Baeburania 13:18 - Indagano Inyaaya mu-Chijita

¹⁸ Mugenderere okuchisabhirwa. Chimenyere chimari ati emitima jeeswe ni myeru, kwa okubha cheendere okukora jinu jiri ja obhurengeresi ku‑bhaanu bhoone.

INDAGANO INYA:YA

¹⁸ Mucisabirwega, okuba cimenyere ati, riri no mutima gwe kisi, cendere okukora byone na jintungwa jo bwana.

Baeburania 13:18 Referans Kwoze

1 Batesalonika 5:25

Woori, abhayiri bheeswe, muchisabhirwe eswe wone ku‑Nyamuwanga.

2 Batesalonika 3:1

Woori abhayiri bheeswe, muchisabhirwe korereki Emisango ja Ekisi inguru ya Raatabhugenyi Yeesu, jigenderere okuswirana bhwangu na abhaanu bhajiramire kwa echibharo, rwa kutyo jaariga jiri kw‑imwe.

1 Timoteo 1:5

Obhukarariiye bhwa amaragiriro ago ni ati abheekirisya bheendane kwa omwoyo gwa ekisi, mu‑mutima mweru na mu‑riikirisya rya echimari.

Bakolosai 4:3

Muchisabhirwe eswe wone, korereki Nyamuwanga achiigurire orwigi rwa okuraasya omusango gwaye inguru ya Kirisito gunu kara gwariga gubhisirwe. Anye nibhoyerwe inguru ya okuraasya omusango ogwo.

Barumi 15:30

Abhayiri bhaani, okuruubhana na obhumwi bhweswe na Raatabhugenyi weeswe Yeesu Kirisito, na okuruubhana na eryenda rinu Mwoyo Mweru achiyaaye, enibheerembeeresya kwa omwoyo gwani gwone ati, mwikomeesye okuwumbana aamwi na anye mu‑kunsabhirwa ku‑Nyamuwanga.

1 Petero 3:21

Amanji ago, ni chijekekanyo cha obhubhatiijo bhwemwe, kwa okubha omwanya gunu omubhatiijibhwa, eyeeresya ati Nyamuwanga kaabhachungura ku‑njira ya obhusuuruko bhwa Yeesu Kirisito. Obhubhatiijo obhwo, bhutari bhwa okusoosya‑ko riiko ku‑mibhiri jeemwe, tari ni kubha na omutima omweru ku‑Nyamuwanga.

1 Petero 3:16

Mubhega na emitima emyeru, korereki bhanu abhabhakuurisya amabhiibhi bhaakarora akatungiiywe keemwe ka ekisi ku‑Kirisito, bheesware.

1 Petero 2:12

Mubhe na jitungwa ja ekisi agatigati ya abhaanu bhanu bhatakwikirisya Nyamuwanga, korereki araabha abhabhakuurisya ati, muri bhajabhi, bhaakarora ebhikorwa bhyemwe bhya ekisi, bhakusye Nyamuwanga ku‑songa yeemwe, orusuku rwa okusubha kwaye.

1 Batesalonika 4:12

Mukakora kutyo, omubha abhaanu bha jitungwa ja ekisi imbere ya abhaanu bhanu bhatari bheekirisya. Ka wone mutariisiga ebhiinu bhya abhaanu abhandi.

Ebikorwa 24:16

Kurwa ejo, eniikomeesya siku joone okubha na omutima omweru imbere ya Nyamuwanga na imbere ya abhaanu.

Ebikorwa 23:1

Pawuro ˆnaaringira nekeneke abhaanu bha mw‑ibharaja eryo, ˆnaabhabhwira ati, “Emwe abhayiri bhaasu, nikumisiisye emirimu jaani ku‑Nyamuwanga, omutima gwani ni mweru pee okukingira reero inu.”

Bafilipi 4:8

Ku‑bhuteero, abhayiri bhaani, emisango ja echimari, emisango jinu jiiyire jiyanwe echibharo, emisango ja obhurengeresi, emisango emyeru, emisango jinu ejikondisya, emisango jinu jiri ja ekisi, emisango jinu jiiyire okukuuyibhwa, ejo nijo mwiganirisye.

2 Bakorinto 1:12

Mbe, eswe echiikuuya ku‑musango gumwi. Emitima jeeswe ejichibhambaarira ati, chiikaaye kwa obhurengeresi na okwa obhwiyikanyibhwa bhunu obhusooka ku‑Nyamuwanga. ꞉Chitaakorere kutyo okuruubhana na obhwengeeso bhwa echinyamuunu, tari ku‑bhwitiriranya bhwa Nyamuwanga. Nikwo kutyo chiikaaye ku‑chaaro anu, na chimwichimwi mu‑bhungwani bhweswe na emwe.

Barumi 13:13

Chibhe na jitungwa ja ekisi rwa abhaanu bhanu bheekaaye mu‑bhweru bhwa mu‑mwisi. Chaasiga okubha abhananamba na abhakorwa. Chaasiga okukora imbaga yooneyoone ya orukubho na emisango ja jiswaro. Chaasiga okubha abha inyombo, noorwo okubha abha orwiso.

Barumi 12:17

Omwanya gunu abhaanu abhabhakorera emibhiibhi, mwasiga okubhasubhisya obhubhiibhi ku‑bhubhiibhi. Tari, mwanya gwone, muchaari okukora gwonegwone, mwiganirisye okwamba, niwo mukore jinu abhaanu bhoone abhaja okurora ati ni ja kisi.