Baeburania 13:15 - Indagano Inyaaya mu-Chijita

¹⁵ Mbe, chigenderere okukusya Nyamuwanga okutura ku‑Yeesu okusiga wuri, kwa okubha emisango jeeswe ja okukusya risiina ryaye jiri rwa echoogo chinu echimusoosisya.

INDAGANO INYA:YA

¹⁵ Mbe kurwoyo ciso:sisye Nyamuanga eco:go co kuku:ya kusiku, niryo ritwasyo rye minwa jinu eja:ika risi:na ryae.

Baeburania 13:15 Referans Kwoze

Barumi 12:1

Woori abhayiri bhaani, mumenyere kutyo Nyamuwanga kaachifwira echigongo. Kurwa ejo mbe, enibheerembeeresya ati, mwisoosye obhurame bhwemwe ku‑Nyamuwanga. Mubhe rwa ebhyogo bhinu bhiri ebhiwanga na ebhyeru, bhinu ebhimukondisya. Eyo niyo injira ya echimari ya okumuramya.

1 Petero 2:5

Mumenye ati, emwe wone muri rwa amabhuyi amawanga, Nyamuwanga kaabhoombaka mubhe inju ya echinyamwoyo. Ka wone abhawuuwe na okubhakora mubhe abhagabhisi bhanu abhasoosya ebhyogo bhya echinyamwoyo bhinu ebhimukondisya ku‑njira ya Yeesu Kirisito.

Matayo 11:25

Omwanya ogwoogwo Yeesu ˆnaayika ati, “Raata, Raatabhugenyi wa orwire na echaaro choone! Enikusiima kwa okubha, emisango jinu ꞉waakorere okubha mbisike ku‑bhaanu abha obhwengeeso na abhamenyi, wajisweruuye abhwerubhweru ku‑bhaanu bhanu bhari na eriikirisya rwa abhaana abharera.

1 Petero 4:11

Omuunu woonewoone unu kaaraasya, araasye rwa omuunu unu kaaraasya emisango ja Nyamuwanga chimari. Unu kaasakira abhaanu abhandi, abhasakire ku‑bhuturo bhunu Nyamuwanga amuyaaye, korereki Nyamuwanga akusibhwe ku‑misango joone, okutura ku‑Yeesu Kirisito. Omwene oyo, ayaanwe rikusyo na obhuturo akajaanende koone. Jibhe kutyo.

Baefeso 2:18

Okubha omwene oyo, achiyaaye eswe bhoone, Mwoyo Mweru korereki chifogere ku‑Raata Nyamuwanga.

Baeburania 7:25

Ku‑songa eyo, omwene ari na obhuturo bhwa okuchungura chimwi abhaanu bhoone bhanu abhagenda ku‑Nyamuwanga okutura ku‑mwene. Okubha omwene ni muwanga akajaanende koone, korereki abhasabhirwe ku‑Nyamuwanga omwanya gwone.

Bakolosai 1:12

Ka wone, musiimega Raata Nyamuwanga, kwa okubha ꞉aabhayaaye obhuturo bhwa okusangira omwandu aamwi na abheeru bhaaye mu‑bhutungi bhwa obhweru.

Barumi 6:19

Naasimura na emwe ku‑chijekekanyo echo cha obhugaya, kwa okubha emwe mutari bhaangu okumenya chinu enaayika. Kara, mwariga nimusoosya ebhiwuga bhyone bhya emibhiri jeemwe okukora emisango emijabhi, mwariga muri bhagaya bha ebhibhiibhi, na ebhibhiibhi bhyemwe ꞉bhyeyongesiisye muno. Nawe woori, mubhe nimwisoosya ku‑Nyamuwanga ebhiwuga bhyone bhya emibhiri jeemwe, mubhe abhakosi bha emisango ja obhurengeresi, korereki mukorere emirimu Nyamuwanga kwa omwoyo gwone.

Yowana 10:9

Anye naanye rirango eryo. Woonewoone unu keengira mw‑igutu okutura kw‑anye arichungurwa, ka wone aribha na obhwitaage bhwa okuwuruka na okwingira, na okugenda okureebha mu‑bhureebho bhwa ekisi.

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Ruuka 10:21

Omwanya ogwoogwo, Yeesu ˆnaakondererwa muno ku‑bhuturo bhwa Mwoyo Mweru. ˆNaayika ati, “Raata awe, Raatabhugenyi wa orwire na echaaro choone! Enikusiima kwa okubha, emisango jinu, ꞉waakorere okubha mbisike ku‑bhaanu abha obhwengeeso na abhamenyi, wajisweruuye abhwerubhweru ku‑bhaanu bhanu bhari na eriikirisya rwa abhaana abharera. Yee Raata, nikwo kutyo jaakukondera.”

Baeburania 12:28

Kurwa ejo, chisiimega Nyamuwanga, okubha eekirisya chibhega nichisangira obhukama bhwaye bhunu bhutakutikima. Chiramyega Nyamuwanga ku‑njira inu eyimukondisya na mu‑bhwikeeya na echibharo,