Baeburania 12:22 - Indagano Inyaaya mu-Chijita

²² Nawe emwe mwakingire ku‑chiima echindi, echiima cha Sayuuni, nigwo omusi gwa Yerusareemu irya ya mu‑rwire. Omusi ogwo, ni musi gwa Nyamuwanga omuwanga. Mu‑musi ogwo nimwo ꞉bheekumanyiisye kwa rikonderwa bhamaraayika ebhiwumbi na ebhiwumbi.

INDAGANO INYA:YA

²² Nawe mwejire ku ci:ma ca Sayuni, na ku musi gwa Nyamuanga omuanga, na ku Yerusalemi ya mu rwire, na ku bise bya ba:naraika banu batakubarwa,

Baeburania 12:22 Referans Kwoze

Bafilipi 3:20

Nawe, eswe obhwikaro bhweswe ni mu‑rwire na echitegerera kwa obhwira obhunene Omuchungusi na Raatabhugenyi weeswe Yeesu Kirisito, aaje okusooka eyo.

Bagalatia 4:26

Nawe Yerusareemu ya mu‑rwire ni musi gunu guri na obhwitaage, ogwo nigwo maayi unu achiibhuuye.

Obhusweruro 14:1

Nejire neeya, nindingira, nindora Omwana wa Inaama eemereeguuyu ku‑chiima chinu echitogwa Sayuuni na aariga ari aamwi na abhaanu bhisira egana na makumi gana na bhana (144,000). Abhaanu abho bhaariga bhakaamirwe ku‑bhisuusu bhyebhwe, risiina rya Omwana wa Inaama na risiina rya Esemwene.

Obhusweruro 21:2

Mbe, nindora omusi omweru, nigwo Yerusareemu inyaaya, nigwika okusooka mu‑rwire ku‑Nyamuwanga. Omusi ogwo gwariga gunojooribhwe rwa kutyo omwenga kaanojooribhwa inguru ya omurume waaye.

Obhusweruro 22:19

Omuunu woonewoone akasoosya‑mo omusango gwonegwone okusooka ku‑misango ja obhuragi bhwa echitabho chinu, Nyamuwanga wone atariikirisya omuunu oyo okurya amatwasyo ga riiti rinu erisoosya obhuwanga bhwa akajaanende koone noorwo okwikara mu‑musi omweru gunu emisango jaagwo jikaamirwe mu‑chitabho chinu.

Obhusweruro 3:12

Omuunu woonewoone unu ariyiga, nirimukora abhe ingʼingi mw‑Iyekaru rya Nyamuwanga waani, wone atarisooka omwo rindi. Nirikaama inguru yaaye risiina rya Nyamuwanga waani na risiina rya omusi gwa Nyamuwanga waani. Omusi ogwo ni Yerusareemu inyaaya, gunu guriika okusooka mu‑rwire ku‑Nyamuwanga waani. Ka wone, nirikaama inguru yaaye risiina ryani riyaaya.

Baeburania 13:14

Chikore kutyo okubha ku‑chaaro kunu chitari na omusi gunu gurirama akajaanende koone, tari echirindirira okwingira mu‑musi gwa mu‑rwire gunu oguuja.

Baeburania 11:10

Bhurayimu ꞉aakorere kutyo, kwa okubha aariga ˆneeyikanya okwikara mu‑musi gwa ekisi gwa akajaanende koone, omusi gunu Nyamuwanga omwene ꞉aagwiraabhire na okuguumbaka.

Obhusweruro 21:10

Niwo Mwoyo Mweru ˆneeka inguru yaani, maraayika oyo ˆnaansira ku‑chiima echinene echireera. ˆNaanyeeresya omusi omweru Yerusareemu, nigwikaga okusooka mu‑rwire ku‑Nyamuwanga.

