Baeburania 12:23 - Indagano Inyaaya mu-Chijita

²³ Emwe mwakingire mw‑ikofyanyo rinene rya abheebhurwa bha obhubhere bha Nyamuwanga, bhanu amasiina geebhwe gakaamirwe mu‑rwire. Mwakingire imbere ya Nyamuwanga, unu ari muramusi wa abhaanu bhoone na imbere ya abhaanu abharengeresi bhanu ꞉bhaafuuwe na bhanu woori bhakuumisibhwe.

INDAGANO INYA:YA

²³ na ku kwikofyanya okunene na ikanisa ya bo bubere banu bandikirwe mu rwire, na ka mwejire ku Nyamuanga unu karamura bo:ne, na ku myoyo ja barengeresi banu baku:misibwe,

Baeburania 12:23 Referans Kwoze

Yakobo 1:18

Rwa kutyo omwene ꞉eendere, ꞉aachikorere chibhe abhaana bhaaye, ku‑njira ya omusango gwaye gwa echimari. ꞉Aakorere kutyo, korereki chibhe rwa abhaana bha obhubhere ku‑bhiinu bhyone bhinu ꞉aabhumbire.

Baeburania 11:40

Nyamuwanga ꞉aakorere kutyo, kwa okubha aariga achiiraabhiiye emisango ja ekisi muno, korereki chiramire jinu ꞉aachiragire eswe aamwi na abheene.

Ruuka 10:20

“Noorwo kutyo, musige okukondererwa kwa okubha ati amasambwa agabhagayuka. Tari mukondererwega omusango gunu ati, amasiina geemwe gakaamirwe mu‑rwire.”

Obhusweruro 14:4

Abhaanu abho nibho abharuubha Omwana wa Inaama woonewoone anu kaaja. Ka wone, ꞉bhateejabhiyasiisye na abhagasi, okubha bhaariga bhari bhimura. ꞉Bhaagurirwe okusooka agatigati ya abhaanu abhandi, nibhasoosibhwa wone okubha echoogo cha ebhigeswa cha okwamba ku‑Nyamuwanga na ku‑Mwana wa Inaama.

Obhusweruro 20:15

Omuunu woonewoone unu risiina ryaye ryariga ritakaamirwe mu‑chitabho cha obhuwanga, oyo wone ꞉eeserwe mu‑nyanja ya omuriro.

Baeburania 9:27

Bhuri muunu atereeywe‑wo okufwa rumwi era, akamara okufwa kaarindirira okuramurwa na Nyamuwanga.

Obhusweruro 13:8

Abhaanu bhoone ku‑chaaro choone bhariramya rityanyi eryo, nawe abhaanu bhoone bhanu amasiina geebhwe gakaamirwe mu‑chitabho cha obhuwanga, okusookerera echaaro chichaari okubhumbwa bhataririramya. Echitabho echo ni cha Omwana wa Inaama unu ꞉aatemerwe omutwe.

1 Petero 2:23

Omwene ejire aafumwa, ꞉ataasubhiisye efumo. Ejire aanyaasibhwa, ꞉ataakangiisye okusubhya orusiima. Tari ꞉aasigire joone ku‑Nyamuwanga, omuramusi omurengeresi.

Baeburania 11:4

Eriikirisya niryo ꞉ryakorere Abheeri ˆnaasoosisya Nyamuwanga echoogo cha ekisi okukira chinu Kayini ꞉aasoosiisye. Ku‑riikirisya eryo Nyamuwanga ꞉aabharire Abheeri okubha omuunu omurengeresi, na ˆnaaramira echoogo chaaye. Noorwo kutyo Abheeri ꞉aafuuwe, nawe eriikirisya ryaye erigenderera okubha echijekekanyo cha ekisi kw‑iswe noorwo reero inu.

1 Timoteo 3:5

Okubha omuunu unu atakutura okwimereegururu omusi gwaye kisi, kaatura kutiki okwangarira abheekirisya mw‑ikanisa rya Nyamuwanga?

