Baeburania 12:3 - Indagano Inyaaya mu-Chijita

³ Mwiganirisye kutyo Yeesu ꞉eegumiirisiisye kutyo abhakosi bha ebhibhiibhi bhaariga nibhamuyingirira, kutyo mwasiga okufwa omutima na okuyigwa okwikirisya Nyamuwanga.

INDAGANO INYA:YA

³ Mbe mwiganirisyega Oyo e:gumirisisye jimamba jinyafu ja be bibi:bi, jinu bamubambasisye, korereki musige kuigwa no kufwa omutima.

Baeburania 12:3 Referans Kwoze

Bagalatia 6:9

Kurwa ejo, chisige okuyigwa okukora ebhikorwa bhya ekisi! Araabha echiigumiirisya mu‑kukora ja ekisi, chirigesa ja ekisi omwanya gwa okugesa gukakinga.

2 Bakorinto 4:16

Kutyo, chitakufwa omutima. Noorwo kutyo emibhiri jeeswe ejikokora, nawe mu‑myoyo jeeswe, Nyamuwanga kaachikora okubha abhayaaya siku joone.

Obhusweruro 2:3

Ka wone, enimenya ati, mwanyaakire muno inguru yaani, nawe mwigumiirisiisye, noorwo woori muchaari okuyigwa.

1 Bakorinto 15:58

Kutyo, abhayiri bhaani abheendwa mu‑riikirisya, murumatane mu‑riikirisya eryo, okufwa omwoyo wuri. Mugenderere okukora emirimu ja Raatabhugenyi nimukomeeraga bhuri rusuku, kwa okubha mumenyere ati emirimu jinu omukora inguru ya Raatabhugenyi, jitari ja okufwirwa‑mo wuri.

Baeburania 12:2

Chiroreererega Yeesu, okubha omwene niwe ꞉aambisiisye eriikirisya ryeswe, ka wone niwe aririkuumisya. Omwene ꞉eegumiirisiisye ku‑songa ya rikonderwa rinu ryariga niriija. Ka wone ꞉ateeganirisiisye wuri jiswaro ja okufwa ku‑musarabha. Woori eenyanjire orubhaara rwa ebhuryo rwa echitebhe cha ingʼoma cha Nyamuwanga.

Baeburania 3:1

Mbe, abhayiri bhaani mu‑riikirisya, emwe bhanu Nyamuwanga abhirikiiye aamwi na eswe okubha abhaanu bhaaye, mwiganirisye inguru ya Yeesu. Omwene oyo niwe Itumwa ya Nyamuwanga ka wone niwe Omugabhisi Omukuru wa emisango jinu echiikirisya.

2 Bakorinto 4:1

Mbe, kwa okubha Nyamuwanga achiyaaye obhukosi bhunu ku‑chigongo chaaye, chitakufwa omutima wuri.

Yowana 5:16

Niwo abhatangasya bha Abhayawudi nibhaamba okunyaasya Yeesu, kwa okubha aawosyaga abhaanu ku‑rusuku rwa Isabhaato.

Baeburania 12:5

Angu, murabhiiywe emisango ja okusimbiisya omwoyo jinu Nyamuwanga ꞉aabhabhwiriiye emwe bhanu muri bhaana bhaaye? Nyamuwanga ꞉aayikire ati, “Omwana waani, waasiga okugaya jinu Raatabhugenyi waawo kaakukengya. Siga okufwa omutima omwanya gunu kaakugonya.

Ruuka 14:1

Rusuku rumwi, ruri rusuku rwa Isabhaato, Yeesu ˆnaagenda ˆneengira mu‑nju ya omukuru umwi wa Abhafarisaayo okurya ebhiryo. Omwanya gunu Yeesu aariga ari mu‑nju omwo, Abhafarisaayo na abhaanu abhandi bhaariga bhamwiteganiiyega.

2 Batesalonika 3:13

Nawe emwe abhayiri bheeswe, musige okuyigwa okukora ja ekisi.

Yowana 18:22

Yeesu ejire aayika kutyo, omusirikare umwi unu aariga eemereeguuyu ayeeyi nage ˆnaamubhaatuura rikoofi, ˆnaamubhuusya ati, “Nikwo kutyo owusubhya omugabhisi omukuru?”

Yowana 8:52

Mbe, Abhayawudi abho nibhamubhwira Yeesu ati, “Woori echimenya ati, awe uri na risambwa! Bhurayimu ꞉aafuuwe, na abharagi wone ꞉bhaafuuwe. Nawe awe owaayika ati, ‘Omuunu woonewoone unu kaagayuka ameeyigisyo gaani, atarifwa wuri.’

