Baeburania 12:2 - Indagano Inyaaya mu-Chijita

² Chiroreererega Yeesu, okubha omwene niwe ꞉aambisiisye eriikirisya ryeswe, ka wone niwe aririkuumisya. Omwene ꞉eegumiirisiisye ku‑songa ya rikonderwa rinu ryariga niriija. Ka wone ꞉ateeganirisiisye wuri jiswaro ja okufwa ku‑musarabha. Woori eenyanjire orubhaara rwa ebhuryo rwa echitebhe cha ingʼoma cha Nyamuwanga.

INDAGANO INYA:YA

² Nicirore:era Yesu, niwe Omwambi no Mukumisya wo kwikirisya kweswe, Unu okuba akondereywe binu byateywe imbere yae, ne:gumirisya omusaraba, nagaya amaswaro, nenyanja ku kuboko kwe buryo okwe citebe ca iŋoma eca Nyamuanga.

Baeburania 12:2 Referans Kwoze

1 Petero 3:18

Kirisito omwene ꞉aanyaakire rumwi era inguru ya ebhibhiibhi bhya abhaanu bhanu bhatari bha rirenga, korereki achigwatanye na Nyamuwanga. Nawe omwene aariga ari murengeresi. ꞉Eetirwe echinyamubhiri, nawe ˆnaakorwa omuwanga ku‑bhuturo bhwa Mwoyo Mweru.

Baeburania 1:3

Omwene oyo niwe orungʼarabhyo rwa rikusyo rya Nyamuwanga. Ka wone niwe orususo rwa echimari rwa kutyo Nyamuwanga ari. Omwene niwe kaakora ebhiinu bhyone bhigwatane aamwi ku‑musango gwaye ogwa amanaga. ꞉Eesiisye abhaanu ebhibhiibhi bhyebhwe, ˆnaagenda mu‑rwire, ˆneenyanja orubhaara rwa ebhuryo rwa Nyamuwanga owa obhuturo bhwone.

Baefeso 5:2

Murame mwendeene, nimuruubhaga echijekekanyo cha Kirisito. Okubha omwene ꞉aacheendere na okwisoosya inguru ya ebhibhiibhi bhyeswe, ˆnaabha echiyaanwa na echoogo echa ebhirange ku‑Nyamuwanga.

Bafilipi 1:6

Nimenyere chimari omusango gunu ati Nyamuwanga unu ꞉aambire omurimu gwa ekisi mu‑myoyo jeemwe, arigugenderesya okukingira gukuumire orusuku rurya Kirisito Yeesu arisubha.

Baeburania 9:28

Nyabhuriko Kirisito ꞉aasoosiibhwe okubha echoogo rumwi era, korereki asoosye‑wo ebhibhiibhi bhya abhaanu bhaafu. Kirisito ariija rwa kabhiri, nawe omwanya ogwo atariija okusoosya‑wo ebhibhiibhi. Tari ariija okuchungura abhaanu bhanu abhamurindirira mu‑bhwikomeesya.

Yowana 6:40

Omusango gunu Raata waani keenda ni ati, bhuri muunu unu kaasombookerwa ati, anye niri Mwana waaye na okunyikirisya, abhe na obhuwanga bhwa akajaanende koone. Oyo niwe anye nirisuurura ku‑rusuku rwa obhuteero.”

1 Petero 3:22

Omwene ꞉aagendere mu‑rwire na woori eenyanjire orubhaara rwa ebhuryo rwa Nyamuwanga. Kaatunga bhamaraayika, ebhibhumbwa bhyone ebhya obhuturo na ebhya amanaga.

Ebikorwa 5:31

Neeya, Nyamuwanga ˆneenamusya Yeesu unu, ˆnaamutuura orubhaara rwaye rwa ebhuryo, abhe Omutungi na Omuchungusi, korereki asakire Abhayisirayeeri bhate ebhibhiibhi bhyebhwe, bhafwirwe echigongo.

Ruuka 24:26

Angu, jaariga jiteenderwe Kirisito okubhona ebhinyaasyo ebhyo, niwo eengire mw‑ikusyo ryaye?”

Yuuda 1:21

Kwa okukora kutyo, mwiyangarirega mu‑ryenda rya Nyamuwanga, nimugenderera okurindirira obhuwanga bhwa akajaanende koone, bhunu muriyaanwa na Raatabhugenyi weeswe Yeesu Kirisito ku‑chigongo chaaye.

Baeburania 8:1

Omusango omunene mu‑joone ejo nigwo gunu. Eswe chiri na Omugabhisi Omukuru wa imbaga eyo, unu eenyanjire mu‑rwire eyo, orubhaara rwa ebhuryo rwa echitebhe cha ingʼoma cha Nyamuwanga owa obhuturo bhwone.

2 Timoteo 4:8

Woori nirindirira era okuyaanwa orutengya rwa okurama kwa obhurengeresi. Raatabhugenyi Yeesu, omuramusi wa rirenga, arinaana orusuku runu arisubha. Orutengya orwo nitariyaanwa anye era, tari na abhandi bhoone bhanu abharindirira kwa obhwiro okusubha kwaye.