Obhusweruro 7:2

Bhamaraayika abho bhaariga bhayaaywe obhuturo bhwa okunyamura echaaro na inyanja. Nejire neeya, nindora maraayika owundi ˆnaariinyagisyaga inguru okusooka ebhuwuruka esuubha ari na orunabho rwa Nyamuwanga omuwanga. ˆNaaragirisya bhamaraayika bhana abho,

Yuuda 1:14

Enooke, omuunu wa riyimbo rya kataanu na kabhiri okusookerera ku‑Adaamu, ꞉aasoosiisye obhuragi inguru ya abhaanu abho ati, “Ringira, Raatabhugenyi kaaja ari na bhamaraayika bhaaye abheeru ebhiwumbi na ebhiwumbi.

Baeburania 10:31

Ni musango gwa okuubhaya muno omuunu okugwa mu‑mabhoko ga Nyamuwanga omuwanga.

Baeburania 9:14

Nawe isagama ya Kirisito iri na amanaga muno okukira orwamba rwa jityanyi ejo! Omwene ꞉eesoosiisye ku‑Nyamuwanga ku‑bhuturo bhwa Mwoyo wa akajaanende koone, korereki abhe echoogo chinu chitari na esojorero ryoneryone. Isagama yaaye niyo eyicheesya emitima jeeswe inguru ya ebhikorwa bhinu ebhireeta orufu, korereki chikorere emirimu Nyamuwanga omuwanga.

Baeburania 3:12

Emwe abhayiri bhaani mu‑riikirisya, mwiyangarirega, korereki aasiga okubha‑wo omuunu woonewoone mw‑imwe unu ari na omutima omubhiibhi, gwa okurema okwikirisya, ka wone unu kaarema okuruubha Nyamuwanga omuwanga.

1 Batesalonika 1:9

Abhaanu abho abhatonda kutyo ꞉mwachikumire na kutyo ꞉mwasigire okuramya amasusano geemwe, nimuyinduka, nimuramya Nyamuwanga omuwanga na owa echimari.

Barumi 11:26

Ku‑njira eyo, Abhayisirayeeri bhoone bharichungurwa. Rwa kutyo Nyamuwanga ꞉aayikire mu‑Bhikaame Ebhyeru ati, “Omuchungusi ariija okusooka Sayuuni, arikora orwibhuro rwa Yakobho bhasige okurema Nyamuwanga.

Barumi 9:26

Ka wone ꞉aayikire ati, “Anu ꞉bhaabhwiriiywe ati, ‘Emwe mutari bhaanu bhaani,’ awo niwo bharitogwa ‘Abhaana bha Nyamuwanga omuwanga.’”

Matayo 5:35

Noorwo mwasiga okurayira ku‑chaaro chinu, kwa okubha nikwo amaguru ga Nyamuwanga gatajire. Mwasiga okurayira wone ku‑musi gwa Yerusareemu, kwa okubha nigwo omusi gwa Nyamuwanga, Omukama omukuru.

Matayo 16:16

Simooni Peetero ˆnaamusubhya ati, “Awe naawe Kirisito, Omwana wa Nyamuwanga omuwanga.”

Baefeso 2:19

Mbe woori emwe, mutari abhagenyi na abhayitingʼani rindi ku‑Bhayisirayeeri, tari muri bheenengo aamwi na abheeru bha Nyamuwanga, wone muri bhaanu bha mu‑nju ya Nyamuwanga.

2 Timoteo 4:18

Enimenya ati arigenderera okumonʼya okusooka mu‑bhibhiibhi bhyone na okunyangarira, okukingira aankingye mu‑bhukama bhwaye mu‑rwire. Raatabhugenyi Yeesu akusibhwe akajaanende koone. Jibhe kutyo.

Baeburania 11:16

Nawe abhaanu abho bhaariga nibheesigomba echaaro cha ekisi muno, nikwo okwayika ati echaaro cha mu‑rwire. Niyo isonga Nyamuwanga atakurora jiswaro okubhirikirwa ati Nyamuwanga weebhwe, okubha abheeraabhiiye omusi.