Yowana 8:59

Abhayawudi bhejire bhoongwa ejo, nibhabhooja amabhuyi korereki bhamubhume nago na okumwita. Nawe Yeesu ˆneeyibhisa, ˆnaasooka mu‑rubhuga rwa Riyekaru.

Yowana 8:13

Abhafarisaayo nibhamubhwira ati, “Awe owisoosisya obhubhambaasi omwene. Obhubhambaasi bhwawo bhutari bhwa chimari!”

Yowana 7:12

Abhaanu bhaafu bhaayaajanaga inguru ya Yeesu. Abhandi nibhaayika ati, “Yeesu ni muunu wa kisi,” nawe abhandi nibhaayikaga ati, “Wuri, kaajiga abhaanu.”

Ruuka 16:14

Mbe, Abhafarisaayo bhejire bhoongwa emisango ja Yeesu ejo, nibhamugaya, kwa okubha bhaariga bheendere jipirya muno.

Ruuka 15:2

Omusango ogwo nigukora Abhafarisaayo na abheeyigisya bha ebhiraagiro bhya Muusa bhajujuume ati, “Mbawo omuunu unu, kaakuma abhaanu abha ebhibhiibhi! Ka wone kaarya aamwi nabho!”

Ruuka 5:21

Mbe, abheeyigisya bha ebhiraagiro bhya Muusa na Abhafarisaayo abho, nibhaamba okubhuusyanya nibhaayikaga ati, “Niga unu? Mbawo kaayika emisango ja okufumirisya Nyamuwanga? Atari‑wo omuunu unu kaatura okufwira echigongo ebhibhiibhi, tari Nyamuwanga eenyere!”

Ruuka 2:34

Simiyooni ˆnaabhasabhirwa amabhando, ˆnaabhwira Maryamu nyiramwene omwana oyo ati, “Ringira! Omwana unu asorerwe na Nyamuwanga ati, asingaarisye Abhayisirayeeri bhaafu, na arichungura Abhayisirayeeri abhandi bhaafu. Aribha echibharikisyo chinu chiriremwa na abhaanu.

Matayo 22:15

Mbe, Abhafarisaayo nibheekumanya okwayikana kutyo abhatura okuteganya Yeesu kwa emisango jaaye.

Matayo 21:46

Kurwa ejo, nibhayenja injira ya okumugwata. Nawe nibhoobhaya echise cha abhaanu, kwa okubha abheene ꞉bheetogeeye ati Yeesu ni muragi.

Matayo 21:23

Yeesu ˆneengira rindi mu‑rubhuga rwa Riyekaru rya Nyamuwanga. Omwanya gunu eeyigisyaga, niwo abhakuru bha abhagabhisi na abhakuru bha Abhayawudi nibhaaja okumubhuusya ati, “Jinu owukora, owujikora ku‑bhuturo ki? Niga unu akuyaaye obhuturo obhwo?”

Matayo 15:2

“Kurwa ki abheeyigisibhwa bhaawo abhanyamura jitungwa jinu bhasaaja weeswe ꞉bhaachisigiiye? Mbawo abheene abharya ebhiryo, bhateesaabhire amabhoko geebhwe rwa kutyo jeenderwe!”

Matayo 12:24

Nawe omwanya gunu Abhafarisaayo ꞉bhoonguuwe ejo, nibhaayika ati, “Omuunu unu, kaasoosya‑ko amasambwa ku‑bhuturo bhwa Bherijebhuuri, omukuru wa amasambwa goone.”

Matayo 11:19

Mbe woori, anye Omwana wa Omuunu niijire, enirya ebhiryo na eninywa echifuufu, ka abhaanu abhaayika ati, ‘Ringira! Unu ni munanamba na omukorwa, ka wone ni musaani wa abhatobhesya bha rigooti na abha ebhibhiibhi abhandi!’ Nawe noorwo kutyo, obhwengeeso bhwa Nyamuwanga obhubhuurisibhwa ati, ni bhwa echimari ku‑njira ya ebhikorwa bhya abhaana bhaaye.”

Yowana 9:40

Niwo, Abhafarisaayo abharebhe bhanu bhaariga bharya‑wo, bhejire bhoongwa emisango ejo, nibhamubhuusya ati, “Angu, owaayika ati, noorwo eswe chiri bhawofu?”

Yowana 10:20

Abhaanu bhaafu mu‑bheene, nibhaayika ati, “Unu ari na risambwa! Ka wone ni musasi! Woori ni kurwa ki omumutegeresya?”

1 Petero 2:23

Omwene ejire aafumwa, ꞉ataasubhiisye efumo. Ejire aanyaasibhwa, ꞉ataakangiisye okusubhya orusiima. Tari ꞉aasigire joone ku‑Nyamuwanga, omuramusi omurengeresi.