Bafilipi 3:20

Nawe, eswe obhwikaro bhweswe ni mu‑rwire na echitegerera kwa obhwira obhunene Omuchungusi na Raatabhugenyi weeswe Yeesu Kirisito, aaje okusooka eyo.

Mariko 14:36

Mw‑isabhwa eryo ꞉aayikire ati, “Abha, Raata, kw‑awe joone ejiturikana. Enikusabhwa unsoosisye‑wo omutawo gunu gwa ebhinyaasyo. Nawe jisige okubha rwa kutyo anye eneenda, tari rwa kutyo awe oweenda.”

Obhusweruro 2:8

“Ukaamire maraayika wa mw‑ikanisa rya Simuriina kutya, Anye niri wa okwamba na owa obhuteero. ꞉Naafuuwe, ninsuuruka! Mutegeresye jinu enibhabhwira!

Baeburania 13:13

Kurwa ejo eswe wone chimujee‑ko ku‑mwira gwa omusi eyo na okwigumiirisya jiswaro rwa kutyo omwene wone ꞉aajigumiirisiisye.

Baeburania 5:9

Mbe, okuruubhana na emisango ejo, Nyamuwanga ꞉aamukorere abhe Omugabhisi Omukuru unu akuumiiye, ˆnaabha obhusimukwa bhwa obhuchungusi bhwa kajaanende ku‑bhaanu bhoone bhanu abhagayuka Yeesu.

Yowana 13:3

Yeesu ꞉aamenyere ati Esemwene ꞉aamuyaaye obhuturo bhwa okutunga ebhiinu bhyone. Ka wone, aariga amenyere ati ꞉aasookere ku‑Nyamuwanga, na ati arisubha ku‑Nyamuwanga.

Ruuka 17:5

Niwo, jitumwa jaaye nibhamubhwira ati, “Raatabhugenyi nuuchoongesye eriikirisya!”

Mariko 9:24

Awoawo, esemwene omwana oyo ˆnaamura obhuraka ˆnaarira ˆnaayikaga ati, “Eniikirisya! Nawe eriikirisya ryani ritakwiya, nuunsakire nibhe na eriikirisya.”

Baeburania 12:3

Mwiganirisye kutyo Yeesu ꞉eegumiirisiisye kutyo abhakosi bha ebhibhiibhi bhaariga nibhamuyingirira, kutyo mwasiga okufwa omutima na okuyigwa okwikirisya Nyamuwanga.

Baefeso 2:16

Ku‑njira ya orufu rwaye ku‑musarabha, ꞉aasingaarisiisye obhusoko, ˆnaagwatanya aamwi abhaanu bhabhiri okubha omuunu umwi na okubhagwatanya bhoone ku‑Nyamuwanga.

Ebikorwa 5:41

Niwo jitumwa nibhasooka mw‑ibharaja rikuru rirya bhakondeeywe, kwa okubha ꞉bhaabharire ati bhaariga bheeyire okugaywa inguru ya risiina rya Yeesu.

Yowana 12:32

Omwanya gunu anye nirisungwa inguru ya echaaro, nirikurura abhaanu bhoone bhaaje kw‑anye.”

1 Petero 1:11

Mwoyo wa Kirisito unu aariga ari mu‑myoyo jeebhwe, ꞉aasoosiisye obhuragi ati Kirisito arinyaaka na akasooka mu‑nyaako ejo, aribhona rikusyo. Abharagi abho, ꞉bhaayenjeresiisye muno okumenya ati, emisango ejo, jirikorekana rusuku ri na jirimubhona kutiki.

Baeburania 10:14

Mbe, kwa okubha Kirisito ꞉eesoosiisye okubha echoogo rumwi era, ꞉aakuumisiisye bhanu bhakorerwe okubha abhaanu bhaaye akajaanende koone.

Yowana 12:24

Ni chimari enibhabhwira ati, araabha oruro rwa ingano rukasigwa okusiikirwa mu‑mayaru rwa omuunu unu afuuwe, rutakutura okumera. Nawe araabha rukasiikirwa, orumera na okutwasya amatwasyo maafu.

Yowana 8:56

Bhurayimu, saaja weemwe, ꞉aakondeeywe muno okurora orusuku rwa okuuja kwani. Ejire aarurora, ˆnaasandabha muno.”

Yowana 1:29

Mwejo yende‑ko, Yowana ˆnaarora Yeesu ˆnaamuuja‑ko. ˆNaabhwira abhaanu bhanu bhaariga bhari awo ati, “Ringira, oyo niwe Omwana wa Inaama wa Nyamuwanga, unu kaasoosya‑wo ebhibhiibhi bhya abhaanu bhoone bha echaaro chinu!

Ruuka 23:11

Yeroode na abhasirikare bhaaye, nibhaamba okusiijaaka Yeesu, nibhamuseka, nibhamufwafya omwingiro gwa echikama. Neeya, Yeroode ˆnaasubhya Yeesu ku‑Piraato.

Matayo 20:28

Jiri rwa kutyo anye Omwana wa Omuunu, ꞉niteejire okukorerwa emirimu, tari ꞉neejire okukorera emirimu abhaanu na okusoosya obhurame bhwani, korereki neerure abhaanu bhaafu.”