Bafilipi 4:3

Noorwo awe omukosi weejaasu omwiyikanyibhwa, enikusabhwa usakire abhagasi abho, korereki bhabhe na obhukarariiye bhumwi. Abho bhoone bhaanyaakaga muno aamwi na anye na Keremeeti na abhakosi bheejaasu abhandi, mu‑kuraasya Emisango ja Ekisi. Amasiina ga abhaanu abho bhoone gakaamirwe mu‑chitabho cha obhuwanga.

Baefeso 1:22

Nyamuwanga ꞉aayaanire Kirisito obhuturo inguru ya ebhiinu bhyone, ꞉aamuteeye‑wo abhe rwa omutwe ku‑bhiinu bhyone inguru ya rikanisa.

Ebikorwa 20:28

Woori, mubhega mwiyangariiye na murinde ebhise bhyone bhya abheekirisya, kwa okubha Mwoyo Mweru, abhateeye‑wo mubhe abhaangarisi. Mwangarire abheekirisya abho, kwa okubha Nyamuwanga ꞉aabhagurire kwa isagama ya omwana waaye.

Yowana 5:27

Ka wone, ayaaye Omwana waaye obhuturo bhwa okuramura abhaanu, kwa okubha niwe Omwana wa Omuunu.

Bakolosai 1:24

Woori enikondererwa ebhinyaasyo bhinu enibhona inguru yeemwe. Mu‑mubhiri gwani enisangira ebhinyaasyo bhya Kirisito inguru ya omubhiri gwaye, omubhiri ogwo, niryo rikanisa.

Bakolosai 1:12

Ka wone, musiimega Raata Nyamuwanga, kwa okubha ꞉aabhayaaye obhuturo bhwa okusangira omwandu aamwi na abheeru bhaaye mu‑bhutungi bhwa obhweru.

2 Bakorinto 5:8

Chimari chiri na obhwiyikanyo, ka wone chikeendere noorwo okufuruka okusooka mu‑bhwikaro bhunu, chifurukire ku‑Raatabhugenyi.

1 Bakorinto 15:54

Mbe, omubhiri gunu ogunyamuka, aribha gwafwara omubhiri gunu gutakunyamuka, na omubhiri gunu ogufwa aribha gwafwara omubhiri gunu gutakufwa, awo niwo guribhaga gukumiiye omusango gunu ꞉gwakaamirwe mu‑Bhikaame Ebhyeru gunu ogwayika ati, “Orufu rwasingaarisibhwa, obhuyigi bhwakuumira!”

1 Bakorinto 13:12

Ebhiinu bhinu echirora woori, echibhirora mw‑irore wuti bhiri mu‑rukoowa, nawe omwanya gunu oguuja chiribhirora bhyone abhwerubhweru. Woori enimenya kutooto era, nawe omwanya gunu oguuja nirimenya kisi rwa kutyo anye nimenyerwe na Nyamuwanga.

1 Bakorinto 15:49

Rwa kutyo echisusana na Adaamu, unu ꞉aamogerwe, nyabhuriko chirisusana na Kirisito, unu ꞉aasookereeye mu‑rwire.

Baeburania 2:12

Yeesu ꞉aabhwiriiye Nyamuwanga ati, “Enija okusimura ebhikorwa bhyawo ebhikuru ku‑bhayiri bhaani, enija okwimba jinyimbo ja okukukusya agatigati ya eriikofyanyo ryebhwe.”

Obhusweruro 6:9

Neeya, Omwana wa Inaama ˆnaasuruumura imboyero ya kataanu ya obhurimbo. Mw‑ifuufu rya echigabhiro, nindora emitima ja abhaanu. Abhaanu abho bhaariga bheetirwe ku‑songa ya okwikirisya omusango gwa Nyamuwanga na okuguraasya ku‑bhaanu abhandi.

Obhusweruro 6:11

Niwo abhaanu bhoone bhanu ꞉bheetirwe, nibhayaanwa emingiro jiinyeru. Nibhabhwirwa ati, bharindirire‑wo katungu katooto, okukingira abhakosi bheejaabho, bhanu bhari abhayiri bheebhwe mu‑riikirisya, wone bheetwe rwa kutyo abheene ꞉bheetirwe. Niwo obhukumi bhwebhwe obhuja okukuumira.