Baeburania 13:14 - Indagano Inyaaya mu-Chijita

¹⁴ Chikore kutyo okubha ku‑chaaro kunu chitari na omusi gunu gurirama akajaanende koone, tari echirindirira okwingira mu‑musi gwa mu‑rwire gunu oguuja.

INDAGANO INYA:YA

¹⁴ Okuba anu citana musi mwikara, nawe eciyenja gunu ogwenda oku:ja.

Baeburania 13:14 Referans Kwoze

Bafilipi 3:20

Nawe, eswe obhwikaro bhweswe ni mu‑rwire na echitegerera kwa obhwira obhunene Omuchungusi na Raatabhugenyi weeswe Yeesu Kirisito, aaje okusooka eyo.

Baeburania 12:22

Nawe emwe mwakingire ku‑chiima echindi, echiima cha Sayuuni, nigwo omusi gwa Yerusareemu irya ya mu‑rwire. Omusi ogwo, ni musi gwa Nyamuwanga omuwanga. Mu‑musi ogwo nimwo ꞉bheekumanyiisye kwa rikonderwa bhamaraayika ebhiwumbi na ebhiwumbi.

Baefeso 2:19

Mbe woori emwe, mutari abhagenyi na abhayitingʼani rindi ku‑Bhayisirayeeri, tari muri bheenengo aamwi na abheeru bha Nyamuwanga, wone muri bhaanu bha mu‑nju ya Nyamuwanga.

2 Bakorinto 4:17

Enaayika kutyo, kwa okubha ebhinyaasyo bhyeswe ni bhyangu na ni bhya kasinjeeke era. Ka wone, ebhichireetera rikusyo rya akajaanende koone. Rikusyo eryo ni ryafu muno, okukira ebhinyaasyo bhyone.

1 Bakorinto 7:29

Abhayiri bhaani mu‑riikirisya, eneenda okwayika ati, akatungu kanu kasigaaye okukingira Kirisito okusubha, ni kafuyi. Kutyo, okusookerera woori bhanu bhatwaye bhasigega okwiganirisya abhagasi bheebhwe era, korereki bhakore emirimu ja Raatabhugenyi.

1 Petero 4:7

Obhuteero bhwa emisango joone, bhuri yeeyi. Kurwa ejo, mwiyingirire na okwiyangarira mu‑misango joone, korereki mubhe na obhuturo bhwa okusabhwa.

Baeburania 4:9

Kurwa ejo, guchaari‑wo omwanya gwa okwisya omwoyo rwa ogwa orusuku rurya rya Isabhaato ku‑bhaanu bha Nyamuwanga.

Baeburania 2:5

Chimenyere ati Nyamuwanga ꞉ataayaaye bhamaraayika obhuturo bhwa okutunga ku‑chaaro echiyaaya, chinu echaayika emisango jaacho. Nawe omuunu umwi asoosiisye obhubhambaasi bhunu mu‑Bhikaame Ebhyeru ati,

Baeburania 9:11

Kirisito ꞉eejire, korereki abhe Omugabhisi Omukuru wa obhutinge obhuyaaya bhunu bhwachireetera emisango ja ekisi. Omwene niwe kaakora emirimu mw‑iyeema erindi rinu riri rya ekisi muno, ka wone rikuumiiye okukira rya okwamba rirya. Riyeema eryo ꞉ritoombakirwe na omuunu, obhugajuro bhwago ni ati, riyeema eryo ritari rya ku‑chaaro kunu.

Baeburania 10:34

Mwariga nimufwira echigongo abheejaanyu bhanu ꞉bhaabhoyerwe mu‑mabhoyero. Ka wone omwanya gunu ꞉mwateesibhwe ebhiinu bhyemwe, ꞉mwegumiirisiisye kwa rikonderwa, kwa okubha emwe ꞉mwamenyere ati muri na ebhiinu bhya ekisi muno bhinu bhitariwaa‑wo wuri.

Baeburania 12:27

Omusango ogwo “rindi” ogweresya abhwerubhweru ati, ebhiinu bhyone bhinu ꞉bhyabhumbirwe, bhirisingisibhwa na okusoosibhwa‑wo, korereki bhisigare ebhiinu bhinu bhitakutura okusingisibhwa.

Obhusweruro 3:12

Omuunu woonewoone unu ariyiga, nirimukora abhe ingʼingi mw‑Iyekaru rya Nyamuwanga waani, wone atarisooka omwo rindi. Nirikaama inguru yaaye risiina rya Nyamuwanga waani na risiina rya omusi gwa Nyamuwanga waani. Omusi ogwo ni Yerusareemu inyaaya, gunu guriika okusooka mu‑rwire ku‑Nyamuwanga waani. Ka wone, nirikaama inguru yaaye risiina ryani riyaaya.