Matayo 16:21

Okusookerera omwanya ogwo, Yeesu ˆnaamba okubhwira abheeyigisibhwa bhaaye abhwerubhweru ati ni bhusibhusi agende Yerusareemu na okunyaasibhwa muno. ꞉Aabhabhwiriiye ati abhakuru bha Abhayawudi, abhakuru bha abhagabhisi na abheeyigisya bha ebhiraagiro bhya Muusa, bharimunyaasya okukingira okwitwa. Nawe ku‑rusuku rwa kasatu, arisuuruka.

Obhusweruro 1:17

Nejire naamurora, ningwa ku‑maguru gaaye bhwifumbike wuti nifuuwe. Nawe, ˆnaankuunʼya‑ko na okubhoko kwaye kwa ebhuryo, ˆnaambwira ati, “Siga okuubhaya! Anye niri wa okwamba na owa obhuteero.

Obhusweruro 1:11

Obhuraka obhwo nibhumbwira ati, “Kaama mu‑chitabho emisango joone jinu owuja okurora. Ukamara usire echitabho echo mu‑makanisa ganu gari mu‑misi etaanu na ebhiri jinu jiri Yefeeso, Simuriina, Perigaamo, Tiyaatira, Sariidi, Firadeefiya, na Rawodeekiya.”

Baeburania 7:19

꞉Aarisoosiisye‑wo, kwa okubha ebhiraagiro bhya Muusa bhyariga bhitari na obhuturo bhwa okukuumisya omusango gwonegwone. Nawe woori, Nyamuwanga achiyaaye obhwiyikanyo obhundi bhwa ekisi muno, bhunu obhuchikora chibhe ayeeyi nage.

Baeburania 1:13

Nyamuwanga ꞉ataabhwiriiye maraayika woonewoone ati, “Inyanja orubhaara rwani rwa ebhuryo, okukingira omwanya gunu enija okutuura abhasoko bhaawo emwaro ya amaguru gaawo.”

Ebikorwa 2:36

Peetero ˆnaamariisya kwa okwayika ati, “Kurwa ejo, Abhayisirayeeri bhoone ni bhusibhusi bhamenye echimari ati, Nyamuwanga akorere Yeesu okubha Raatabhugenyi na Kirisito. Oyo, niwe emwe ꞉mwabhambire ku‑musarabha!”

Mariko 9:12

Omwene ˆnaabhasubhya ati, “Chimari Yeeriya aritangata okuuja, korereki achumechume emisango joone. Aamwi na ejo, kurwa ki jikaamirwe mu‑Bhikaame Ebhyeru ati Omwana wa Omuunu arinyaasibhwa muno na okugaywa?

Obhusweruro 1:8

Raatabhugenyi Nyamuwanga kaayika ati, “Naanye Obhwambiro na Obhuteero. Anye niri‑wo, naariga niri‑wo na niribha‑wo. Anye niri Nyamuwanga owa obhuturo bhwone.”

Baeburania 11:36

Abhandi ꞉bhaakoomooywe na okubhumwa na jijaridi. Abhandi ꞉bhaabhoyerwe na amaseega na okweswa mw‑ibhoyero.

Baeburania 10:33

Omwanya ogundi mwariga nimufumwa na okunyaasibhwa imbere ya abhaanu bhaafu. Omwanya ogundi mwariga nimusakira bhanu bhaariga nibhabhona ebhinyaasyo rwa emwe.

Mariko 16:19

Raatabhugenyi Yeesu ejire aamara okwayika nabho, Nyamuwanga ˆnaamugega ˆnaamwingʼengya mu‑rwire. ˆNeenyanja orubhaara rwa ebhuryo ku‑Nyamuwanga.

Ebikorwa 3:15

Kurwa ejo, ꞉mweetire unu ari bhusimukwa bhwa obhuwanga. Nawe Nyamuwanga ˆnaamusuurura okusooka mu‑bhafuuwe! Eswe chiri bhabhambaasi bha okusuuruka kwaye.

1 Bakorinto 1:18

Abhaanu bhanu abhabhura abharora ati emisango ja Kirisito okufwa ku‑musarabha ni ja echimuumu, nawe kw‑iswe bhanu echichunguka, emisango ejo nigo amanaga ga Nyamuwanga.

1 Bakorinto 1:23

Nawe eswe, echiraasya emisango inguru ya Kirisito unu ꞉aafuuwe ku‑musarabha. Emisango ejo ejikora Abhayawudi bheekuujure, na ku‑bhanu bhatari Bhayawudi ni misango ja echimuumu.

Yakobo 2:1

Abhayiri bhaani mu‑riikirisya, rwa kutyo mwikirisiisye Raatabhugenyi weeswe Yeesu Kirisito owa rikusyo, musige okubha na isoroore ku‑bhaanu.

Mariko 15:28

Niwo nibhikuumira Ebhikaame Ebhyeru bhinu ebhyayika ati, “꞉Aabhariiywe aamwi na bhakosi bha ebhibhiibhi.”]