Baeburania 13:13 - Indagano Inyaaya mu-Chijita

¹³ Kurwa ejo eswe wone chimujee‑ko ku‑mwira gwa omusi eyo na okwigumiirisya jiswaro rwa kutyo omwene wone ꞉aajigumiirisiisye.

INDAGANO INYA:YA

¹³ Mbe ciuruke cimuje:ko ku mwira gwo busumbiro, cigege ecifumo cae.

Baeburania 13:13 Referans Kwoze

Baeburania 11:26

꞉Aarorere ati okufumwa inguru ya Kirisito ni bhuniibhi bhwafu muno okukira okubhona obhuniibhi bhwone bhwa ku‑chaaro cha Miisiri. ꞉Aarorere kutyo kwa okubha aariga ˆneeyikanya echiyaanwa chinu Nyamuwanga arimuyaana omwanya gunu oguuja.

Ebikorwa 5:41

Niwo jitumwa nibhasooka mw‑ibharaja rikuru rirya bhakondeeywe, kwa okubha ꞉bhaabharire ati bhaariga bheeyire okugaywa inguru ya risiina rya Yeesu.

Ruuka 6:22

Muri na ribhando emwe, araabha abhaanu abhabhasoka na okubhakindika, abhaja okubhafuma na okubhabhwira ati, emwe muri bhajabhi, inguru yaani anye Omwana wa Omuunu.

Matayo 16:24

Mbe, Yeesu ˆnaabhwira abheeyigisibhwa bhaaye ati, “Omuunu woonewoone unu keenda okunduubha, keendwa eeyigaane omwene, abhature omusarabha gwaye, anduubhe.

2 Bakorinto 12:10

Enikondererwa obhujorobhoke bhwani, ka wone enikondererwa amafumo, jimbuma, jinyaako, na ebhinyaasyo, bhinu ebhimbona inguru ya Kirisito. Enikondererwa, kwa okubha omwanya gunu enibha niri mujorobhoke, niwo enibha niri na amanaga.

Matayo 5:11

“Emwe muri na ribhando araabha abhaanu abhabhafuma, abhabhanyaasya na okubhakuurisya omusango gwonegwone omubhiibhi ku‑songa yaani.

Baeburania 12:3

Mwiganirisye kutyo Yeesu ꞉eegumiirisiisye kutyo abhakosi bha ebhibhiibhi bhaariga nibhamuyingirira, kutyo mwasiga okufwa omutima na okuyigwa okwikirisya Nyamuwanga.

1 Petero 4:4

Abhaanu bhanu bhatakwikirisya Nyamuwanga, abharuguura omwanya gunu abharora ati, mutakusangira aamwi nabho rindi okukora ebhibhiibhi, kurwa ejo, abhabhafuma.

Matayo 27:32

Omwanya gunu bhaariga nibhasooka mu‑musi gwa Yerusareemu, nibhasongʼana omuunu umwi ku‑njira unu aariga ˆnaatogwa Simooni, omwinengo wa mu‑musi gwa Kureene. Abhasirikare abho nibhamusinyiirisya okwitwika omusarabha gwa Yeesu.

Ruuka 9:23

Yeesu ejire aamara, ˆnaabhwira abhaanu bhoone ati, “Omuunu woonewoone unu keenda okunduubha, eenderwe eeyigaane omwene, abhature omusarabha gwaye, anduubhe.

Baeburania 12:2

Chiroreererega Yeesu, okubha omwene niwe ꞉aambisiisye eriikirisya ryeswe, ka wone niwe aririkuumisya. Omwene ꞉eegumiirisiisye ku‑songa ya rikonderwa rinu ryariga niriija. Ka wone ꞉ateeganirisiisye wuri jiswaro ja okufwa ku‑musarabha. Woori eenyanjire orubhaara rwa ebhuryo rwa echitebhe cha ingʼoma cha Nyamuwanga.

Baeburania 12:4

Omwikomeesya okuyiga ebhibhiibhi, nawe muchaari okurwana na ebhibhiibhi okukingira okwitwa.