeswe Yeesu Kirisito arisubha rindi, mubhe mutari na esoro.

Bafilipi 4:9

Mugenderere okukora jinu ꞉mweeyigiiye, jinu ꞉mwaramiiye, jinu ꞉mwoonguuwe okusooka kw‑anye na jinu ꞉mwarorere ninkora. Niwo, Nyamuwanga unu kaabhayaana omurembe arigenderera okubha aamwi na emwe.

Barumi 8:11

Mwoyo Mweru unu eekaaye mu‑myoyo jeemwe, niwe Mwoyo wa Nyamuwanga unu ꞉aasuuruuye Kirisito Yeesu okusooka mu‑bhafuuwe. Kurwa ejo, Nyamuwanga ariyaana obhuwanga emibhiri jeemwe jinu ejifwa, ku‑managa ga Mwoyo Mweru unu eekaaye mu‑myoyo jeemwe.

Ebikorwa 5:30

Emwe ꞉mweetire Yeesu kwa okumubhamba ku‑musarabha, nawe Nyamuwanga wa bhasaaja weeswe ˆnaamusuurura.

Matayo 26:28

Echifuufu echo, niyo isagama yaani ya indagano. Isagama yaani iriitika inguru ya abhaanu bhaafu, korereki Nyamuwanga abhafwire echigongo ebhibhiibhi bhyebhwe.

Baefeso 1:20

Amanaga ago, nigo Nyamuwanga ꞉aakoreeye emirimu omwanya gunu ꞉aasuuruuye Kirisito okusooka mu‑bhafuuwe, na okumwinyanja orubhaara rwaye rwa ebhuryo mu‑chaaro chinyatarorwa.

Bagalatia 1:1

Inyarubha inu, niikaamire anye Pawuro. Anye ꞉nitaatumirwe na abhaanu amwi okuragirirwa na omuunu omurebhe, tari ꞉naatumirwe na Yeesu Kirisito omwene na Raata Nyamuwanga unu ꞉aasuuruuye Yeesu okusooka mu‑bhafuuwe.

2 Bakorinto 13:11

Woori, abhayiri bhaani mu‑riikirisya, enimariisya kwa okubhabhwira ati mukonderwega! Mubhega mukuumiiye mu‑riikirisya, musimbiisyanyega, mubhega na obhumwi, mwikarega kwa omurembe na Nyamuwanga wa eryenda na omurembe, kaja okubha aamwi na emwe.

2 Bakorinto 4:14

Chimenyere ati Nyamuwanga unu ꞉aasuuruuye Raatabhugenyi Yeesu, arichisuurura eswe wone rwa kutyo ꞉aasuuruuye Yeesu. Nyamuwanga arichireeta eswe na emwe imbere yaaye omwene.

1 Bakorinto 15:15

Ka wone chikabhonekeene wuti abhabhambaasi bha orubheeyi inguru ya emisango ja Nyamuwanga, kwa okubha echisoosya obhubhambaasi ati Nyamuwanga ꞉aasuuruuye Kirisito okusooka mu‑bhafuuwe. Nawe araabha abhafuuwe bhatakusuururwa, mbe Nyamuwanga ꞉ataasuuruuye Kirisito.

1 Bakorinto 14:33

kwa okubha Nyamuwanga weeswe atari wa injogere, tari ni wa omurembe. Rwa kutyo jiri mu‑makanisa goone ga abheeru bha Nyamuwanga,

1 Bakorinto 6:14

Ka wone, Nyamuwanga arichisuurura kwa amanaga gaaye, rwa kutyo ꞉aasuuruuye Raatabhugenyi okusooka mu‑bhafuuwe.

Ebikorwa 17:31

Kurwa ejo ꞉aateeye‑wo orusuku runu ariramura abhaanu bhoone kwa echimari, ku‑njira ya omusorwa waaye. ꞉Eeresiisye abhaanu bhoone echimari cha ejo kwa okumusuurura omuunu oyo okusooka mu‑bhafuuwe.”

Ebikorwa 13:30

Nawe Nyamuwanga ˆnaamusuurura okusooka mu‑bhafuuwe!

Ebikorwa 2:32

Yeesu oyo, Nyamuwanga ꞉aamusuuruuye okusooka mu‑bhafuuwe, eswe bhoone chiri abhabhambaasi bha omusango ogwo.

Ruuka 22:20

Nyabhuriko, bhejire bhaamara okurya ebhiryo, ˆnaagega omutawo gunu gwariga guri‑mo echifuufu, ˆnaayika ati, “Echifuufu chinu mu‑mutawo munu echimereegururu indagano inyaaya inu Nyamuwanga arikora okutura isagama yaani. Isagama yaani iriitika inguru yeemwe.]

Mariko 14:24

ˆNaabhabhwira ati, “Echifuufu echo, niyo isagama yaani ya indagano. Isagama yaani iriitika inguru ya abhaanu bhaafu.

Barumi 16:20

Nyamuwanga unu kaabhayaana omurembe, arifwonyorera aasi Syetaani bhwangu, na okubhayaana obhuyigi inguru yaaye. Obhwitiriranya bhwa Raatabhugenyi weeswe Yeesu Kirisito bhubhe aamwi na emwe. [Jibhe kutyo.]

Barumi 1:4

nawe kwa Mwoyo Mweru, Nyamuwanga ꞉aasorere Omwana waaye okubha owa obhuturo bhwone kwa okumusuurura okusooka mu‑bhafuuwe. Yeesu Kirisito oyo, niwe Raatabhugenyi weeswe.

Ebikorwa 4:10

emwe bhoone aamwi na Abhayisirayeeri abhandi bhoone, enikena mumenye echimari ati, unu eemereeguuyu imbere yeemwe ni muwanga, kwa obhuturo bhwa risiina rya Yeesu Kirisito Omunajareeti, unu emwe ꞉mwabhambire ku‑musarabha, nawe Nyamuwanga ꞉aamusuuruuye okusooka mu‑bhafuuwe.

Barumi 10:7

Rindi Muusa aayikire ati, “Ka wone mwasiga okwayika ati, ‘Niga unu kaatura okwika emwaro okukinga nyombe?’” Okwayika kutyo kuri rwa okugenda okureeta Kirisito okusooka nyombe.