Baeburania 13:17 - Indagano Inyaaya mu-Chijita

¹⁷ Mugayukega abhatangasya bheemwe na okuruubha jinu abhabharagirira, kwa okubha abheene nibho abhabhanyaakirira okuyigwa wuri. Abheene bharyendwa okweresya emirimu jeebhwe imbere ya Nyamuwanga. Kurwa ejo mubhagayukega, korereki bhakore emirimu jeebhwe nibhakondererwaga. Nawe araabha mukarema okubhagayuka, abhaja okukora emirimu jeebhwe bhasurumbaaye, na emirimu jeebhwe ejo jitaribha na omuriiro gwonegwone kw‑imwe.

INDAGANO INYA:YA

¹⁷ Mungwega banu babatungire, mubo:roberega, okuba abo abe:gana emyoyo jemwe, rwa banu abajo:bu:sibwa binu barakorere, korereki bakore kutyo no kukonderwa, tari mu busurumbae, okuba emwe mutakabwenemo muri:ro.

Baeburania 13:17 Referans Kwoze

1 Timoteo 5:17

Abhakaruka bhanu abhaangarira rikanisa kisi, bhayaanwe echibharo na okukorerwa eja ekisi, chimwichimwi bhanu abheesoosya okuraasya na okwiyigisya.

Baeburania 13:7

Mwichuke abhatangasya bheemwe bhanu bhaariga nibhabheeyigisya omusango gwa Nyamuwanga. Mwiganirisye inguru ya jitungwa jeebhwe kutyo bhaariga bheekaaye, murorerega eriikirisya ryebhwe.

1 Petero 5:5

Nyabhuriko, emwe abhasigaji wone, mugayuke abhakaruka bha rikanisa. Emwe bhoone, abhasigaji na abhakaruka, bhuri muunu eekeeyega ku‑weejaabho na okusakirana. Mukore kutyo, kwa okubha jikaamirwe mu‑Bhikaame Ebhyeru ati, “Nyamuwanga kaayaajana na abha echigundu, tari bhanu abheekeeya, kaabhayaana obhwitiriranya.”

Ebikorwa 20:28

Woori, mubhega mwiyangariiye na murinde ebhise bhyone bhya abheekirisya, kwa okubha Mwoyo Mweru, abhateeye‑wo mubhe abhaangarisi. Mwangarire abheekirisya abho, kwa okubha Nyamuwanga ꞉aabhagurire kwa isagama ya omwana waaye.

1 Bakorinto 16:16

mugayukega abhaanu rwa abho, na abhandi bhoone bhanu abhakora emirimu ejo aamwi nabho mu‑bhwikomeesya.

Bafilipi 2:12

Mbe, abheendwa bhaani, omwanya gunu naariga niri kw‑imwe, mwariga nimugayuka Nyamuwanga siku joone. Nyabhuriko, noorwo woori omwanya gunu niri kura na emwe, mugenderere okukora muno jinu jeenderwe ku‑bhaanu bhanu Nyamuwanga achunguuye. Mukore ejo mu‑kuyarara kunu okuruubhana na okuubhaya Nyamuwanga.

Bafilipi 2:29

Mumuramire mukondeeywe muno kwa okubha ni weejaanyu mu‑kwikirisya Raatabhugenyi Yeesu. Abhaanu rwa oyo mubhayaanega echibharo,

Barumi 14:12

Kurwa ejo, bhuri umwi weeswe, ariibhagira omwene imbere ya Nyamuwanga.

2 Batesalonika 3:14

Araabha omuunu woonewoone, atakwenda okuruubha emisango jeeswe jinu jiri ku‑nyarubha inu, mwikenge omuunu oyo. Musige okubha na obhumwi nage, korereki eesware.

Baeburania 13:24

Mukeesye abhatangasya bheemwe bhoone na abheekirisya bhoone bhanu bhari eyo. Abheekirisya okusooka mu‑chaaro cha Yitaariya abhabhakeesya.

Bafilipi 4:1

Kurwa ejo, abhayiri bhaani, mwimereeguru murumateene mu‑kwiyikanya Raatabhugenyi Yeesu. Enibheenda na niri na obhwira bhwa okubhugana na emwe, abheendwa bhaani. Emwe neemwe rikonderwa ryani na orutengya rwani rwa obhuyigi runu niriyaanwa inguru ya emirimu jinu nikorere.

Bafilipi 3:18

Naabhabhwiriiye kwiya kaafu omusango gunu enikena okubhabhwira, woori enigwayika rindi enu nindira amasiga mogomogo. Bhari‑wo abhaanu bhanu obhurame bhwebhwe obhweresya ati, ni bhasoko bha obhuchungusi bhunu ꞉bhwakorerwe na Kirisito ku‑musarabha.

Yakobo 4:7

Mbe, mugayukega Nyamuwanga. Nawe mubhe nimuyingirira Syetaani, niwo aribheeruka.

Bafilipi 1:4

Ka wone omwanya gwone bhunu enibhasabhirwa, enisabhwaga nikondereywe,

Ruuka 16:2

Mbe, omuniibhi oyo, ˆnaamubhirikira omwangarisi wa omwandu gwaye, ˆnaamubhwira ati, ‘Emisango emibhiibhi jinu enuungwa inguru yaawo, ni misango ki? Nuunyeresye echitabho cha obhukumi bhwa obhwitorotongyo bhwa omwandu gwani, kwa okubha utakutura okugenderera rindi okubha omwangarisi wa omwandu gwani!’

Bafilipi 2:16

Ka wone muraasisye abhaanu omusango gwa Nyamuwanga gunu ogubhayaana obhuwanga bhwa akajaanende. Mukakora kutyo, niribhona echiinu cha okwikuuyisya ku‑rusuku rurya Kirisito arisubha. Okubha emirimu jinu ꞉naayambeene okukora agatigati yeemwe jaariga jitari ja okufwirwa‑mo.

Baefeso 5:21

Bhuri wumwi weemwe orobherega oweejaabho, kwa okubha mu‑kukora kutyo, omuyaana Kirisito echibharo.