Baeburania 11:40 - Indagano Inyaaya mu-Chijita

⁴⁰ Nyamuwanga ꞉aakorere kutyo, kwa okubha aariga achiiraabhiiye emisango ja ekisi muno, korereki chiramire jinu ꞉aachiragire eswe aamwi na abheene.

INDAGANO INYA:YA

⁴⁰ Okuba Nyamuanga ariga acibonee eswe cinu cikondere muno ati, abene basige kukumisibwa eswe citariwo.

Baeburania 11:40 Referans Kwoze

Obhusweruro 6:11

Niwo abhaanu bhoone bhanu ꞉bheetirwe, nibhayaanwa emingiro jiinyeru. Nibhabhwirwa ati, bharindirire‑wo katungu katooto, okukingira abhakosi bheejaabho, bhanu bhari abhayiri bheebhwe mu‑riikirisya, wone bheetwe rwa kutyo abheene ꞉bheetirwe. Niwo obhukumi bhwebhwe obhuja okukuumira.

Baeburania 8:6

Nawe Nyamuwanga ayaaye Yeesu omurimu gwa obhugabhisi gunu guri gwa kisi muno okukira gurya gwa abhagabhisi bha okwamba bharya. Yeesu niwe kaagwatanya abhaanu na Nyamuwanga mu‑ndagano inu iri ya ekisi okukira ya okwamba irya. Ka wone indagano eyo, iri rwa echiinu chinu chuumbakirwe ku‑rufuka rwa ekisi, nikwo okwayika ati inguru ya omurago gwa kisi muno okukira omurago gwa indagano ya kara irya.

Baeburania 7:19

꞉Aarisoosiisye‑wo, kwa okubha ebhiraagiro bhya Muusa bhyariga bhitari na obhuturo bhwa okukuumisya omusango gwonegwone. Nawe woori, Nyamuwanga achiyaaye obhwiyikanyo obhundi bhwa ekisi muno, bhunu obhuchikora chibhe ayeeyi nage.

Baeburania 9:23

Riyeema rya okuramirisya‑mo Nyamuwanga na ebhiinu bhyone bhinu abhagabhisi bhaariga nibhakorera emirimu okusoosya echoogo, bhyariga bhiri bhijekekanyo bhya ebhiinu bhinu bhiri mu‑rwire eyo. Riyeema na ebhiinu ebhyo bhyariga nibhyesibhwa ku‑njira ya orwamba rwa jityanyi, nawe ebhiinu bhya mu‑rwire bhyenderwe okwesibhwa kwa echoogo chinu chiri cha ekisi okukira orwamba orwo rwa jityanyi.

Baeburania 5:9

Mbe, okuruubhana na emisango ejo, Nyamuwanga ꞉aamukorere abhe Omugabhisi Omukuru unu akuumiiye, ˆnaabha obhusimukwa bhwa obhuchungusi bhwa kajaanende ku‑bhaanu bhoone bhanu abhagayuka Yeesu.

Baeburania 7:22

Mbe, kwa okubha Nyamuwanga ꞉aarayiiye kutyo, Yeesu niwe omwangarisi wa indagano inyaaya inu iri ya kisi muno okukira irya ya omwanya gwa Muusa.

Baeburania 11:16

Nawe abhaanu abho bhaariga nibheesigomba echaaro cha ekisi muno, nikwo okwayika ati echaaro cha mu‑rwire. Niyo isonga Nyamuwanga atakurora jiswaro okubhirikirwa ati Nyamuwanga weebhwe, okubha abheeraabhiiye omusi.