Baeburania 12:16 - Indagano Inyaaya mu-Chijita

¹⁶ Mwiyangarirega, korereki agati yeemwe aasiga okubha‑wo omuunu omuromesi amwi omuunu unu atakuyaana echibharo Nyamuwanga rwa kutyo Esawu aariga atakumuyaana. Omwene Esawu ꞉aagusiisye rirenga rya omwibhurwa wa obhubhere inguru ya riribhire rimwi era.

INDAGANO INYA:YA

¹⁶ Asigega kubao muromesi, amwi unu ataku:kaya Nyamuanga, rwa Esau unu agusisye obukuru bwae obwo kwiburwa, nabugusya biryo bityari.

Baeburania 12:16 Referans Kwoze

Obhusweruro 22:15

Nawe, abharosi bhoone, abharomesi, abheeti, abhaanu bhanu abharamya amasusano na abhaanu bhoone bhanu abheenda okwayika orubheeyi, bharibha anja ya omusi ogwo rwa jimbwa.

Baeburania 13:4

Obhutwarwa bhwenderwe bhuyaanwe echibharo na abhaanu bhoone. Omurume na omugasi bheekengega obhuromesi, kwa okubha Nyamuwanga ariramura abhasengani na abharomesi.

Ebikorwa 15:29

Musige okurya ebhiryo bhinu bhisoosiibhwe inguru ya okuramya amasusano, okurya noorwo okunywa orwamba, okurya jityanyi jinu jiitirwe kwa okubhuutwa na okukora obhuromesi. Araabha mukasigana na ejo, niwo omubha mukorere kisi. Jibhe kutyo.”

Mariko 7:21

Mu‑mwoyo gwa omuunu nimwo obhusooka obhwiganirisya obhubhiibhi, obhusengani,

Obhusweruro 21:8

Nawe abhoobha, abhaanu bhanu bhatakwikirisya Nyamuwanga, bhanu abhamufuruurusya, abheeti, abharomesi, abharosi na bhanu abharamya amasusano, aamwi na abhabheeyi, bhoone abho orubhaara rwebhwe ni mu‑nyanja ya omuriro omururu gwa emisimu ja echibhiriiti. Okwo nikwo okufwa kwa kabhiri.”

Bakolosai 3:5

Mbe woori, mwese kura chimwi emisango joone ja echaaro chinu jinu jiri mu‑myoyo jeemwe, emisango ejo ni bhuromesi, obhujabhi, okurigira okubhiibhi, obhwiganirisya obhubhiibhi, na okwisigombera ebhiinu. Okwisigombera ebhiinu kuri rwa okuramya amasusano na okusiga okuramya Nyamuwanga.

Baefeso 5:5

Okubha mumenyere chimwi ati, omuunu woonewoone urya unu kaakora obhuromesi, omujabhi woonewoone urya na omwigombi woonewoone urya, ataribha omuri wa omwandu mu‑bhukama bhwa Kirisito na Nyamuwanga. Chimari, omuunu unu keesigombera ebhiinu, niwe kaaramya amasusano.

2 Bakorinto 12:21

Enuubhaya ati, omwanya gunu niribhaaja‑ko rindi, Nyamuwanga waani arikora nirore jiswaro imbere yeemwe. Nirisurumbara okurora abhaanu bhaafu agati yeemwe bhanu ꞉bhaakorere ebhibhiibhi, bhachaari okubhita. Bhachaari na akatungiiywe karyakarya akabhiibhi ka obhujabhi, obhuromesi, na orukubho.

1 Bakorinto 10:8

Ka wone chaasiga okukora obhusengani, rwa kutyo abhandi mu‑bheene bhaariga nibhakora, okukingira ku‑rusuku rumwi nibhasingaarisibhwa abhaanu ebhiwumbi makumi gabhiri na bhisatu.

Ebikorwa 15:20

Echikenwa era okubhakaamira inyarubha okubheeresya ati bhasige okurya ebhiryo bhinu bhisoosiibhwe inguru ya okuramya amasusano, obhuromesi, okurya jityanyi jinu jiitirwe kwa okubhuutwa noorwo okunywa orwamba.

Baefeso 5:3

Nawe obhuromesi amwi obhujabhi bhwa bhuri mbaga, noorwo okwisigombera ebhiinu, ni bhusibhusi bhyasiga okubhubhuutwa agatigati yeemwe, kwa okubha emisango ejo, jiteeyire ku‑bheeru bha Nyamuwanga.

1 Timoteo 1:9

Wone jiiyire okumenya ati, ebhiraagiro bhitateeywe‑wo inguru ya abharengeresi, tari inguru ya bhanu abhanyamura ebhiraagiro na inguru ya bhanyatagayuka, ku‑bhanu bhatakuramya Nyamuwanga na ku‑bhakosi bha ebhibhiibhi, ku‑bhanu bhatari na mitima myeru na ku‑bhajabhi, ku‑bhanu abheeta bheesemwene, bhanyiramwene na ku‑bheeti bha abhaanu,