Baeburania 12:10 - Indagano Inyaaya mu-Chijita

¹⁰ Bharaata ꞉bhaachiyaaye ebhitiibha emiguuga mitooto, rwa kutyo abheene bhaaroraga ati ni kisi. Nawe Nyamuwanga kaachiyaana ebhitiibha inguru yeeswe abheene, korereki chibhe aamwi nage mu‑bhweru bhwaye.

INDAGANO INYA:YA

¹⁰ Okuba ni cimari abo bacitongeraga siku no:to rwa kutyo bendaga, nawe Oyo kacitongera cibonemo omuri:ro korereki cisangire obweru bwae.

Baeburania 12:10 Referans Kwoze

2 Petero 1:4

Kw‑ijo, achiyaaye ebhiyaanwa ebhinene bhya obhurambu, bhinu ꞉aachiragire. Ebhiyaanwa ebhyo, ebhireterera chisige obhunyamuke bhunu bhuri ku‑chaaro ku‑songa ya okurigira okubhiibhi. Ka wone ebhireterera chisangire obhusimukwa bhwa Nyamuwanga.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Bakolosai 1:22

ku‑njira ya orufu rwa Kirisito. ꞉Aakorere kutyo, korereki abhareete imbere yaaye muri bheeru, bhanyataayikwa kubhiibhi noorwo mutari na esoro.

Baefeso 4:24

Ka wone, mufware bhumuunu obhuyaaya, kwa okubha ꞉mwabhumbirwe okubha rwa Nyamuwanga, mu‑bhurengeresi na mu‑mutima omweru. Ejo ejisooka mu‑chimari.

1 Petero 2:9

Nawe emwe muri rwibhuro orusorwa, muri bhugabhisi bhwa echikama, echise cha abheeru, abhaanu bhanu mwawuuywe na Nyamuwanga, korereki muraasye ebhikorwa bhyaye ebhikuru. Omwene ꞉aabhabhirikiiye okusooka mu‑chisuute, mwingire mu‑bhweru bhwaye bhwa okuruguusya.

1 Petero 2:5

Mumenye ati, emwe wone muri rwa amabhuyi amawanga, Nyamuwanga kaabhoombaka mubhe inju ya echinyamwoyo. Ka wone abhawuuwe na okubhakora mubhe abhagabhisi bhanu abhasoosya ebhyogo bhya echinyamwoyo bhinu ebhimukondisya ku‑njira ya Yeesu Kirisito.

Baeburania 12:14

Mbe, mwikomeesyega okwikara kwa omurembe na abhaanu bhoone. Ka wone mwikomeesyega okubha abheeru mu‑bhurame bhwemwe, kwa okubha atari‑wo omuunu unu kaatura okurora Raatabhugenyi akabha atari mweru.